Read NT LS 2005 – Инжил ЛС (2005 Jaşıya 10 Bible Online

Jaşıya 10 - NT LS 2005 – Инжил ЛС (2005 bible

Jaşıya 10

¹Jaşıya Aydı basıp alıp, anı kargışka kaltırganın, Jerihonu, anın padışasın kanday kılsa, Aydı da, anın padışasın da oşondoy kılganın jana Gibondo jaşagan el Israyıl menen tınçtık kelişimin tüzüp, alardın arasında jaşap kalganın İerusalim padışası Adonu-Sedek ukkanda, abdan korktu.

²Antkeni Gibon çoŋ şaar bolgon, padışanın şaarlarının biri katarı Aydan da çoŋ ele jana anda jaşagandardın baarı er jürök el bolgon.

³Oşonduktan İerusalim padışası Adonu-Sedek Hebron padışası Ogamga, Jarmut padışası Piramga, Lakiş padışası Japiyge, Eglon padışası Debirge kişi jiberip, mınday dep ayttırdı:

⁴«Jaşıya jana Israyıl uuldarı menen tınçtık kelişimin tüzgöndügü üçün, maga kelip, Gibondu talkalap saluuga jardam bergile».

⁵Amorluktardın bul beş padışası: İerusalim padışası, Hebron padışası, Jarmut padışası, Lakiş padışası, Eglon padışası çogulup alıp jönöştü. Alar gibonduktar menen soguşuu üçün, stanı menen Gibondun janına jaygaşıştı.

⁶Gibondo jaşagan el Israyıl stanına, Gilgalda turgan Jaşıyaga kişi jiberip: «Öz kuldarıŋan koluŋdu tartıp alba, tezireek kel, bizdi kutkar, jardam ber, antkeni toolordo jaşagan amorluktardın bardık padışaları bizge karşı çoguluştu», – dep ayttırıştı.

⁷Oşondo Jaşıya baştagan el jana soguşka jaraktuu er jürök erkekterdin bardıgı Gilgaldan çıgıştı.

⁸Teŋir Jaşıyaga mınday dedi: «Alardan korkpo, antkeni Men alardı senin koluŋa salıp berdim. Saga eç kim turuştuk bere albayt».

⁹Jaşıya alarga kapıstan kol saldı, antkeni al Gilgaldan tünü boyu jol jürüp kelgen ele.

¹⁰Alar ısrayıldıktardı körgöndö dürbölöŋgö tüşüştü, antkeni alardı Teŋir dürbölöŋgö salgan ele. Israyıldıktar alardı Gibondo katuu kıyratıp, Beyt-Horon döŋsöösünö ketken jol menen kuup, Azeykaga jana Maketke çeyin talkalaştı.

¹¹Alar Beyt-Horon toosunun booru menen ısrayıldıktardan kaçıp bara jatışkanda, Teŋir alarga asmandan Azeykaga çeyin çoŋ taştardı jaadırdı, alar ölüp jatıştı. Israyıldıktardın kılıçınan kırılgandarga karaganda, möndür taştan kırılgandar köp boldu.

¹²Teŋir amorluktardı ısrayıldıktardın koluna salıp berip, alardı Gibondo talkalagan künü, alar Israyıl uuldarının aldında kırılgan künü Jaşıya ısrayıldıktardın köz aldında Teŋirge mınday dep kayrıldı: «Kün, Gibondun üstünö tokto, ay, Ayalon öröönünün üstünö tokto!»

¹³Oşondo el kas duşmandarınan öç algıça, kün toktop, ay töbödö turdu. Adilettüünün kitebinde: «Kün asmandın dal ortosunda toktop turdu da, deerlik bir kün boyu batıştı karay şaşkan jok», – dep jazılgan.

¹⁴Teŋir adamdın ünün uşunçalık ukkan mınday kün murda da, kiyin da bolgon emes. Antkeni Teŋir Israyıl üçün Özü salgılaştı.

¹⁵Andan soŋ Jaşıya jana anı eerçigen büt Israyıl eli Gilgalga, stanga kaytıp kelişti.

¹⁶Tigil beş padışa bolso kaçıp barıp, Makettegi üŋkürgö jaşındı.

¹⁷Anan Jaşıyaga «Beş padışa tabıldı, alar Makettegi üŋkürdö jaşınıp jatışat» degen kabar jetkende,

¹⁸Jaşıya mınday dedi: «Çoŋ-çoŋ taştardı togolotup kelip, üŋkürdün oozun bütögülö da, kaytarganga kişilerdi koygula.

¹⁹Siler bolso toktoboston, duşmanıŋardın artınan kuugula, askerlerinin artkı bölügün kırıp salgıla, öz şaarlarına kaçıp ketüüsünö jol berbegile, antkeni Kuday-Teŋiriŋer alardı silerdin koluŋarga salıp berdi».

²⁰Jaşıya menen Israyıl uuldarı alardı birotolo talkalaşkandan kiyin, alardın aman kalgandarı çepter menen kurçalgan şaarlarga kire kaçışkandan kiyin,

²¹bardık el stanga, Makette turgan Jaşıyaga tınçtık menen kaytıp keldi. Oşondon kiyin eç kim Israyıl uuldarına til kayrıp süylöy albay kaldı.

²²Oşondo Jaşıya mınday dedi: «Iŋkürdün oozun açıp, andagı beş padışanı maga alıp kelgile».

²³Alar tak oşondoy kılıp, bayagı beş padışanı: İerusalim padışasın, Hebron padışasın, Jarmut padışasın, Lakiş padışasın jana Eglon padışasın üŋkürdön çıgarıp, Jaşıyanın aldına alıp kelişti.

²⁴Bul padışalardı Jaşıyanın aldına alıp kelişkende, Jaşıya büt ısrayıldıktardı çakırıp, özü menen birge jürgön asker başçılarga mınday dedi: «Jakın kelip, bul padışalardı jelkesinen butuŋar menen basıp turgula». Alar jakın kelip, buttarı menen padışalardı jelkesinen basıp turuştu.

²⁵Oşondo Jaşıya alarga mınday dedi: «Korkpogula, üröyüŋördü uçurbagıla, bekem, kayrattuu bolgula, antkeni siler menen soguşa turgan bardık kas duşmanıŋardı Teŋir uşunday kılat».

²⁶Anan Jaşıya alardı öltürüp, beşöönü beş darakka asıp saldı. Alar keçke çeyin daraktarda asılıp turuştu.

²⁷Kün batarda Jaşıya buyruk berip, alardı tüşürtüp, özdörü jaşıngan üŋkürgö taştattırıp, oozun çoŋ taştar menen bütötüp saldı. Alardın söögü bügünkü küngö çeyin oşol jerde.

²⁸Oşol ele künü Jaşıya Maketti basıp alıp, anı padışası menen koşo kılıç mizine aldı. Al jerdegi tirüü jandın baarın kırıp saldı, eç kimdi tirüü kaltırgan jok. Jeriho padışasın kanday kılsa, Maket padışasın da tak oşondoy kıldı.

²⁹Anan Jaşıya menen bütkül Israyıl eli Maketten Libnaga bet alıp, Libna eli menen soguştu.

³⁰Teŋir anı da, anın padışasın da Israyıldın koluna salıp berdi. Jaşıya anı jana anda jaşagan adamdardı kılıç mizine alıp kırıp saldı, eç kimdi tirüü kaltırgan jok. Jeriho padışasın kanday kılsa, Libna padışasın da oşondoy kıldı.

³¹Anan Jaşıya Israyıl eli menen Libnadan çıgıp, Lakişke bet aldı. Anın janına stanın jaygaştırıp, anı menen soguştu.

³²Teŋir Lakişti da Israyıl elinin koluna salıp berdi, al anı ekinçi künü basıp aldı da, Libnanı kırganday, anı jana anda jaşagan adamdardı kılıç mizine alıp kırıp saldı.

³³Oşondo Lakişke Gezer padışası Oram jardamga keldi. Birok Jaşıya anın özün da, elin da kılıçtap kırıp, eç kimdi tirüü kaltırgan jok.

³⁴Anan Jaşıya Israyıl eli menen Lakişten çıgıp, Eglongo bet alıp, anın janına stanın jaygaştırıp, anı menen soguştu.

³⁵Anı oşol ele künü basıp alıp, kılıç mizine alıp kırıp salıştı. Lakişti kırganday, oşol jerde jaşagan adamdardın baarın al oşol künü kırıp saldı.

³⁶Anan Jaşıya jana bütkül ısrayıldıktar Eglondon çıgıp, Hebrongo bet alıp, anı menen soguşuştu.

³⁷Anı da basıp alıp, padışasın da, bardık şaarların da, andagı jaşagan adamdardı da kılıç mizine alıp kırıp saldı, eç kimdi tirüü kaltırgan jok. Eglondu kırganday, anı jana andagı adamdardın baarın kırıp saldı.

³⁸Anan Jaşıya bütkül Israyıl eli menen Debirge bet alıp, anı menen soguştu.

³⁹Anı da basıp alıp, padışasın da, bardık şaarların da, anda jaşagan adamdardı da kılıç mizine alıp kırıp saldı, eç kimdi tirüü kaltırgan jok. Hebrondu jana anın padışasın, Libnanı jana anın padışasın kanday kılsa, Debirdi jana anın padışasın da oşondoy kıldı.

⁴⁰Oşentip, Jaşıya toodo, tüştüktö, tüzdüktö, toonun eteginde jatkan jerlerdi basıp alıp, alardın padışalarının bardıgın kırıp saldı. Eç kimdi tirüü kaltırgan jok, Israyıldın Kuday-Teŋiri buyruk kılganday, bardık adamdardı kırıp saldı.

⁴¹Jaşıya Kadeş-Barneyiden Azaga çeyin, Goşendin büt jerin, atügül, Gibongo çeyin basıp aldı.

⁴²Bul padışalardın bardıgın, alardın jerlerin Jaşıya bir jürüşündö ele basıp aldı, antkeni Israyıldın Kuday-Teŋiri Israyıl üçün Özü soguştu.

⁴³Anan Jaşıya menen ısrayıldıktar Gilgaldagı stanga kaytıp kelişti.