Read NT LS 2005 – Инжил ЛС (2005 K Pilemongo 1 Bible Online

K Pilemongo 1 - NT LS 2005 – Инжил ЛС (2005 bible

K Pilemongo 1

¹Iysa Maşayak üçün tutkunga alıngan men, Pabıldan, bir tuuganıbız Timeteyden süyüktüü bir tuuganıbız jana kızmattaşıbız Pilemon, saga,

²senin üyündö çogulgan Jıyınga, süyüktüü bir tuuganıbız Apiyaga, biz menen birge küröşkön Arhipke salam!

³Atabız Kuday jana Teŋiribiz Iysa Maşayak silerge ırayımın tögüp, tınçtıgın bere bersin!

⁴Senin Teŋir Iysaga bolgon işenimiŋ jana bardık ıyıktarga bolgon süyüüŋ jönündö ugup,

⁵sıyıngan sayın seni estep, Kudayıma dayıma ıraazıçılık bildirip jatam.

⁶Maşayak Iysadagı baylıgıbızdı taanıp bilişiŋ üçün, senin işenim jolundagı jaşooŋ taasirlüü bolsun dep sıyınam.

⁷Antkeni senin süyüüŋ meni abdan kubanttı jana soorottu. Sebebi, bir tuuganım, sen arkıluu ıyıktardın köŋülü kötörüldü.

⁸Oşonduktan saga emne kıluunu buyruganga Maşayak jolunda zor kayrattuulugum bar bolso da,

⁹men, Pabıl, karıya katarı da, azır Iysa Maşayak üçün tutkunga alıngan adam katarı da senden süyüü menen ötünüünü tuura kördüm.

¹⁰Men türmödö oturganda, uulum bolup kalgan Onesim tuuraluu senden ötünömün.

¹¹Al bir kezde sen üçün «paydasız» bolçu, birok azır saga da, maga da «paydaluu».

¹²Men anı kayra saga jönötüp jatam, anı menin jan boorum katarı kabıl al.

¹³Men Jakşı Kabar üçün türmödö oturganda, al maga senin orduŋa kızmat kılışı üçün, anı janıma alıp kaluunu kaalagam.

¹⁴Birok senin makulduguŋsuz eç nerse kılgım kelgen jok. Antkeni jakşı işiŋdi argasızdan emes, öz ıktıyarıŋ menen kılışıŋdı kaaladım.

¹⁵Onesimdin ubaktıluu ketip kalışı, mümkün,

¹⁶mından arı sen anı kul katarı emes, kuldan jogoru süyüktüü bir tuugan katarı tübölükkö kabıl alışıŋ üçün bolgondur. Al men üçün kımbat, al emi sen üçün adam katarı da, Teŋir jolundagı bir tuugan katarı da andan beter kımbat.

¹⁷Egerde sen menin dosum bolsoŋ, anda anı meni kabıl alganday kabıl al.

¹⁸Egerde al saga zıyan keltirgen bolso je saga karızdar bolso, menin moynumda bolsun.

¹⁹Men, Pabıl, munu öz kolum menen jazıp jatam: men tölöp berem. Sen özüŋ da maga karız ekeniŋdi aytkım kelbeyt.

²⁰Ooba, bir tuuganım, Teŋir jolunda senin paydaŋdı körgüm kelet, Maşayak jolunda menin köŋülümdü tınçtandır.

²¹Seni til alat dep işenem, aytkanımdan da köptü kılarıŋdı bilem, oşonduktan jazıp jatam.

²²Oşondoy ele men üçün orun dayardap koy, antkeni silerdin sıyınuuŋar boyunça Kuday meni silerge belek kılat dep ümüttönöm.

²³Maşayak Iysa üçün meni menen birge tutkunga alıngan Epapras, menin kızmattaştarım Mark, Aristarh, Demas jana Luka saga salam aytıp jatışat.

²⁴Teŋir Iysa Maşayak silerge ırayımın tögüp, ruhuŋar menen bolsun! Oomiyin.