Read NT LS 2005 – Инжил ЛС (2005 Ebereylerge 6 Bible Online

Ebereylerge 6 - NT LS 2005 – Инжил ЛС (2005 bible

Ebereylerge 6

¹Oşonduktan Maşayak jönündögü okutuunun algaçkı negizderine toktolo berbey, ölük işter üçün tobo kıluu, Kudayga işenüü, çömüldürüülör, kol koyuu, ölgöndördün tirilişi jana tübölük sot jönündögü algaçkı tüşünüktörgö kayra-kayra kayrıla berbey, jetkileŋ boluuga umtulalı.

³Kuday kaalasa, munu da kılabız.

⁴Bir kezde çındıktı bilgen, asman beleginen daam tatkan, Iyık Ruhka ülüştöş bolgon,

⁵Kudaydın jakşı Sözünün jana keleçektegi zamandın kuduretinin daamın tatkan adamdar

⁶işenimden çettep ketişse, alardı kayradan tobo kıldıruu arkıluu baştapkı abalına keltirüü mümkün emes. Antkeni alar uşintüü menen Kuday Uulun kayradan aykaş jıgaçka kerip, jamanattı kılışuuda.

⁷Jamgır menen köp jolu sugarılıp, dıykandarga öz tüşümün bergen jer Kudaydan bata alat.

⁸Al emi töö tiken menen koko tikendi östürgön jer – jaraksız, kargışka kala turgan, akırı örttölö turgan jer.

⁹Süyüktüülörüm, uşintip aytkanıbız menen, silerdin abalıŋar mından jakşıraak ekenine jana kutkarıluunu bekem tutup jürgönüŋörgö işenebiz.

¹⁰Antkeni Kuday adiletsiz emes, Al silerdin emgegiŋerdi jana Anın ısımı üçün ıyıktarga körsötkön süyüüŋördü, alarga kılgan jana kılıp jatkan kızmatıŋardı unutpayt.

¹¹Toluk ümütkö ee boluş üçün, ar biriŋerdin ayagına çeyin uşunday araket kılışıŋardı kaalaybız.

¹²Jalkoolonbogula, ubadalangandı işenimi jana çıdamduulugu menen murastagandardan ülgü algıla.

¹³Kuday Ibrayımga ubada bergende, Özünön jogoru eç kim jok bolgonduktan, Özü menen ant berip, mınday degen:

¹⁴«Saga batamdı mol berem, senin tukumuŋdu köböytköndön köböytöm».

¹⁵Ibrayım çıdamduuluk menen kütüp, ubadalanganga ee boldu.

¹⁶Adamdar jogorku nerse menen ant berişet, ant aytılgan sözdü bekemdep, talaş-tartıştı toktotot.

¹⁷Oşol sıyaktuu ele Kuday da ubadalangandın muraskorloruna Öz erkinin özgörböstügün açıgıraak körsötküsü kelgendikten, ubadasın ant menen bekemdedi.

¹⁸Baş paanek tapkan jana aldıbızdagı ümüttü karmangan biz Kudaydın kalp aytuuga mümkün bolbogon özgörgüs eki nersesi – ubadası jana antı menen sooronuşubuz üçün oşondoy kıldı.

¹⁹Bizdin janıbız üçün kemenin oor kayırmak temirindey bekem jana işenimdüü bolgon al ümüt köşögönün artına ötö alat.

²⁰Iysa tübölükkö Malki-Sedek darajasındagı Başkı ıyık kızmat kıluuçu bolup, oşol jerge bizden murun, biz üçün kirdi.