Read NT LS 2005 – Инжил ЛС (2005 1 Tesalonikalıktarga 3 Bible Online

1 Tesalonikalıktarga 3 - NT LS 2005 – Инжил ЛС (2005 bible

1 Tesalonikalıktarga 3

¹Oşonduktan biz çıday albay, Atinde özübüz ele kalıp, bir tuuganıbız Timeteydi jiberdik.

²Al – Kudaydın kızmatçısı, Maşayaktın Jakşı Kabarın taratuu işinde bizdin kızmattaşıbız. Anı silerge işenimiŋerdi bekemdeşi üçün, silerdi soorotuşu üçün,

³uşul kıyınçılıktardan ulam eç kimiŋer olku-solku bolboşuŋar üçün jiberdik. Antkeni bizge azap çegüü belgilengendigi silerge maalım.

⁴Azap çegeribiz tuuraluu silerge barganıbızda, aldın ala aytkan elek, aytkanıbızday bolgonun özüŋör da bilesiŋer.

⁵Oşonduktan men çıday albay, işenimiŋer jönündö bilip kelsin dep, Timeteydi jiberdim. Silerdi azgıruuçu azgırıp, emgegibiz tekke ketken jokpu, bileyin dedim.

⁶Timetey bizge silerdin işenimiŋer, süyüüŋör jönündö jakşı kabar menen keldi. Siler bizdi kubanıç menen eskereriŋerdi, biz sıyaktuu ele siler da bizdi körgüŋör kelerin ayttı.

⁷Azır bolso biz, bir tuugandar, azap çegip, muktaj bolup jatkanıbızga karabastan, siler jönündö, silerdin işenimiŋer jönündö ugup sooronup kaldık.

⁸Antkeni siler Teŋir jolunda bekem tursaŋar ele, biz tirüübüz.

⁹Kudayıbızdın aldında siler üçün, siler üçün kubanıp jatkanıbız üçün, Kudayga kanday ıraazıçılık bildirsek bolot?

¹⁰Jüzüŋördü körsök eken dep, işenimiŋerdin jetişpegenin toluktasak eken dep, künü-tünü çın jüröktön sıyınıp jatabız.

¹¹Kuday Atabız Özü jana Teŋiribiz Iysa Maşayak bizdin jolubuzdu silerge bagıttasa eken.

¹²Bizdin silerge bolgon süyüübüz kanday bolso, Teŋir silerdin biri-biriŋerge jana bardık adamdarga bolgon süyüüŋördü oşondoy arttıra bersin.

¹³Teŋiribiz Iysa Maşayak Özünün bardık ıyıktarı menen kelgende, Kuday Atabızdın aldında, ıyıktık jolunda jürögüŋör bekem, kemçiliksiz bolsun.