Read NT LS 2005 – Инжил ЛС (2005 1 Tesalonikalıktarga 2 Bible Online

1 Tesalonikalıktarga 2 - NT LS 2005 – Инжил ЛС (2005 bible

1 Tesalonikalıktarga 2

¹Bir tuugandar, bizdin silerge barganıbız paydasız bolbogonun bilesiŋer.

²Birok buga çeyin bizdin Pilipide azap çegip, korduk körgönübüzdü özüŋör bilesiŋer. Katuu karşılıktarga karabastan, Kudaydan kayrattuuluk alıp, silerge Kudaydın Jakşı Kabarın jarıyaladık.

³Antkeni biz silerge nasaattı adaşkandıktan je aram oy menen aytpaybız, eç kimdi aldabaybız.

⁴Teskerisinçe, Kuday ılayık dep taap, Jakşı Kabar taratuu işin bizge işenip tapşırgandıktan, biz adamdarga jaguu üçün emes, jürögübüzdü sınagan Teŋirge jaguu üçün süylöybüz.

⁵Özüŋör bilesiŋer, biz silerge eç kaçan jagaldangan jokpuz, kuuluk menen öz paydabızdı közdögön jokpuz. Buga Kuday kübö!

⁶Silerden da, başkalardan da adamdık atak-daŋk izdegen jokpuz.

⁷Maşayaktın elçileri katarı silerge salabat menen kelsek dele bolmok, birok biz balasın böpölögön enedey bolup, silerge jumşak mamile kıldık.

⁸Silerge bolgon süyüübüzdön ulam biz silerge Jakşı Kabardı taratıp gana tim bolboston, öz janıbızdı berüügö da dayar elek, antkeni siler biz üçün kımbat bolup kaldıŋar.

⁹Bir tuugandar, bizdin emgegibiz, kıynalganıbız silerdin esiŋerde: eç kimiŋerge oorçuluk tüşpöşü üçün, künü-tünü iştep jürüp, silerge Kudaydın Jakşı Kabarın tarattık.

¹⁰Silerdin – Iysaga işengenderdin aldında özübüzdü ıyık, adil jana kemçiliksiz alıp jürgöndügübüzgö özüŋör kübösüŋör, Kuday da kübö.

¹¹Antkeni özüŋör bilesiŋer, silerdin ar biriŋerge atası baldarına kılganday mamile kıldık:

¹²silerge kayrat berip, silerdi soorotup, silerdi Öz padışaçılıgına jana daŋkına çakırıp algan Kudayga tatıktuu jaşaşıŋardı ötündük.

¹³Biz jarıyalagan Kuday Sözün kabıl alganıŋar üçün, Kudayga dayıma ıraazıçılık bildirebiz. Siler munu adamdın sözü katarı emes, Kuday Sözü katarı kabıl aldıŋar, çınında ele bul – Kuday Sözü. Iysaga işengen silerde arakettenip jatkan da oşol söz.

¹⁴Antkeni siler, bir tuugandar, Kudaydın Jüyüt aymagındagı, Maşayak Iysa jolundagı Jıyındarına okşop kıyınçılık körüp jatasıŋar. Jüyüttör tarabınan kıyınçılık körüp jatkan alar sıyaktuu siler da öz uruulaştarıŋar tarabınan kıyınçılık körüp jatasıŋar.

¹⁵Alar Teŋir Iysanı öltürüştü, Anın paygambarların öltürüştü, bizdi kuup jiberişti. Kudayga jakkandı kılışpayt, adamdardın bardıgına karşılık körsötüşöt.

¹⁶Kutkarılıp kalışsın dep, butparastarga Jakşı Kabar taratıp jatsak, bizge toskool bolup jatışat. Uşul arkıluu alardın künöölörü çegine jetet. Alar Teŋirdin kaarına kalıştı.

¹⁷Bir tuugandar, kıska ubakıtka siler menen jüz körüşpösök da, jürögübüzdö siler menen birgebiz, oşondoy bolso da silerdin jüzüŋördü körsök degen kaaloobuz çoŋ.

¹⁸Biz, men, Pabıl, silerge baralı dep, bir-eki jolu çıgındık, birok bizge şaytan kedergi boldu.

¹⁹Ümütübüz, kubanıçıbız je maktanar taajıbız kim? Teŋiribiz Iysa Maşayak kelgende, Anın aldında oşol nerseleribiz siler emessiŋerbi?

²⁰Ooba, bizdin maktanıçıbız da, kubanıçıbız da silersiŋer.