Read NT LS 2005 – Инжил ЛС (2005 Kolosalıktarga 3 Bible Online

Kolosalıktarga 3 - NT LS 2005 – Инжил ЛС (2005 bible

Kolosalıktarga 3

¹Egerde siler Maşayak menen koşo tirilseŋer, anda asmandagıga umtulgula, antkeni Maşayak Kudaydın oŋ jagında, asmanda oturat.

²Jerdegi jönündö emes, asmandagı jönündö oylogula.

³Antkeni siler öldüŋör, silerdin ömürüŋör Maşayak menen birge Kudayda jaşırılgan.

⁴Silerdin ömürüŋör bolgon Maşayak kelgende, siler Anı menen birge daŋk menen körünösüŋör.

⁵Oşonduktan dene kumarların: oynoştuktu, ıpılastıktı, kumardanuuçuluktu, jaman kaaloolordu jana butka tabınuuçuluk bolup eseptelgen dünüyökorduktu jok kılgıla.

⁶Uşunday işterdi kılgan baş iybes adamdar Kudaydın kaarına kalışat.

⁷Siler da bir kezde oşol kumarlarıŋar boyunça jaşaçusuŋar.

⁸Azır bolso siler munun baarın: açuunu, kaardı, jamandıktı, zaar tildi, adepsiz sözdördü taştagıla.

⁹Biri-biriŋerge jalgan aytpagıla, antkeni eski tabiyatıŋardı jaman işteri menen birge çeçip salıp, jaŋı tabiyattı kiygensiŋer.

¹⁰Kudaydı taanıp bilüü arkıluu Jaratuuçunun beynesine okşoşuu üçün jaŋılanıp turgan jaŋı tabiyattı kiygensiŋer.

¹¹Jaŋı tabiyatta ellin da, jüyüt da, sünnöttüü da, sünnötsüz da, barbar da, skip da, kul da, erkin adam da jok, bardıgı jana bardıgında – Maşayak.

¹²Oşonduktan Kudaydın tandalgandarı, ıyıktarı jana süyüktüülörü katarı boorukerdikti, ak köŋüldüktü, momunduktu, jooştuktu, çıdamduuluktu kiygile.

¹³Kötörümdüü bolgula, biri-biriŋerdi keçirgile, egerde biri-biriŋerge naarazıçılıgıŋar bar bolso, Maşayak silerdi keçirgendey, siler da keçirgile.

¹⁴Bulardın bardıgının üstünön süyüünü kurçangıla, al – jetkileŋdiktin kuru.

¹⁵Jürögüŋördö Maşayaktın tınçtıgı biylik kılsın, siler bir Denenin müçölörü katarı uşul tınçtıkka çakırılgansıŋar. Iraazıçılık bildirüüçülördön bolgula.

¹⁶Maşayaktın sözü moldugu menen içiŋerde jaşasın. Biri-biriŋerdi akılmanduuluk menen üyrötkülö, biri-biriŋerge zaburlar, daŋktoo ırları jana ruhiy ırlar menen nasaat aytkıla, Kudayga çın jürögüŋördön ıraazıçılık bildirüü menen ırdagıla.

¹⁷Süylösöŋör da, işteseŋer da, bardıgın Teŋir Iysanın ısımı urmatına, Al arkıluu Kuday Ataga ıraazıçılık bildirüü menen kılgıla.

¹⁸Ayaldar, Teŋirge tieşelüü bolgondorgo ılayık kelgendey, küyööŋörgö baş iygile.

¹⁹Küyöölör, ayalıŋardı süygülö, alarga kataal bolbogula.

²⁰Baldar, bardık nersede ata-eneŋerge baş iygile, antkeni bul Teŋirge jagat.

²¹Atalar, baldarıŋardı kıjırlantpagıla, alardın köŋülü çökpögüdöy bolsun.

²²Kuldar, kojoyunuŋarga bardık nersede baş iygile, adamga jagınuuçular sıyaktuu alardın közünö körünüş üçün emes, çın jüröktön, Kudaydan korkuu menen baş iygile.

²³Emne jasasaŋar da, bardıgın çın jüröktön, adamdar üçün emes, Teŋir üçün jasagıla.

²⁴Antkeni sıylıkka Teŋirden muras alarıŋardı bilesiŋer, siler Teŋir Maşayakka kızmat kılıp jatasıŋar.

²⁵Kim adiletsizdik kılıp jatsa, adiletsizdigine jaraşa tieşesin alat, sebebi Teŋirde bet karamalık jok.