Read NT LS 2005 – Инжил ЛС (2005 Jaşıya 14 Bible Online

Jaşıya 14 - NT LS 2005 – Инжил ЛС (2005 bible

Jaşıya 14

¹Israyıl uuldarı Kanaan jerinde ülüşkö algan jerler mına uşular. Bul jerlerdi alarga ıyık kızmat kıluuçu Elazar, Nundun uulu Jaşıya jana Israyıl uruularının uruu başçıları bölüp berişken.

²Alar ökçömö taş ırgıtıp, Teŋir Musa arkıluu buyruganday, toguz uruuga jana Menaşenin jarım uruusuna ülüş bölüştürüştü.

³Musa eki uruuga jana Menaşenin jarım uruusuna İordandın arkı öyüzünön ülüş böldü. Uruulardın içinen Lebi uruusuna ülüş bölgön jok.

⁴Antkeni Jusuptun uuldarınan eki uruu taragan, alar: Menaşe jana Eprayım uruuları. Oşonduktan alar lebilerge ülüşkö jer berişken jok, alar jaşaganga, alardın mal-mülkünö tegerek-çeti menen şaarlardı gana berişti.

⁵Jer bölüştürüüdö Israyıl uuldarı Teŋir Musaga kanday aytsa, tak oşondoy kılıştı.

⁶Jüyüttün uuldarı Gilgalga, Jaşıyaga kelişti. Kenazdık Jepundun uulu Kalep Jaşıyaga mınday dedi: «Kudaydın kişisi Musaga Teŋir Kadeş-Barneyide sen ekööbüz jönündö emne degenin bilesiŋ.

⁷Kuday-Teŋirdin kulu Musa meni Kadeş-Barneyiden jer çalıp kelüügö jönötköndö, kırk jaşta elem. Men aga joop kılıp, jürögümdö bolgondu aytıp kelgem.

⁸Meni menen bargan bir tuugandarım eldi korkutup salgan. Men bolso öz Kuday-Teŋirimdin aytkanınday kılgam.

⁹Musa oşol künü mınday dep ant bergen: “Butuŋ baskan jerler tübölükkö senin jana senin uuldarıŋdın ülüşü bolot, antkeni sen menin Kuday-Teŋirimdin aytkanınday kıldıŋ”.

¹⁰Oşentip, Teŋir Özü aytkanday, meni aman-esen saktap keldi. Teŋir bul sözdü Musaga aytkandan beri, Israyıl çöldö jürgöndön beri kırk beş jıl öttü. Azır men seksen beştemin.

¹¹Birok men azır da, Musa meni jönötkön uçurdagıday ele küülüü-küçtüümün. Oşol uçurda kançalık küç-kubatım bolso, azır da soguşuuga, kirip-çıguuga oşonçoluk küç-kubatım bar.

¹²Oşonduktan oşol künü Teŋir aytkan bul tooluu aymaktı maga ber, antkeni al toodo Anaktın uuldarı jaşarın, alardın şaarları çoŋ, çeptüü şaarlar ekenin oşol künü ukkansıŋ. Balkim, Teŋir meni menen bolor, oşondo Teŋir aytkanday, men alardı kuup çıgarmın».

¹³Jaşıya Jepundun uulu Kalepke batasın berip, aga Hebrondu ülüşkö berdi.

¹⁴Israyıldıktardın Kuday-Teŋirinin buyrugun tak atkargandıgı üçün, Hebron – bügünkü küngö çeyin kenazdık Jepundun uulu Kaleptin ülüşü.

¹⁵Hebron murda Anaktın uuldarının arasındagı bir alp adamdın atınan Kiriyat-Arba dep atalçu. Oşondon kiyin ölködö tınçtık öküm sürdü.