Read NT LS 2005 – Инжил ЛС (2005 Kolosalıktarga 1 Bible Online

Kolosalıktarga 1 - NT LS 2005 – Инжил ЛС (2005 bible

Kolosalıktarga 1

¹Kudaydın kaaloosu menen Iysa Maşayaktın elçisi bolgon men – Pabıldan jana bir tuuganıbız Timeteyden

²Maşayak Iysaga işengen Kolosadagı ıyık jana işenimdüü bir tuugandarga salam! Kuday Atabız jana Teŋiribiz Iysa Maşayak silerge ırayımın tögüp, tınçtıgın bere bersin!

³Siler üçün dayıma sıyınıp, Kudayga, Teŋiribiz Iysa Maşayaktın Atasına, ıraazıçılık bildirip jatabız.

⁴Antkeni silerdin Maşayak Iysaga bolgon işenimiŋer jana bardık ıyıktarga bolgon süyüüŋör jönündö ukkanbız.

⁵İşenimiŋer menen süyüüŋör asmanda özüŋör üçün dayardalgan nersege bolgon ümütüŋörgö negizdelgen. Al jönündö siler murun ele çındık sözünön – Jakşı Kabardan ukkansıŋar.

⁶Büt düynögö taragan oşol Jakşı Kabar silerge da jetken. Siler Kudaydın ırayımın ugup, anı çını menen taanıp bilgen kündön tartıp, Jakşı Kabar silerdin araŋarda da jemiş berip, ösüp jatat.

⁷Siler süyüktüü kızmattaşıbız Epaprastan üyröngönsüŋör, al – siler üçün Maşayaktın işenimdüü kızmatçısı.

⁸Ruhtun şıktandıruusu menen körsötüp jatkan süyüüŋör jönündö da al bizge aytkan.

⁹Biz bul jönündö ukkan kündön tartıp, siler üçün üzgültüksüz sıyınıp, Anın kaaloosun akılmanduuluk jana ruhiy tüşünük menen toluk taanıp bilişsin dep,

¹⁰Aga bardık jagınan jagıp, bardık işte jakşı jemiş berip, Kudaydı taanıp bilüüsü ösüp,

¹¹Anın daŋkının kubatının bardık küçü menen bekemdelip, bardık nersede turuktuuluktu jana çıdamduuluktu kubanıç menen körsötüp,

¹²bizdi jarıktagı ıyıktardın murasına ülüştöş boluuga tatıktuu kılgan Kuday Ataga ıraazıçılık bildirip, Kudayga tatıktuu jaşaşsın dep suranıp jatabız.

¹³Al bizdi karaŋgılıktın biyliginen kutkarıp, süyüktüü Uulunun padışaçılıgına alıp kirdi.

¹⁴Biz Anın süyüktüü Uulu arkıluu, Uulunun kanı arkıluu kutkarıldık jana künöölörübüz keçirildi.

¹⁵Al – körünbös Kudaydın beynesi, eç nerse jaratıla elekte ele Al bar bolgon.

¹⁶Antkeni asmandagı jana jerdegi körüngön jana körünbögön bardık nerseler: taktılar da, üstömdük kıluuçular da, başkaruuçular da, biyliktegiler da Al arkıluu jaratılgan, bardık nerse Al arkıluu jana Al üçün jaratılgan.

¹⁷Al bardık nerseden murun bar bolçu jana bardık nerse Al arkıluu bar bolup turat.

¹⁸Al – Özünün Denesi bolup eseptelgen Jıyındın başçısı. Al – bardıgının baştalışı, bardık nersede birinçi boluş üçün, Al ölgöndördün arasınan birinçi bolup tirilgen.

¹⁹Antkeni Kuday Anda büt toluktuktun jaşaşın,

²⁰Anın aykaş jıgaçta tögülgön kanı arkıluu tınçtık ornotup, jerdeginin, asmandagının baarın Al arkıluu Özü menen eldeştirüünü tuura kördü.

²¹Jaman oyloruŋardın jana jaman işteriŋerdin ayınan bir kezde Kudayga bötön jana duşman bolgon silerdi da

²²Kuday Anın denesi, ölümü arkıluu Özü menen eldeştirdi. Al silerdi Özünün aldında ıyık, kemçiliksiz jana ayıpsız kılıp turguzuu üçün uşunday kıldı.

²³Egerde siler işenimge negizdelip, bekem tursaŋar jana özüŋör ukkan Jakşı Kabar bergen ümüttön taybasaŋar gana uşunday bolot. Men, Pabıl, asman astındagı bardık jaratılgandarga jarıyalangan uşul Jakşı Kabardı taratkan kızmatçı bolup kaldım.

²⁴Anın Denesi bolgon Jıyın üçün Maşayaktın jetişpegen azap tartuusun özümdün denemde siler üçün azap çegüü menen toluktap jatkanıma kubanam.

²⁵Kudaydın bergen tapşırması boyunça oşol Jıyındın kızmatçısı bolup kaldım. Kudaydın Sözü atkarılışı üçün, maga bul tapşırma siler üçün işenim menen tapşırılgan.

²⁶Kudaydın Sözü, kılımdan kılımga, muundan muunga jaşıruun bolup kelgen sır, azır Anın ıyıktarına açılıp berildi.

²⁷Kuday bul jaşıruun sırdın daŋktuu baylıgı butparastar üçün kanday ekendigin ıyıktarga açıp berüünü kaaladı. Sırdın maanisi daŋktuu ümüt bolgon Maşayaktın silerdin içiŋerde jaşagandıgında.

²⁸Ar bir adamga akıl aytıp, ar bir adamdı akılmandık menen üyrötüp, ar bir adamdı Maşayak arkıluu Kuday aldına jetkileŋ kılıp alıp kelüü üçün, Maşayak jönündö jar salıp jatabız.

²⁹Oşonduktan Anın mendegi kudurettüü küçü menen jan üröp emgektenip da, küröşüp da jatam.