Read NT LS 2005 – Инжил ЛС (2005 Jaşıya 20 Bible Online

Jaşıya 20 - NT LS 2005 – Инжил ЛС (2005 bible

Jaşıya 20

¹Anan Teŋir Jaşıyaga mınday dedi:

²«Israyıl uuldarına ayt: “Men silerge Musa arkıluu aytkanday, baş kalkalay turgan şaarlardı tandagıla.

³Atayın emes, jaŋılıştık menen kişi öltürüp algan adam al şaarga kaçıp barıp, kan kuugan adamdan jaşınsın.

⁴Bul şaarlardın birine kaçıp bargan adam şaar darbazasının aldına turup, kılgan işin al şaardın aksakaldarına uguza aytıp bersin. Oşondo alar anı şaarga kabıl alışat da, aga jaşap turguday jay berişet.

⁵Anın artınan kan kuugan adam kelgende, alar kişi öltürgön adamdı anın koluna salıp berişpesin, antkeni al öz jakının atayılap öltürgön emes, anı menen kastaşkan emes.

⁶Al jamaat aldına, sot aldına kelgenge çeyin, oşol uçurdagı başkı ıyık kızmat kıluuçunun közü ötköngö çeyin oşol şaarda jaşap tursun. Oşondon kiyin gana kişi öltürgön adam kaçıp çıkkan öz şaarına, öz üyünö kaytsın”».

⁷Oşondo alar Naptalı toosundagı, Galileyadagı Kedeşti, Eprayım toosundagı Şekemdi, Jüyüt toosundagı Kiriyat-Arbanı, başkaça aytkanda, Hebrondu,

⁸İordandın çıgış tarabındagı, Jerihonun janındagı, Rubeyin uruusuna tieşelüü çöldögü, tüzdüktögü Betserdi, Gat uruusuna tieşelüü Gilattagı Ramottu, Menaşe uruusuna tieşelüü Başandagı Golandı bölüştü.

⁹Bul şaarlar jaŋılıştık menen kişi öltürüp algan ısrayıldık bolobu, kelgin bolobu, kaçıp barıp baş kalkalaşı üçün, jamaat aldına, sot aldına kelgenge çeyin, kan kuugan adam anı öltürüp koyboşu üçün dayındalgan.