Read NT LS 2005 – Инжил ЛС (2005 Pilipilikterge 2 Bible Online

Pilipilikterge 2 - NT LS 2005 – Инжил ЛС (2005 bible

Pilipilikterge 2

¹Oşentip, egerde silerde Maşayaktan kelgen kandaydır bir sooronuu, kandaydır bir süyüü kubanıçı, Ruh menen bolgon kandaydır bir baarlaşuu, kandaydır bir kayrımduuluk jana boorukerdik bar bolso,

²anda meni kubantkıla: bir oygo, oşol ele süyüügö ee bolgula, ıntımaktuu jana bir pikirdüü bolgula.

³Eç bir nerseni ataandaştık jana köyröŋdük menen kılbagıla, teskerisinçe, momunduk menen başkalardı özüŋördön jogoru sanagıla.

⁴Ar kimiŋ özüŋdü gana emes, özgönü da oylo.

⁵Antkeni silerdin oy jügürtüüŋör Maşayak Iysanıkınday boluşu kerek.

⁶Al Kudaydın beynesi bolgonuna karabastan, Özünün Kuday menen teŋdigin oljo dep eseptegen jok.

⁷Birok kul keypin kiyip, adamga okşoş bolup, sırtkı körünüşü boyunça adamday bolup, Özün Özü basınttı.

⁸Ölgöngö çeyin, aykaş jıgaçta ölgöngö çeyin til alçaak bolup, Özün basınttı.

⁹Oşonduktan Kuday Anı jogorulatıp, Aga bardık ısımdardan jogoru ısım berdi.

¹⁰Iysanın ısımının aldında asmandagılardın, jerdegilerdin jana jer tüpküründögülördün baarı tize bügüşü üçün,

¹¹«Iysa Maşayak – Teŋir, Kuday Atanın daŋkı» dep, ar bir til açık taanışı üçün uşunday kıldı.

¹²Oşentip, menin süyüktüülörüm, araŋarda bolgonumda gana emes, ayrıkça, azır araŋarda jok bolgonumda da, dayıma til alçaak bolgonuŋarday ele, kutkarıluuŋardı korkuu jana titiröö menen jüzögö aşırgıla.

¹³Antkeni Kuday silerdegi tilekti da, araketti da Özünün jakşı nieti boyunça jaratat.

¹⁴Bul düynödö jıldızday jarkırap turuşuŋar üçün, kejir, buzulgan bul muundun arasında Kudaydın taza, kemçiliksiz, kemtiksiz uuldarı boluşuŋar üçün, bardıgın naalıbastan, şektenbesten kılgıla.

¹⁶Bekerge çurkap, emgegim tekke ketpey, Maşayaktın künündö siler menen sıymıktangıday boluşum üçün, ömür sözün bekem tutkula.

¹⁷İşenim kızmatıŋar jana kurmandıgıŋar üçün kurmandık bolo turgan bolsom, men kubanam, baarıŋar menen birge kubanam.

¹⁸Buga siler da kubangıla, meni menen birge kubangıla.

¹⁹Silerdin al-abalıŋardı bilip, köŋülüm tınçış üçün, jakında silerge Timeteydi jiberem dep, Iysa Teŋirden ümüttönöm.

²⁰Antkeni siler üçün çındap kam körgön andan başka eç kimim jok.

²¹Antkeni baarı teŋ ele Iysa Maşayakka jakkandı emes, özdörünö jakkandı közdöşöt.

²²Anın işenimdüü ekenin bilesiŋer. Antkeni Jakşı Kabar taratuu işinde al maga uulu atasına kızmat kılganday kızmat kıldı.

²³Menin emne bolorum belgilüü bolor zamat anı silerge jönötöm degen ümütüm bar.

²⁴Jakında özüm da barıp kalam dep, Teŋirge bekem işenem.

²⁵Meni menen birge iştegen, birge küröşkön, muktaj bolup turganımda jardamçı bolgon, özüŋör jibergen bir tuuganıbız Epaproditti silerge kayra jiberüünü zarıl dep taptım.

²⁶Antkeni al baarıŋardı abdan sagındı, özünün oorup kalganı tuuraluu silerdin da kabardar bolgonuŋarga ayabay tınçsızdandı.

²⁷Çınında ele, al katuu oorup, ölüm aldında jatkan ele. Birok Kuday aga ırayım kıldı, aga gana emes, kaygıma kaygı koşulbaşı üçün, maga da ırayım kıldı.

²⁸Anı kayra körüp kubanışıŋar üçün, özüm da bir az kubanıp kalışım üçün, anı silerge jiberüügö şaştım.

²⁹Anı Teŋirdin urmatına kubanıç menen kabıl algıla, mınday adamdardı sıylagıla.

³⁰Silerdi joktotpoy, maga kızmat kıluu üçün, al öz ömürün tobokelge saldı. Maşayaktın işi üçün ölümgö da baş bayladı.