Read NT LS 2005 – Инжил ЛС (2005 Ebereylerge 2 Bible Online

Ebereylerge 2 - NT LS 2005 – Инжил ЛС (2005 bible

Ebereylerge 2

¹Oşonduktan işenimden taybaş üçün, ukkan sözübüzgö özgöçö maani berişibiz kerek.

²Egerde perişteler arkıluu jarıyalangan söz mildettendirüüçü söz bolgon bolso, ar bir künöö, til albastık tieşelüü jazasın algan bolso,

³uşunday uluu kutkarıluunu bark albay koysok, anda biz jazadan kantip kaçıp kutulabız? Başında Teŋir tarabınan jar salıngan bul kutkarıluunu bizge Andan ukkandar ırastap berişti.

⁴Kuday da anı Özünün keremet-jışaandarı, ajayıptarı, ar türdüü küçtörü jana Öz kaaloosuna jaraşa Iyık Ruhtu bölüştürüp berüüsü menen kübölöndürgön.

⁵Antkeni Kuday biz aytıp jatkan keleçektegi aalamdı periştelerge bagındırıp bergen emes.

⁶Biröö bir jerde mınday dep kübölöndürgön eken: «Sen unutpagıday, adam kim? Özüŋ kelip turguday, adam balası kim?

⁷Sen anı periştelerdin aldında bir az ubakıtka ele basınttıŋ. Aga urmat menen atak-daŋktı taajı kılıp kiygizdiŋ. Anı Öz koluŋ menen jasagandarıŋdın üstünö başçı kılıp koyduŋ.

⁸Bardıgın but aldına jıgıp, bagındırıp berdiŋ». Bardıgın Aga bagındırıp berdiŋ, Aga bagındırılbagan nerse kalgan jok, birok baarı Aga bagındırılganın azırınça körö elekpiz.

⁹Birok biz periştelerdin aldında bir az ele ubakıtka basıntılgan Iysanın ölümdü baştan keçirgendigi üçün daŋk menen urmattı taajı katarı kiygendigin kördük. Al Kudaydın ırayımı boyunça bardıgı üçün ölümdü başınan keçirdi.

¹⁰Baarı Al üçün jana Al arkıluu jaratılgan. Köptögön baldarın daŋkka jetelegen Al alardın kutkarıluusunun Başçısın azap çegüülör arkıluu jetkileŋ kılışı kerek ele.

¹¹Antkeni ıyıktagan da, ıyıktalgandar da – baarı bir Atadan. Oşonduktan Iysa alardı bir tuugandarım degenden uyalbayt:

¹²«Senin ısımıŋdı bir tuugandarıma jarıyalaym, Seni jıyında daŋktap ırdaym», – deyt.

¹³Oşondoy ele: «...Men Andan ümüttönöm», dagı: «Mına, Men jana Kudaydın Maga bergen baldarı», – deyt.

¹⁴Baldarının denesi etten jana kandan turgandıktan, Iysa da et menen kandan turgan denege ee boldu. Al Öz ölümü menen ölüm biyligine ee şaytandı küçünön ajıratış üçün,

¹⁵ölümdön korkup, ömür boyu kul bolup jürgöndördü erkindikke çıgarış üçün, denege ee boldu.

¹⁶Sebebi Al perişteler üçün emes, Ibrayımdın tukumu üçün kam köröt.

¹⁷Oşonduktan Al Kuday aldında ırayımduu, işenimdüü Başkı ıyık kızmat kıluuçu boluş üçün, adamdardın künöölörü üçün çalına turgan ırayım kurmandıgı boluş üçün, bardık jagınan bir tuugandarına okşoş boluuga tiyiş ele.

¹⁸Özü sınalıp azap çekkendikten, sınalıp jatkandarga da jardam bere alat.