Read NT LS 2005 – Инжил ЛС (2005 Jaşıya 23 Bible Online

Jaşıya 23 - NT LS 2005 – Инжил ЛС (2005 bible

Jaşıya 23

¹Teŋir Israyıl uuldarın tuş taraptagı bardık duşmandarınan kutkarıp, tınçtandırgandan kiyin, köp mezgil öttü. Jaşıya abdan karıp kaldı.

²Jaşıya Israyıldın büt jamaatın, alardın aksakaldarın, başçıların, başkaruuçuların, közömöldööçülörün çakırtıp alıp, alarga mınday dedi: «Men karıp kaldım.

³Kuday-Teŋiriŋer uşul turgan elderdi silerdin aldıŋarda emne kılganın öz közüŋör menen kördüŋör, antkeni Kuday-Teŋiriŋer siler üçün Özü salgılaştı.

⁴Men İordandan batıştagı uluu deŋizge çeyinki elderdin bardıgın kırıp, kalgan eldi silerdin ukum-tukumuŋarga ökçömö taş boyunça bölüp berdim.

⁵Kuday-Teŋiriŋer silerge aytkanday, alardın jerlerin murastap kalışıŋar üçün, Kuday-Teŋiriŋer Özü alardı aldıŋardan kuup çıgıp, silerdin köz aldıŋarda jok kılat.

⁶Oşonduktan Musanın mıyzam kitebinde jazılgandardın bardıgın tak saktap, tak atkaruuga araket kılgıla, andan oŋgo da, solgo da burulbagıla.

⁷Araŋarda kalıp kalgan elder menen baylanışpagıla, alardın kudayların eskerbegile, attarın atabagıla, alarga kızmat kılbagıla, tabınbagıla,

⁸birok bügünkü küngö çeyin jabışıp kelgeniŋerdey, Kuday-Teŋiriŋerge jabışkıla.

⁹Teŋir köp sandagan küçtüü elderdi silerdin aldıŋardan kuup çıktı. Bügünkü küngö çeyin silerge eç kim turuştuk bere algan jok.

¹⁰Birööŋör ele miŋdi kubalaysıŋar, antkeni Kuday-Teŋiriŋer Özü aytkanday, siler üçün Özü küröşüp jatat.

¹¹Oşonduktan Kuday-Teŋiriŋerdi büt küçüŋör menen süyüügö araket kılgıla.

¹²Egerde siler Teŋirden baş tartıp, araŋarda kalgan bul elder menen katışıp, kız alışıp, kız berişip, siler alarga, alar silerge kele turgan bolso,

¹³anda bilip koygula: Kuday-Teŋiriŋer bul elderdi araŋardan kuup çıkpayt, alar silerge jayılgan tor, moynuŋarga salıngan sıyırtmak bolot, Kuday-Teŋiriŋer bergen berekelüü bul jerde siler kırılıp kalmayınça, alar jonuŋarga kamçı, közüŋörgö tikenek bolot.

¹⁴Jarık düynö menen koştoşoruma az kaldı. Siler jönündö Kuday-Teŋiriŋer aytkan bardık jakşı sözdördün biri da atkarılbay kalbaganın büt jürögüŋör, jan-diliŋer menen taanıp bilgile, bardıgı siler üçün jüzögö aştı, bir da söz atkarılbay kalgan jok.

¹⁵Birok Kuday-Teŋiriŋer silerge aytkan bardık jakşı sözdörün kanday atkarıp kelse, bardık jaman sözdörün da Kuday-Teŋiriŋer bergen berekelüü bul jerde silerdi jok kılmayınça, oşondoy atkarat.

¹⁶Egerde Kuday-Teŋiriŋerdin siler menen tüzgön kelişimin buzup, başka kudaylarga kızmat kılıp, alarga tabınıp ketseŋer, anda Teŋir silerge kaardanat, siler Teŋir bergen bul berekelüü jerde bat ele kırılıp jok bolosuŋar».