Read NT LS 2005 – Инжил ЛС (2005 Jaşıya 1 Bible Online

Jaşıya 1 - NT LS 2005 – Инжил ЛС (2005 bible

Jaşıya 1

¹Teŋirdin kulu Musa kaza bolgondon kiyin, Musanın kızmatçısı Nundun uulu Jaşıyaga Teŋir mınday dedi:

²«Menin kulum Musa köz jumdu. Emi sen tur, Men Israyıl uuldarına berip jatkan jerge Israyıl uuldarı menen birge mına bul İordan arkıluu öt.

³Musaga aytkanımday, butuŋar baskan jerdin baarın Men silerge berem.

⁴Çöldön jana mına bul Lebanon jerinen uluu Eprat darıyasına çeyinki hettikterdin bardık jeri, oşondoy ele batıştagı uluu deŋizge çeyinki aymak silerdiki bolot.

⁵Ömürüŋ ötkönçö saga eç kim turuştuk bere albayt. Men Musa menen kanday bolsom, seni menen da oşondoy bolom. Senden çettebeym, seni taştabaym.

⁶Bekem, kayrattuu bol. Antkeni Men ata-babalarına berem dep ubada kılgan jerdi bul eldin karamagına sen ötkörüp beresiŋ.

⁷Bolgonu, bekem, ötö kayrattuu bol, saga Menin kulum Musa bergen mıyzamdı tak saktagın jana atkargın, bardık işteriŋdi akılmanduuluk menen kıluu üçün, andan oŋgo da, solgo da burulba.

⁸Bul mıyzam kitebinde jazılgandar oozuŋdan tüşpösün, anda jazılgandardın bardıgın tak atkarış üçün, alar jönündö künü-tünü oy jügürt, oşondo sen öz joldoruŋda iygilikke jetişesiŋ jana akılmanduuluk menen iş kılasıŋ.

⁹Men saga buyruk kılam: bekem, kayrattuu bol, jaltanba da korkpo, antkeni sen kayda barsaŋ, Kuday-Teŋiriŋ oşol jerde seni menen bolot».

¹⁰Anan Jaşıya el başçılarga mınday dep buyruk berdi:

¹¹«Standı aralap, elge mınday buyruk bergile: “Joluŋarga azık kamdagıla, antkeni üç kündön kiyin, ata-babaŋardın Kuday-Teŋiri silerge muras kılıp bergen jerdi alganı barış üçün, İordandın arı jagına ötösüŋör”».

¹²Al emi Rubeyin, Gat uruusuna jana Menaşenin jarım uruusuna Jaşıya mınday dedi:

¹³«Teŋirdin kulu Musa silerge emne buyruganın estegile. Al mınday degen: “Kuday-Teŋiriŋer silerdi tınçtandırıp, silerge uşul jerdi berdi.

¹⁴Ayaldarıŋar, baldarıŋar jana malıŋar İordandın arı jagında, Musa bergen jerde kalsın. Al emi siler, soguşka jaraktuularıŋar, kuraldanıp alıp, bir tuugandarıŋardın aldında bargıla da, alarga jardamdaşkıla.

¹⁵Teŋir siler sıyaktuu ele silerdin bir tuugandarıŋardı da tınçtandırmayınça, Kuday-Teŋiriŋer bergen jerdi alar muras kılıp alışmayınça, alarga jardamdaşkıla. Oşondon soŋ murasıŋarga kayrılıp kelgile da, Teŋirdin kulu Musa İordandın arı jagınan, çıgış taraptan bergen jerdi eelegile”».

¹⁶Alar Jaşıyaga joop kılıp: «Bizge emne buyrusaŋ, oşonun bardıgın jasaybız, kayda jiberseŋ, barabız.

¹⁷Biz Musanı kanday uksak, seni da oşondoy ugabız. Kuday-Teŋiriŋ Musa menen bolgondoy, seni menen da bolsun.

¹⁸Senin buyruguŋa karşı çıkkan, sen buyruk kılıp aytkan sözdörüŋdün bardıgına kulak salbagan ar kim ölüm jazasına tartılat. Bolgonu, sen bekem, kayrattuu bol!» – deşti.