Read NT LS 2005 – Инжил ЛС (2005 Jaşıya 3 Bible Online

Jaşıya 3 - NT LS 2005 – Инжил ЛС (2005 bible

Jaşıya 3

¹Jaşıya erteŋ menen erte turdu. Jaşıya jana Israyıldın bardık uuldarı Şitimden çıgıp, İordanga kelişti da, andan ötpöy, oşol jerde tünöp kalıştı.

²Iç kündön kiyin el başçılar standı aralap,

³elge mınday dep buyruk berişti: «Kuday-Teŋiriŋerdin kelişim sandıgın, sandıktı kötörüp bara jatkan ıyık kızmat kıluuçular menen lebilerdi körgönüŋördö, siler da orduŋardan kozgolup, alardın artınan jönögülö.

⁴Birok siler menen alardın ortosundagı aralık eki miŋ çıkanaktay bolsun. Kaysı jol menen baruu kerek ekenin bilişiŋer üçün, alarga jakındabagıla, antkeni siler bul jol menen murun baskan emessiŋer».

⁵Jaşıya elge kayrılıp, mınday dedi: «Iyıktalgıla, antkeni Teŋir erteŋ silerdin araŋarda keremetterdi körsötöt».

⁶Iyık kızmat kıluuçularga bolso Jaşıya mınday dedi: «Kelişim sandıgın alıp, eldin aldında baskıla». Iyık kızmat kıluuçular kelişim sandıgın kötörüp, eldin aldında basıştı.

⁷Oşondo Teŋir Jaşıyaga mınday dedi: «Men Musa menen bolgondoy ele, seni menen da bolorumdu bardık Israyıl uuldarı bilişi üçün, bügündön tartıp Men seni alardın aldında daŋazalay baştaym.

⁸Sen bolso kelişim sandıgın kötörüp bara jatkan ıyık kızmat kıluuçularga mınday dep buyruk ber: “İordanga kireriŋer menen, İordanda toktop turgula”».

⁹Jaşıya Israyıl uuldarına mınday dedi: «Bul jakka kelgile, Kuday-Teŋiriŋerdin sözünö kulak salgıla».

¹⁰Jaşıya dagı mınday dedi: «Kanaandıktardı da, hettikterdi da, hibilikterdi da, perizdikterdi da, girgeştikterdi da, amorluktardı da, jebustuktardı da silerdin aldıŋardan kuup çıga turgan tirüü Kuday araŋarda ekenin mından bilesiŋer:

¹¹büt jerdin Teŋirinin kelişim sandıgı silerdin aldıŋarda İordandan ötöt.

¹²Israyıl uruularının içinen on eki kişi: ar bir uruudan birden kişi algıla.

¹³Büt jerdin Egederinin, Teŋirdin, sandıgın kötörüp bara jatkan ıyık kızmat kıluuçulardın tamanı İordan suusuna tieri menen, İordan suusu tartılat da, jogoru jaktan akkan suu dubalday tirelip turup kalat».

¹⁴Oşentip, İordandan ötüş üçün, el çatırlarınan kozgoldu, ıyık kızmat kıluuçular eldin aldında kelişim sandıgın kötörüp jönöştü.

¹⁵Sandık kötörgöndör İordan suusuna kireri menen, sandık kötörgön ıyık kızmat kıluuçulardın butu İordan suusuna tieri menen (İordan darıyası bolso egin oruu maalında jeekterinen çıgıp, taşıp turat),

¹⁶jogoru jaktan akkan suu toktop, Saretandın janındagı Adam şaarına çeyinki eŋ çoŋ aralıkka deyre dubal bolup tirelip kaldı. Al emi tüzdüktögü Tuzduu deŋizge akkan suu soolup kaldı.

¹⁷Anan el Jerihonun tuşunan öttü. Teŋirdin kelişim sandıgın kötörgön ıyık kızmat kıluuçular İordandın ortosundagı kurgak jerde bekem turdu. Israyıl uuldarının baarı kurgak jer menen ötüp jatıştı, bütkül el ötüp bütkönçö oşondoy boldu.