Read NT LS 2005 – Инжил ЛС (2005 Jaşıya 22 Bible Online

Jaşıya 22 - NT LS 2005 – Инжил ЛС (2005 bible

Jaşıya 22

¹Oşondo Jaşıya Rubeyin, Gat uruuların, Menaşenin jarım uruusun çakırıp alıp, mınday dedi:

²«Kuday-Teŋirdin kulu Musa silerge emneni buyrusa, bardıgın orundattıŋar, men silerge emneni buyrusam, bardıgın atkardıŋar.

³Bir tuugandarıŋardı bügünkügö çeyin, köp kündör boyu taştagan joksuŋar jana Kuday-Teŋiriŋerdin buyrugu boyunça emne kıluu kerek bolso, oşonun bardıgın kıldıŋar.

⁴Kuday-Teŋiriŋer bir tuugandarıŋarga ubada kılganday, azır alardın köŋülün tınçıttı. Emi artıŋarga kayrılıp, Teŋirdin kulu Musa bergen İordandın arkı öyüzündögü jerge, öz çatırlarıŋarga, özüŋördün jeriŋerge bargıla.

⁵Bolgonu, Teŋirdin kulu Musa bergen mıyzamdar menen osuyattardı tak atkaruuga araket kılgıla. Kuday-Teŋiriŋerdi süygülö, Anın joldoru menen jürgülö, Anın osuyattarın atkargıla, Aga jabışkıla, Aga çın jürögüŋör, jan-diliŋer menen kızmat kılgıla».

⁶Anan Jaşıya alarga batasın berip koё berdi, alar öz çatırlarına jönöp ketişti.

⁷Menaşe uruusunun birinçi jarımına ülüştü Musa bergen, alar Başandan jer alışkan. Ekinçi jarımına ülüştü Jaşıya bölüp berdi, alar İordandın berki öyüzünön, batış tarabınan jer alıştı. Jaşıya alarga da batasın berip, öz çatırlarına koё berdi.

⁸Jaşıya alarga mınday dedi: «Öz çatırlarıŋarga köp baylık, ötö köp mal, altın, kümüş, jez, temir, abdan köp kiyim-keçe menen kaytıp bara jatasıŋar. Duşmanıŋardan tüşkön oljonu bir tuugandarıŋar menen bölüşkülö».

⁹Oşondo Rubeyin, Gat uruuları, Menaşenin jarım uruusu Kanaan jerindegi Şilodon Teŋirdin Musa arkıluu bergen buyrugu boyunça ülüştörünö tiygen Gilat jerine jol tartıştı.

¹⁰Kanaan jerindegi İordandın janına jetkende, Rubeyin, Gat uuldarı, Menaşenin jarım uruusu İordandın janına alıstan karaganda ele körünö turgan, çoŋ kurmandık çalınuuçu jay kuruştu.

¹¹Israyıl uuldarı «Rubeyindin, Gattın uuldarı jana Menaşenin jarım uruusu Israyıl uuldarına karaştuu Kanaan jerindegi İordandın janına kurmandık çalınuuçu jay kuruştu» degen sözdü uguştu.

¹²Munu uguşkanda, alar menen soguşuu üçün, Israyıl uuldarının büt jamaatı Şilogo çoguldu.

¹³Israyıl uuldarı Rubeyin, Gat uuldarına jana Menaşenin jarım uruusuna, Gilat jerine Elazardın uulu, ıyık kızmat kıluuçu Pinehastı jönötüştü.

¹⁴Anı menen koşo Israyıldın bardık uruularınan birden uruu başçı çıgarıp, on uruu başçı jönötüştü. Alardın baarı miŋdegen ısrayıldıktardan tandalgan başçılar ele.

¹⁵Anan alar Gilat jerindegi Rubeyindin, Gattın uuldarına jana Menaşenin jarım uruusuna kelişip, mınday dep aytıştı:

¹⁶«Teŋirdin büt jamaatı mınday dep aytıp jatat: “Emne üçün siler Israyıldın Kudayının aldında uşunday künöö kıldıŋar? Emne üçün siler Teŋirden çettep, özüŋörgö kurmandık çalınuuçu jay kurup, Teŋirge karşı çıktıŋar?

¹⁷Emne, bizge Peyordun mıyzamsızdıgı azdık kılıp jatabı? Andan uşul küngö çeyin tazalana elekpiz go. Teŋirdin jamaatı oşol üçün kırgınga uçurabadı bele!

¹⁸Siler bolso bügün Teŋirden baş tartıp jatasıŋar! Siler bügün Teŋirge karşı çıgıp jatasıŋar. Erteŋ Teŋir Israyıldın büt jamaatına kaarın tögöt.

¹⁹Egerde ülüşüŋörgö tiygen jerler silerge taza emes sezilip jatsa, anda Teŋirdin jıyın çatırı turgan Teŋirdin jerine kelgile da, bizdin arabızdan jer algıla, birok özüŋörgö Kudayıbızdın kurmandık çalınuuçu jayınan başka kurmandık çalınuuçu jay kurup, Teŋirge karşı çıkpagıla, bizge karşı çıkpagıla.

²⁰Zeraktın uulu Ahan kargışka kalgandı alıp, jalgız özü ele kılmış kılsa da, kaar jalpı Israyıl jamaatına tögülbödü bele? Öz mıyzamsızdıgı üçün al özü ele ölgön jok”».

²¹Oşondo Rubeyindin, Gattın uuldarı, Menaşenin jarım uruusu buga joop kılıp, miŋdegen ısrayıldıktardın başçılarına mınday deşti:

²²«Kudaylardın Kudayı, Teŋir, kudaylardın Kudayı, Teŋir, bilet, Israyıl da bilsin! Egerde biz Teŋirge karşı çıgıp, Andan çettep jatkan bolsok, anda uşul künü Teŋir bizdi ayabasın!

²³Egerde biz kurmandık çalınuuçu jaydı Teŋirden baş tartış üçün, anın üstündö bütündöy örttölüüçü kurmandıktı, nan kurmandıgın, tınçtık kurmandıgın çalış üçün kurgan bolsok, anda bizdi Teŋir Özü jazalasın!

²⁴Biz anı korkkonubuzdan, kiyin silerdin baldarıŋar bizdin baldarıbızga: “Israyıldın Kuday-Teŋiri menen silerdin jalpılıgıŋar jok!

²⁵Rubeyindin uuldarı menen Gattın uuldarı, ortobuzga Teŋir çek katarı İordandı koybodu bele, Teŋirge silerdin tieşeŋer jok!” – dep aytpaşı üçün kurduk. Silerdin baldarıŋar bizdin baldarıbızdın Teŋirge tabınuusuna oşentip jol berişmek emes.

²⁶Oşonduktan biz mınday çeçkenbiz: kurmandık çalınuuçu jay kuralı, birok bütündöy örttölüüçü kurmandıktı jana başka kurmandıktardı çaluu üçün emes.

²⁷Al biz menen silerdin, bizdin tukumubuz menen silerdin tukumuŋardın ortosunda Teŋirge bütündöy örttölüüçü, ıraazıçılık bildirüü jana başka kurmandıktarıbız menen kızmat kıla alarıbızga kübö bolup turuşu üçün, kiyin silerdin baldarıŋar bizdin baldarıbızga: “Teŋirge silerdin tieşeŋer jok”, – dep aytpaşı üçün kuruldu.

²⁸Bizge jana bizdin kiyinki ukum-tukumubuzga oşentip ayta turgan boluşsa, anda alar: “Özüŋör körüp turgan, Teŋirdin kurmandık çalınuuçu jayına okşoş bul kurmandık çalınuuçu jaydı bizdin ata-babalarıbız bütündöy örttölüüçü kurmandıktı jana başka kurmandıktardı çaluu üçün emes, birok siler menen bizdin ortobuzga kübö boluşu üçün kurgan”, – dep aytışat.

²⁹Teŋirge karşı çıkpay kalalı, Teŋirden çettebey kalalı, Anın jıyın çatırının aldında turgan kurmandık çalınuuçu jaydan başka, bütündöy örttölüüçü kurmandık, tınçtık kurmandıgı jana başka kurmandıktar çalınuuçu jay kurbay kalalı».

³⁰Rubeyindin, Gattın uuldarı menen Menaşenin jarım uruusu aytkan bul sözdördü ıyık kızmat kıluuçu Pinehas, anın janındagı jamaat başçıları jana miŋdegen ısrayıldıktardın başçıları tuura körüştü.

³¹Elazardın uulu, ıyık kızmat kıluuçu Pinehas Rubeyindin, Gattın uuldarına jana Menaşenin jarım uruusuna mınday dedi: «Teŋir bizdin arabızda ekenin, siler Teŋirdin aldında bul künöönü kılbaganıŋardı bügün bildik. Siler Israyıl uuldarın Teŋirdin jazasına duuşar kılgan joksuŋar».

³²Elazardın uulu ıyık kızmat kıluuçu Pinehas menen başçılar Rubeyin uuldarı menen Gat uuldarınan Kanaan jerindegi Israyıl uuldarına uşul jooptu alıp kelişti.

³³Israyıl uuldarı munu tuura körüştü, Israyıl uuldarı Kudaydı daŋktaştı, Rubeyindin uuldarı menen Gattın uuldarının jerin çaap aluu jönündögü oylorunan kaytıştı.

³⁴Rubeyindin uuldarı menen Gattın uuldarı: «Bul kurmandık çalınuuçu jay alar menen bizdin ortobuzda Teŋir bizdin Kudayıbız ekenine kübö», – dep, anı Eyt dep ataştı.