Read NT LS 2005 – Инжил ЛС (2005 Pilipilikterge 1 Bible Online

Pilipilikterge 1 - NT LS 2005 – Инжил ЛС (2005 bible

Pilipilikterge 1

¹Pilipidegi Jıyın başçıları jana diakondor menen birge ele Maşayak Iysanın bardık ıyıktarına Maşayak Iysanın kuldarı Pabıl menen Timeteyden salam!

²Kuday Atabız jana Teŋiribiz Iysa Maşayak silerge ırayımın tögüp, tınçtıgın bere bersin!

³Silerdi estegen sayın, Kudayıma ıraazıçılık bildirem.

⁴Sıyıngan sayın, baarıŋar üçün ar dayım kubanıç menen sıyınam.

⁵Sebebi siler birinçi kündön tartıp azırkıga çeyin Jakşı Kabar taratuu işinde bizge kızmattaş bolup kele jatasıŋar.

⁶Silerde baştagan jakşı işin Kuday Iysa Maşayaktın kününö çeyin ayagına çıgararına bekem işenem.

⁷Baarıŋar jönündö men uşunday oyloogo tiyişmin. Siler ar dayım menin jürögümdösüŋör, antkeni kişende jürgönümdö bolobu, Jakşı Kabardı korgop, bekemdep jatkanımda bolobu, baarıŋar meni menen birge ırayımga şerikteşsiŋer.

⁸Baarıŋardı Iysa Maşayaktın süyüüsü menen süyörümö Kuday kübö.

⁹Silerdin süyüüŋör taanıp bilüü jana ar kanday sezimtaldık jagınan ösö berişi üçün sıyınam.

¹⁰Eŋ jakşısın ajırata bilip, Maşayaktın künündö taza jana kemçiliksiz boluşuŋar üçün,

¹¹Kuday daŋktalışı jana maktalışı üçün, Iysa Maşayak arkıluu adildiktin jemişine artıgı menen ee boluşuŋar üçün sıyınam.

¹²Bir tuugandar, men tuş bolgon jagdaylar Jakşı Kabar taratılışı üçün jakşı şart tüzüp bergenin bilişiŋerdi kaalaym.

¹³Maşayak üçün kişendelgenim padışa sarayının bardık sakçılarına jana başkalarga maalım boldu.

¹⁴Menin kişenderim Teŋir jolundagı bir tuugandardın köbünö dem berdi. Alar Kuday Sözün kayrattuuluk menen, korkposton tarata baştaştı.

¹⁵Iras, kee biröölörü Maşayak jönündö taza niet menen, kee biröölörü içi tardık jana ataandaştık menen jar salıp jatışat.

¹⁶Jakşı Kabardı korgoo maga dayındalganın bilişip, kee biröölörü süyüü menen jar salıp jatışat.

¹⁷Dagı biröölörü bolso tutkunda jatkan maga azap tarttıruu üçün, Maşayak jönündö taza niet menen emes, ataandaştık menen jar salıp jatışat.

¹⁸Antkorlonup bolobu je çın jüröktön bolobu, kanday bolso da, Maşayak jönündö jar salıp jatışat. Men buga kubanam jana kubana bermekçimin.

¹⁹Antkeni silerdin sıyınuuŋar jana Teŋir Iysanın Ruhunun koldoosu menin kutuluuma şart tüzörün bilem.

²⁰Eç nersede uyatka kalbaym dep bekem işenem jana ümüttönöm. Maşayak menin denem arkıluu ar dayım daŋktalıp kelgendey, mından arı da, jaşasam da, ölsöm da daŋktalat dep, kayrattuuluk menen ayta alam.

²¹Men üçün ömür – Maşayak, al emi ölüm – utup aluu.

²²Egerde jerdegi jaşoom üzürlüü emgek menen koştolup jatsa, anda kaysınısın tandap aluunu bilbeym.

²³Men tiginisine da, munusuna da tartılam. Bul düynödön ketip, Maşayak menen birge bolgum kelet, antkeni bul eŋ jakşı.

²⁴Birok kalganım siler üçün paydaluu.

²⁵İşenim jolunda iygilikke jetip, kubanıçka ee boluşuŋar üçün, kalarımdı jana baarıŋar menen birge bolorumdu jakşı bilem.

²⁶Oşentip, silerge ekinçi iret barganımda, men arkıluu Maşayak Iysanı köbüröök maktay alasıŋar.

²⁷Birok Maşayaktın Jakşı Kabarına tatıktuu jaşagıla. Barıp, silerdi körsöm da, silerden alıs jürsöm da, siler tuuraluu «Jakşı Kabar taratılışı üçün bir oy, bir tilek menen bardık küç-araketin jumşap jatışat» degen sözdü ukkanday boloyun.

²⁸Silerge karşı çıkkan adamdardan eç korkpogula. Bul – alar üçün ölümdün, al emi siler üçün kutkarıluunun belgisi, bul Kudaydan.

²⁹Antkeni silerge Maşayakka işenüü gana emes, Al üçün azap çegüü artıkçılıgı da berilgen.

³⁰Mınday küröştü murun menin jaşoomdon körgön bolsoŋor, azır ugup jatasıŋar.