Read NT LS 2005 – Инжил ЛС (2005 Titke 2 Bible Online

Titke 2 - NT LS 2005 – Инжил ЛС (2005 bible

Titke 2

¹Sen bolso tuura okutuuga ılayık kelgen nerseni ayt.

²Karıyalar kıraakı, oor basırıktuu, adep-ahlaktuu boluşsun, alardın işenimi, süyüüsü jana çıdamduulugu tuura bolsun.

³Oşondoy ele ulgaygan ayaldar özdörün takıbaa alıp jürüşsün, alar uşakçı jana şaraptın kulu boluşpasın, jakşılık kıluuga üyrötüşsün,

⁴Kuday sözünö til tiybeşi üçün, alar jaş ayaldardı küyöösün, baldarın süyüügö,

⁵adep-ahlaktuu, taza, üygö kamkor, keŋ peyil boluuga, küyöösünö baş iyüügö üyrötüşsün.

⁶Jaştardı da adep-ahlaktuu boluuga çakır.

⁷Jakşı işterdi kılıp, bardık nersede özüŋ ülgü bol, okutuuda tuuralıktı, oluttuuluktu körsöt,

⁸sözgö kalbagıday bolup, tuura sözdördü süylö. Karşı çıkkan adam biz jönündö eç bir jaman söz ayta albay, uyat bolsun.

⁹Kuldarga ayt, bardık jagınan bizdin Kutkaruuçubuz Kudaydın okutuusuna jasalga boluş üçün, alar öz kojoyundarına bardık nersede baş iyişsin, alar menen aytışpay, uuruluk kılbay,

¹⁰teskerisinçe, bardık nersede işenimdüülük körsötüp, kojoyundarının köŋülünö jagışsın.

¹¹Antkeni Kudaydın bardık adamdardı kutkara turgan ırayımı aykın boldu.

¹²Bul ırayım bizdi kudaysızdık menen bul düynönün kumarların çetke kaguuga, azırkı mezgilde adep-ahlaktuuluk menen, adilettüü jana takıbaa jaşoogo üyrötüp jatat.

¹³Biz ıyık ümüttü, uluu Kudayıbız jana Kutkaruuçubuz Iysa Maşayaktın daŋkının körünüşün kütüp jaşaşıbız kerek.

¹⁴Bizdi bardık mıyzamsızdıktan kutkarıp, tazalap, bizden Özünö taandık, jakşı işterdi kıluuga tırışkan el jaratuu üçün, Maşayak biz üçün Özün bergen.

¹⁵Uşunu biylik menen ayt, akıl-nasaat ayt, aşkerele. Eç kim seni tootpoy koybosun.