Read NT LS 2005 – Инжил ЛС (2005 Kolosalıktarga 2 Bible Online

Kolosalıktarga 2 - NT LS 2005 – Инжил ЛС (2005 bible

Kolosalıktarga 2

¹Siler üçün, laodikeyalıktar üçün jana meni körbögöndördün bardıgı üçün kanday küröşüp jatkanımdı bilişiŋerdi kaalaym:

²bul alardın jürögün tınçtandırıp, süyüü menen biriktirsin. Kuday Atanın jana Maşayaktın sırın bilüü üçün, jetkileŋ tüşünüktün bardık baylıgına ee boluşuŋardı kaalaym.

³Maşayakta akılmandıktın jana bilimdin büt kençi jaşırılgan.

⁴Men munu silerge eç kim silerdi bal tilge salıp, aldap ketpeşi üçün aytıp jatam.

⁵Antkeni özüm araŋarda bolbosom da, ruhum menen silerdin araŋardamın. Silerdin Maşayakka bolgon işenimiŋerdin bekemdigin jana tartibiŋerdi körüp kubanıp jatam.

⁶Teŋiribiz Maşayak Iysanı kanday kabıl alsaŋar, Anın içinde oşondoy jaşay bergile.

⁷Özüŋörgö üyrötülgöndöy, Anın içinde tamırlagıla, bekemdelgile, işenimiŋer bekemdelsin, ıraazıçılıgıŋar artsın.

⁸Sak bolgula, bir tuugandar: eç kim silerdi adamdık okutuuga jana düynönün tüşünüktörünö negizdelgen pilosopiya menen, jalgan tüşünüktör menen adaştırbasın, antkeni bular Maşayaktın okutuusu emes.

⁹Antkeni Maşayakta Kudaydın tabiyatı tolugu menen jaşayt,

¹⁰Anın içinde siler da toluktukka eesiŋer. Al – bardık başçılıktın jana biyliktin başçısı.

¹¹Siler Maşayaktın içinde sünnötkö oturguzulgansıŋar. Bul – adamdın kolu menen kılınbagan, künöökör tabiyattı çeçip taştagan Maşayaktın sünnötü.

¹²Siler suuga çömüldürülgöndö, Anı menen birge körgö koyulgansıŋar, Anı ölgöndördün arasınan tiriltken Kudaydın küçünö işenüü arkıluu Anı menen birge tirildiŋer.

¹³Kılmıştarıŋardın jana deneŋerdin sünnötkö oturguzulbagandıgının ayınan ölük bolgon silerdi da Kuday Anı menen birge tiriltti, bizdin bardık künöölörübüzdü keçirdi.

¹⁴Al bizdi ayıptagan körsötmölördön turgan kol jazmanı, bizge karşı jazılgan kol jazmanı, öçürüp saldı. Al anı alardın arasınan alıp, aykaş jıgaçka kadoo menen çettetti.

¹⁵Al başçılardı jana biyliktegilerdi kuralsızdandırıp, alardı açık türdö uyatka kaltırdı, alardı aykaş jıgaçta jeŋip çıktı.

¹⁶Oşonduktan eç kim silerdi tamak üçün, je suusunduk üçün, je kandaydır bir mayram üçün, je jaŋırgan ay üçün, je işembi kün üçün ayıptabasın.

¹⁷Antkeni bular – keleçekteginin kölökösü, dene bolso Maşayaktıkı.

¹⁸Eç kim silerdi jalgan momundugu jana periştelerge tabınuusu menen azgırbasın. Mınday adamdar özdörü körbögön nerselerge kızıgışat, Baş menen birikpey, özdörünün adamdık akılı menen kurulay ele tekeberdenişet.

¹⁹Büt dene bolso muundar jana bulçuŋdar arkıluu Baş menen biriget da, bekemdelip, Kuday bergen ösüş menen ösöt.

²⁰Egerde siler düynönün tabigıy negizderi üçün Maşayak menen birge ölsöŋör, anda emne üçün bul düynödö jaşooçular sıyaktuu:

²¹«Munu karmaba», «Anı jebe», «Buga tiybe» degen sıyaktuu erejelerdi saktap jatasıŋar?

²²Munun bardıgı paydalanılıp jok bolo turgan nerselerge tieşelüü. Bul erejelerdin bardıgı – adamdardın buyruktarı jana okutuusu.

²³Öz aldınça dinçildik, momunduk jana deneni kıynoo akılmandık bolup körüngönü menen, künöökör tabiyattı gana kanaattandırat.