Read NT LS 2005 – Инжил ЛС (2005 Ebereylerge 3 Bible Online

Ebereylerge 3 - NT LS 2005 – Инжил ЛС (2005 bible

Ebereylerge 3

¹Oşonduktan, ıyık bir tuugandar, asman çakırıgının katışuuçuları, bizdin işenimibizdin negizi bolgon Elçi jana Başkı ıyık kızmat kıluuçu Iysanı karagıla.

²Kuday üyündö bardık jagınan Kudayga işenimdüü bolgon Musa sıyaktuu ele, Iysa da Özün dayındagan Kudayga işenimdüü.

³Üydü kurgan adam üygö karaganda çoŋ urmatka ee bolgondoy ele, Musaga karaganda Iysa çoŋ urmatka ee.

⁴Ar bir üydün kuruuçusu bar, al emi bardık nersenin kuruuçusu – Kuday.

⁵Musa bolso jarıyalanışı kerek bolgon sözdördü jarıyalaş üçün, Kuday üyündö kızmatçı katarı bardık jagınan işenimdüü bolgon.

⁶Al emi Maşayak Anın üyündö Uulu katarı işenimdüü. Anın üyü bolso bizbiz. Egerde kayrattuulugubuzdu jana maktangan ümütübüzdü ayagına çeyin bekem saktasak, Anın üyübüz.

⁷Oşonduktan Iyık Ruh aytkanday: «Bügün Anın ünün ukkanıŋarda,

⁸çöldögü sınoo kündöründögü kozgoloŋ ubagındagıday, jürögüŋördü katuulantpagıla.

⁹Ata-babalarıŋar al jerde Meni sınaştı, kırk jıl boyu Menin işterimdi körüştü.

¹⁰Oşonduktan Men al muunga kaardana mınday dedim: “Jüröktörü kayra-kayra adaşat, alar Menin joldorumdu taanıp bilişken jok”.

¹¹Oşonduktan Men kaardanıp turganımda: “Alar Menin beypil jayıma kirişpeyt”, – dep ant bergem».

¹²Bir tuugandar, sak bolgula, tirüü Kudaydan baş tartpaşıŋar üçün, eç kimiŋerdin jürögüŋördö amalköylük, işenbestik bolbosun.

¹³Kimdir birööŋör künöögö azgırılıp, jürögüŋördü katuulantpaşıŋar üçün, «bügün» dep ayta turgan kün kelgenge çeyin, ar künü biri-biriŋerge akıl-nasaat aytkıla.

¹⁴Baştapkı işenimibizdi akırına çeyin bekem saktaganda gana Maşayak menen katışıbız bolot.

¹⁵Jogoruda aytılganday: «Bügün Anın ünün ukkanıŋarda, kozgoloŋ ubagındagıday, jürögüŋördü katuulantpagıla».

¹⁶Anın ünün ukkandar, Aga karşı çıkkandar kimder ele? Musanın jetegi menen Misirden çıkkandardın baarı emes bele?

¹⁷Kırk jıl boyu Kuday kimge kaardandı ele? Künöö kılgandarga emespi? Alardın söögü çöldö kalgan.

¹⁸«Alar Menin beypil jayıma kirişpeyt», – dep, baş iybegenderge karşı ant berbegende, anan kimge karşı ant berdi ele?

¹⁹Oşentip, biz alardın işenbestikten ulam kire albagandıgın körüp turabız.