Read NT LS 2005 – Инжил ЛС (2005 2 Tesalonikalıktarga 1 Bible Online

2 Tesalonikalıktarga 1 - NT LS 2005 – Инжил ЛС (2005 bible

2 Tesalonikalıktarga 1

¹Kuday Atabızdın jana Teŋiribiz Iysa Maşayaktın Tesalonika Jıyınına Pabıldan, Sılastan jana Timeteyden salam!

²Kuday Atabız jana Teŋiribiz Iysa Maşayak silerge ırayımın tögüp, tınçtıgın bere bersin!

³Bir tuugandar, Kudayga ar dayım ıraazıçılık bildirişibiz kerek, oşentkenibiz tuura, antkeni silerdin işenimiŋer ösüüdö, baarıŋardın biri-biriŋerge bolgon süyüüŋör artuuda.

⁴Oşonduktan biz Kudaydın Jıyındarında siler menen maktanıp jatabız. Başıŋardan keçirip jatkan kuuguntuktar, kıyınçılıktar uçurundagı çıdamduuluguŋar, işenimiŋer menen maktanıp jatabız.

⁵Uşulardı başıŋardan keçirip jatkandıgıŋar – Kudaydın adilet sotu bolo turgandıgının belgisi. Kudaydın Padışaçılıgı üçün azap çegip jatkan siler Kudaydın adilet sotunun negizinde Kudaydın Padışaçılıgına tatıktuu dep tabılasıŋar.

⁶Kuday adilettüü: silerdi kordogondorgo Al korduk körsötöt,

⁷kordolup jatkan silerge jana bizge kubanıç tartuulayt. Teŋir Iysa Özünün küçtüü perişteleri menen, jalındagan ot menen asmandan kelgende uşunday bolot.

⁸Oşondo Al Kudaydı taanıbagandardı jana bizdin Teŋiribiz Iysa Maşayaktın Jakşı Kabarına baş iybegenderdi jazalayt.

⁹Alar Teŋirden jana Anın kuduretinin daŋkınan ajırap, tübölük ölüm jazasına tartılışat.

¹⁰Munun bardıgı Teŋiribiz Iysa Maşayak Özünün bardık ıyıktarının arasında daŋktalış üçün jana bardık işengender arkıluu taŋ kaltırarlık uluulugu menen körünüş üçün kelgen künü bolot. Alardın içine siler da kiresiŋer, antkeni bizdin kübölöndürüübüzgö işengensiŋer.

¹¹Oşonduktan biz Kudayıbızdın jana Teŋiribiz Iysa Maşayaktın ırayımına ılayık Teŋiribiz Iysa Maşayaktın ısımı siler arkıluu daŋktalışı üçün jana siler Al arkıluu daŋktalışıŋar üçün,

¹²Kudayıbız silerdi Özünün çakırıgına tatıktuu kılsın dep, jakşı işterdi kıluuga bolgon nietiŋerdi işke aşırsın dep, işenimden ulam kıla turgan işteriŋerdi Özünün küçü menen ayagına çıgarsın dep, siler üçün dayıma sıyınabız.