Read NT LS 2005 – Инжил ЛС (2005 Ebereylerge 5 Bible Online

Ebereylerge 5 - NT LS 2005 – Инжил ЛС (2005 bible

Ebereylerge 5

¹Adamdardın arasınan tandalıp alıngan ar bir başkı ıyık kızmat kıluuçu adamdar üçün Kudayga kızmat kıluuga, alardın künöölörü üçün alıp kelgen tartuuları menen kurmandıktarın Kudayga alıp kelüügö dayındalat.

²Özü da alsız bolgonduktan, türköy jana adaşkan adamdarga ırayımduu mamile kıla alat.

³Oşonduktan al Kudayga öz künöösü üçün da, eldin künöösü üçün da kurmandık alıp kelişi kerek.

⁴Adam başkı ıyık kızmat kıluuçu boluu urmatına özü ee bolo albayt. Al bul urmatka Arun sıyaktuu Teŋir tarabınan çakırılganda gana ee bolot.

⁵Oşol sıyaktuu ele Maşayak da Başkı ıyık kızmat kıluuçu boluu daŋkına Özü ee bolgon jok. «Sen Menin Uulumsuŋ, bügün Men Senin Ataŋ boldum» degen Kuday Anı daŋkka ee kıldı.

⁶Başka bir jerde Al mınday deyt: «Sen Malki-Sedek darajasındagı tübölüktüü Iyık kızmat kıluuçusuŋ».

⁷Al adam bolup jaşap jürgön kündöründö ölümdön alıp kala alçu Kudayga katuu ün menen sıyındı, köz jaş menen jalbardı. Kudaydı urmattagandıgı üçün, Anın sıyınuusu uguldu.

⁸Al Kudaydın Uulu bolgonuna karabastan, azap çegüü arkıluu moyun sunuuga üyröndü.

⁹Jetkileŋdikke jetken Al Özünö moyun sungan adamdardın baarı üçün tübölüktüü kutkarıluunun bulagı bolup kaldı.

¹⁰Kuday tarabınan Aga Malki-Sedek darajasındagı Başkı ıyık kızmat kıluuçunun naamı berildi.

¹¹Bul tuuraluu köp ele nerseni aytışıbız kerek ele, birok silerdin tüşünüşüŋör kıyın, antkeni siler uguuga jöndömsüz bolup kaldıŋar.

¹²Ubakıt boyunça alıp karaganda, siler okutuuçu bolup kalışıŋar kerek ele, birok silerge kayradan Kuday Sözündögü okutuunun algaçkı negizderin üyrötüş kerek bolup kaldı. Silerge küçtüü tamak emes, süt kerek.

¹³Kim süt menen azıktansa, al çındık sözü boyunça tajrıybasız, antkeni al ali nariste.

¹⁴Küçtüü tamak bolso akıl-sezimi jaman-jakşını ayırmalay bilüügö könükkön jetkileŋ adamdar üçün.