Read NT LS 2005 – Инжил ЛС (2005 Ebereylerge 12 Bible Online

Ebereylerge 12 - NT LS 2005 – Инжил ЛС (2005 bible

Ebereylerge 12

¹Uşunday köp kübölördün kurçoosundagı biz ar kanday tüyşüktön jana oŋoy ele çırmap alçu ar kanday künöödön arılıp, aldıbızdagı jarıştın ayagına çıdamduuluk menen çıgalı.

²İşenimibizdin baştooçusu jana bütürüüçüsü bolgon Iysanı karaylı. Al aldıda kütüp turgan kubanıçtın orduna, şıldıŋ bolgonuna karabay, aykaş jıgaçka kerilip, azapka çıdadı, andan kiyin Kudaydın taktısının oŋ jagına oturdu.

³Aldan tayıp, kayratıŋardan jazbaşıŋar üçün, künöökörlördön uşunday korduk körgön Iysa jönündö oylogula.

⁴Künöögö karşı siler kan tögülgüçö küröşö eleksiŋer.

⁵Silerge uuldarı katarı «Uulum, Teŋirdin jazasın çetke kakpa, Al senin ayıbıŋdı aşkerelegende, köŋülüŋdü çögörbö.

⁶Antkeni Teŋir kimdi süysö, oşonu jazalayt. Kabıl algan ar bir uulun urup-sabayt» dep aytılgan nasaattı da unutup koyduŋar.

⁷Tarbiyalanışıŋar üçün çıdagıla, antkeni Kuday silerge uuldarınday mamile kılıp jatat. Atası jazalabagan uul barbı?

⁸Uuldarının baarın jazalayt, egerde jazalanbasaŋar, anda siler öz emes, nikesiz törölgön baldarsıŋar.

⁹Bizdi jazalagan ata-enebizdi korkunuç menen urmattasak, anda jaşaşıbız üçün, ruhiy Atabızga andan beter baş iyişibiz kerek emespi?

¹⁰Alar bizdi kıska gana ubakıt üçün, özdörü tuura körgöndöy jazalaşkan. Kuday bolso bizge paydaluu boluşu üçün, Özü ıyık bolgonunday, bizdi da ıyık kılış üçün jazalayt.

¹¹Ubagında ar bir jaza kubanıçtay emes, kaygıday tuyulat. Birok al arkıluu tarbiyalangandan kiyin, al adilettiktin tınçtık berüüçü jemişin beret.

¹²Oşonduktan çarçagan koluŋardı, alsıragan tizeŋerdi çıŋdagıla.

¹³Aksagandar joldon çıkpay, oŋoluşu üçün, tüz jol menen jürgülö.

¹⁴Bardık adamdar menen tınçtıkta boluuga jana ıyık boluuga umtulgula, ıyık bolmoyunça, eç kim Teŋirdi körböyt.

¹⁵Eç kim Kudaydın ırayımınan ajırap kalbaşı üçün, kandaydır bir açuu tamır ösüp çıgıp, zıyan keltirbeşi üçün jana al arkıluu köptör bulganbaşı üçün sak bolgula.

¹⁶Araŋarda tamak üçün özünün tunguçtugun satıp jibergen Eysapka okşogon buzulgan, kudaysız adam bolboşu üçün sak bolgula.

¹⁷Özüŋör bilesiŋer, kiyin Eysap batanı murastagısı kelse da, çetke kagılgan. Köz jaşın tögüp jalbarsa da, atasının çeçimin özgörtö algan emes.

¹⁸Siler közgö körüngön, jalındap küygön toogo, karaŋgılıkka, koyuu karaŋgılıkka, boroon-çapkınga,

¹⁹surnay ününö, ugulgan üngö jakındap kelgen joksuŋar. Al ündü ukkandar: «Mından arı bizge süylöbösün», – dep jalbarışkan.

²⁰Antkeni alar «Egerde toogo jırtkıç jakındasa da, al taş baraŋga alınat (je jaa menen atıp öltürülöt)» degen buyrukka çıday alışkan emes.

²¹Körünüş uşunçalık korkunuçtuu bolgonduktan, Musa da: «Korkup, titirep turam», – degen.

²²Siler bolso Sion toosuna, tirüü Kudaydın asmandagı İerusalim şaarına, tümöndögön periştelerge,

²³saltanattuu çoguluşka, ısımdarı asmandagı kitepke jazılgan tunguçtardın Jıyınına, baarının sottooçusu bolgon Kudayga, jetkileŋdikke jetken adilettüülördün ruhtarına,

²⁴jaŋı kelişimdin araçısı Iysaga, Abıldın kanınan da jakşı süylögön çaçıratıluuçu kanga jakındap keldiŋer.

²⁵Silerge süylögön Kudaydan baş tartuudan sak bolgula. Egerde tigiler jer üstündö süylögön Musaga kulak salbay jazalanışkan bolso, andan beter biz, egerde asmandan süylögön Kudayga kulak salbasak, jazadan kaçıp kutula albaybız.

²⁶Oşol ubakta Anın ünü jerdi solkuldatkan. Azır bolso Al: «Jerdi gana emes, asmandı da dagı bir jolu solkuldatam», – dep ubada berdi.

²⁷Solkuldabagan nerseler kalışı üçün, «dagı bir jolu» degen söz solkuldagan, başkaça aytkanda, jaratılgan nerseler özgörörün bildiret.

²⁸Oşonduktan solkuldabagan Padışaçılıktı kabıl algan biz Kudayga ıraazıçılık bildireli, korkuu jana urmat körsötüü menen, Aga jakkanday kızmat kılalı.

²⁹Antkeni bizdin Kudayıbız – jalmap saluuçu ot.