Read NT LS 2005 – Инжил ЛС (2005 Jaşıya 4 Bible Online

Jaşıya 4 - NT LS 2005 – Инжил ЛС (2005 bible

Jaşıya 4

¹Bütkül el İordandan ötkön soŋ, Teŋir Jaşıyaga mınday dedi:

²«Eldin arasınan on eki kişi: ar bir uruudan birden kişi tandap algıla.

³Anan alarga mınday dep buyruk bergile: “Siler bul jerden, İordandın ortosunan, ıyık kızmat kıluuçulardın buttarı bekem turgan jerden, on eki taş alıp, özüŋör menen koşo alıp ötkülö da, tünöy turgan jeriŋerge alıp barıp koygula”».

⁴Jaşıya Israyıl uuldarınan dayındagan on eki kişini: ar bir uruudan birden kişini çakırıp aldı.

⁵Anan alarga mınday dedi: «Kuday-Teŋiriŋerdin kelişim sandıgının aldına tüşüp, İordandın ortosuna bargıla da, Israyıl uruularının sanına jaraşa ar biriŋer birden taş alıp, on eki taştı iyiniŋerge koyup, kötörüp kelgile.

⁶Alar siler üçün belgi bolsun. Kiyin baldarıŋar silerden: “Bul taştar emneni bildiret?” – dep suray turgan bolso,

⁷alarga mınday dep aytasıŋar: “Teŋirdin kelişim sandıgının aldında İordan suusu teŋ bölüngön. El İordandan ötüp bara jatkanda, İordan suusu ekige bölüngön”. Oşentip, bul taştar Israyıl uuldarı üçün tübölükkö estelik bolot».

⁸Jaşıya kanday buyrusa, Israyıl uuldarı oşondoy kılıştı. Alar Teŋir Jaşıyaga kanday aytsa, oşondoy kılıp, Israyıl uruularının sanına jaraşa İordandın ortosunan on eki taş alıp, alardı kötörüp kelip, tünöy turgan jerine koyuştu.

⁹Jaşıya dagı başka on eki taş alıp, kelişim sandıgın kötörgön ıyık kızmat kıluuçulardın buttarı turgan jerge – İordandın ortosuna koydu. Alar uşul küngö çeyin bar.

¹⁰Musa Jaşıyaga aytkanday, Teŋirdin Jaşıyaga elge ayt dep buyrugandarının baarı atkarılıp bütmöyünçö, sandık kötörgön ıyık kızmat kıluuçular İordandın ortosunda turuştu. El bolso oşol uçurda şaşılış türdö ötüp jattı.

¹¹Bütkül el İordandan ötüp bütköndö gana Teŋirdin kelişim sandıgın kötörgöndör, el aldında jürgön ıyık kızmat kıluuçular ötüştü.

¹²Anan Musa aytkanday, kuraldangan Rubeyin, Gat uuldarı, Menaşenin jarım uruusu Israyıl uuldarının aldına ötüştü.

¹³Kuraldangan kırk miŋge jakın kişi salgılaşuu üçün, Teŋirdin aldında Jeriho tüzdügünö öttü.

¹⁴Oşol künü Teŋir bütkül Israyıl elinin aldında Jaşıyanı daŋazaladı. Oşondon tartıp, Israyıl eli Musadan anın ömürü ötkönçö korkkondoy, Jaşıyadan da korkup kaldı.

¹⁵Anan Teŋir Jaşıyaga mınday dep ayttı:

¹⁶«Kelişim sandıgın kötörgön ıyık kızmat kıluuçularga: “İordandan çıkkıla”, – dep buyruk ber».

¹⁷Jaşıya ıyık kızmat kıluuçularga: «İordandan çıkkıla», – dep buyruk berdi.

¹⁸Oşondo Teŋirdin kelişim sandıgın kötörgön ıyık kızmat kıluuçular İordandan çıgıp, tamandarı jerge tieri menen, İordan suusu öz nuguna tüşüp, jeekterinen aşıp-taşıp, murunkuday aga baştadı.

¹⁹Birinçi aydın onunçu künü el İordandan çıgıp, Jerihonun çıgış tarabındagı Gilgalga çatırların tikti.

²⁰Alar İordandan algan on eki taştı Jaşıya Gilgalga koydu.

²¹Anan Israyıl uuldarına mınday dedi: «Kiyin baldarıŋar atalarınan: “Bul taştar emneni bildiret?” – dep surap kalışsa,

²²baldarıŋarga: “Israyıl eli uşul İordan darıyasınan, kurgak jer menen ötkön”, – dep aytkıla.

²³Biz ötüp bütkönçö, Kuday-Teŋiriŋer Kızıl deŋizdin ortosun bizdin köz aldıbızda kurgatkanday ele, siler ötüp bütkönçö, Kuday-Teŋiriŋer siler üçün İordan suusunun ortosun kurgatkan.

²⁴Jer jüzündögü bardık el Teŋirdin kolu küçtüü ekenin bilişi üçün jana siler ömürüŋör ötkönçö Teŋirden korkuşuŋar üçün oşentken».