Read NT LS 2005 – Инжил ЛС (2005 Jaşıya 18 Bible Online

Jaşıya 18 - NT LS 2005 – Инжил ЛС (2005 bible

Jaşıya 18

¹Israyıl uuldarının büt jamaatı Şilogo çogulup, al jerge jıyın çatırın ornotuştu, antkeni al jerdi alar basıp alışkan ele.

²Israyıl uuldarının içinen öz ülüşün ala elek jeti uruu kalgan.

³Jaşıya Israyıl uuldarına mınday dedi: «Ata-babaŋardın Kuday-Teŋiri silerge bergen jerdi eelep albay, jalkoolonup jürö beresiŋerbi?

⁴Ar bir uruudan üçtön kişi jibergile. Men alardı jönötöm, alar barıp, jerdi körüp, kanday bölüştürüü kerek ekenin baykap kelişet.

⁵Alar jerdi jetige bölüşsün. Jüyüt öz jerinde, tüştüktö kalsın, Jusuptun tukumu bolso öz jerinde, tündüktö kalsın.

⁶Siler bolso jerdi jeti ülüşkö bölüp, çiymesin maga alıp kelgile. Men uşul jerde, Kuday-Teŋiribizdin aldında ökçömö taş ırgıtam.

⁷Al emi lebiler ülüş alışpayt, antkeni alardın ülüşü – Teŋirge ıyık kızmat kıluu. Gat, Rubeyin jana Menaşenin jarım uruusuna jerdi Teŋirdin kulu Musa bergen. Alar jerdi İordandın arkı öyüzünön, çıgış taraptan alışkan».

⁸Tandalgan adamdar orundarınan turup jönöp ketişti. Jaşıya bolso jerdin çiymesin çiyip kelüügö jönöp jatkandarga mınday buyruk berdi: «Barıp, al jerdi körüp, çiymesin çiyip kelgile. Men bul jerde, Şilodo, Teŋirdin aldında siler üçün ökçömö taş ırgıtam».

⁹Alar barıp, jerdi kıdırıp körüştü. Anan anın şaarlarının çiymesin çiyip, jerdi jeti ülüşkö bölüp, Şilogo, standagı Jaşıyaga kelişti.

¹⁰Jaşıya Şilodo, Teŋirdin aldında ökçömö taş ırgıtıp, Israyıl uuldarına jer bölüştürüp berdi.

¹¹Birinçi ökçömö taş Benjemin uruusundagı üy-bülölörgö tüştü. Ökçömö taş boyunça alar ülüştü Jüyüttün uuldarı menen Jusuptun uuldarının ülüştörünün ortosunan alıştı.

¹²Alardın tündük taraptagı çek arası İordandan baştalıp, Jerihonun tündük tarabınan ötüp, batıştı karay toogo kötörülüp, Beyt-Aben çölü menen bütöt.

¹³Al jerden çek ara tüştük tarapka, Luzga, başkaça aytkanda, Beytelge ketet da, tömönkü Beyt-Korondun tüştük tarabındagı Atrot-Adar toosuna tüşöt.

¹⁴Anan çek ara Beyt-Korondun aldındagı toodon tüştüktü karay, deŋiz tarapka burulat da, Kiriyat-Baaldın, başkaça aytkanda, Jüyüt uuldarının şaarı bolgon Kiriyat-Jeyarimdin janınan bütöt. Bul – batış tarabı.

¹⁵Tüştük çek ara Kiriyat-Jeyarimdin janınan deŋizdi karay ketet da, Neptoah suularının başatına jetet.

¹⁶Anan çek ara İnom uulunun öröönünün aldındagı toonun etegine, repalıktardın öröönünö, tündükkö tüşöt, anan İnom öröönü menen Jebustun tüştük tarabına tüşüp, Eyin-Rogelge ketet.

¹⁷Tündüktön burulup, Eyin-Şemeşke ketet, andan arı Adumum döŋsöösünün karşısındagı Gelilotko ketet, anan Rubeyin uulunun Boan taşına tüşöt.

¹⁸Anan tüzdüktün janınan tündüktü karay ötüp, tüzdükkö tüşöt.

¹⁹Al jerden çek ara Beyt-Kaglanın janınan tündükkö ötüp, Tuzduu deŋizdin tündük buluŋunan, İordandın tüştügündögü kuygan jerinen bütöt. Bul – tüştük çek ara. Çıgış çek arası İordan bolup eseptelet.

²⁰Benjemin uruusunun tuş taraptan kurçalgan çek araları uşular.

²¹Benjemin uruusuna taandık şaarlar: Jeriho, Beyt-Kagla jana Eymek-Ketsis,

²²Beyt-Araba, Semarayım jana Beytel,

²³Abım, Para jana Opra,

²⁴Kepar-Aamonay, Ayopni jana Geba. Ayıl-kıştaktarı menen on eki şaar.

²⁵Gibon, Rama jana Beyrot,

²⁶Mispe, Kepira jana Motsa,

²⁷Rekem, İrpeyel jana Tarala,

²⁸Seyla, Elep jana Jebus, başkaça aytkanda, İerusalim, Gibat jana Keriot. Ayıl-kıştaktarı menen on tört şaar. Benjemin uruusunun ülüşü uşul.