Read NT LS 2005 – Инжил ЛС (2005 Ebereylerge 1 Bible Online

Ebereylerge 1 - NT LS 2005 – Инжил ЛС (2005 bible

Ebereylerge 1

¹Buga çeyin ata-babalarıbızga paygambarlar arkıluu ar kanday joldor menen süylöp kelgen Kuday

²akırkı kündördö bizge Uulu arkıluu süylödü. Al arkıluu Kuday aalamdı jaratkan jana Anı baarına muraskor kılıp dayındagan.

³Uul Teŋirdin daŋkın çagıldırıp turat, Al – Anın tabiyatının toluk köçürmösü. Al Öz Sözünün küçü menen bardık nerseni karmap turat. Künöölördön tazaloonu işke aşırgandan kiyin, Al asmandagı uluu Kudaydın oŋ jagına oturdu.

⁴Periştelerden Al kançalık jogoru bolso, alardın aldında Anın muraska algan ısımı da oşonçoluk jogoru.

⁵Kuday periştelerdin kimisine: «Sen Menin Uulumsuŋ, bügün Men Senin Ataŋ boldum» je «Men Aga Ata bolom, Al Menin Uulum bolot», – dep ayttı ele?

⁶Tun Uulun düynögö kayra dagı alıp kirgende, Al mınday deyt: «Kudaydın bardık perişteleri Aga tabınışsın».

⁷Perişteler jönündö Iyık Jazuuda mınday dep aytılgan: «Sen Özüŋdün perişteleriŋdi şamal, kızmatçılarıŋdı jalındagan ot kılasıŋ».

⁸Al emi Uul jönündö mınday dep aytılgan: «Oo, Kuday, Senin taktıŋ tübölüktüü, Senin Padışaçılıgıŋdın tayagı – adilettik tayagı.

⁹Sen çındıktı süyüp, mıyzamsızdıktı jek kördüŋ. Mına oşon üçün Kuday, Senin Kudayıŋ, joldoştoruŋa karaganda Seni kubanıç mayı menen köbüröök maylagan.

¹⁰Sen, Teŋir, adegende jerdi negizdegensiŋ, asmandı da Senin koldoruŋ jaratkan.

¹¹Alar jok boluşat, Sen bolso tübölük jaşaysıŋ. Alardın baarı çapanday eskiret.

¹²Sen alardı jabuuday türösüŋ, kiyimdey almaştırasıŋ, alar özgöröt. Birok Sen oşol boydonsuŋ, Senin jıldarıŋdın ayagı jok».

¹³Kuday periştelerdin kimisine: «Men Senin duşmandarıŋdı but aldıŋa jıgıp bergenge çeyin, Menin oŋ jagıma otur», – dep ayttı ele?

¹⁴Periştelerdin baarı kutkarıluunu muraska alçularga kızmat kıluu üçün, Teŋir tarabınan jiberilgen kızmat kıluuçu ruhtar gana emespi?