Read NT LS 2005 – Инжил ЛС (2005 Ebereylerge 7 Bible Online

Ebereylerge 7 - NT LS 2005 – Инжил ЛС (2005 bible

Ebereylerge 7

¹Malki-Sedek – Şalem padışası jana baarınan jogoru turgan Kudaydın ıyık kızmat kıluuçusu. Al padışalardı jeŋip kaytıp kele jatkan Ibrayımdı tosup çıgıp, aga batasın bergen.

²Oşondo Ibrayım aga kolunda bolgon bardık nersesinin ondon bir bölügün bergen. Malki-Sedek ısımının maanisi «Adildik padışası» bolso, Şalem padışası «Tınçtık padışası» degendi bildiret.

³Malki-Sedektin ata-enesi, ata-tegi, ömür tarjımalı jönündö eç nerse aytılgan emes. Kudaydın Uuluna okşogon al tübölükkö ıyık kızmat kıluuçu bolup kala beret.

⁴Kördüŋörbü, al kanday uluu adam bolgon! Tüpkü atabız Ibrayım aga oljosunun ondon bir bölügün bergen.

⁵Lebinin tukumunan çıkkan ıyık kızmat kıluuçular Kudaydın osuyatı boyunça elden, başkaça aytkanda, öz bir tuugandarınan, alar da Ibrayımdan taraganına karabastan, onduk alışkan.

⁶Al emi Malki-Sedek Lebi uruusunan çıkpasa da, Ibrayımdan onduk algan jana Kudaydın ubadasına ee bolgon aga batasın bergen.

⁷Bata bergen adam bata algan adamdan jogoru boloru talaşsız.

⁸Bul jerde közü ötüp ketçü adamdar onduk alıp jatat, al jerde bolso tirüü ekendigi tuuraluu kübölöndürülgön adam alıp jatat.

⁹Onduk alıp jatkan Lebi özü da Malki-Sedekke Ibrayım arkıluu onduk bergen desek bolot.

¹⁰Antkeni Malki-Sedek Ibrayım menen jolukkanda, Lebi atası Ibrayımdın denesinde ele.

¹¹Egerde lebilerdin kızmatı arkıluu jetkileŋdikke jetüügö mümkün bolso (Toorat mıyzamı Israyıl eline lebilerdin kızmatının negizinde berilgen), Arundun darajasındagı emes, Malki-Sedektin darajasındagı başka bir Iyık kızmat kıluuçunun kelişinin kanday zarılçılıgı bar ele?

¹²Antkeni ıyık kızmat kıluuçulardın kızmatı özgörülgöndö, mıyzam da özgörülüşü kerek bolup kalat.

¹³Antkeni bul jerde söz bolup jatkan Adam başka uruudan. Anın uruusunan eç kim kurmandık çalınuuçu jayda kızmat kılgan emes.

¹⁴Teŋiribizdin Jüyüt uruusunan çıkkandıgı belgilüü. Bul uruunun ıyık kızmatka katışuusu tuuraluu Musa eç nerse aytkan emes.

¹⁵Malki-Sedekke okşogon başka bir Iyık kızmat kıluuçunun çıgışı munu ogo beter açık körsötüp turat.

¹⁶Al adamdık mıyzam boyunça emes, teskerisinçe, soolubas ömürdün küçü boyunça Iyık kızmat kıluuçu bolgon.

¹⁷Antkeni: «Sen Malki-Sedek darajasındagı tübölüktüü Iyık kızmat kıluuçusuŋ», – dep kübölöndürülgön.

¹⁸Murunku mıyzam küçsüz, paydasız bolgonduktan, jokko çıgarılat.

¹⁹Sebebi mıyzam eç nerseni jetkileŋdikke jetkirgen jok. Birok murunkudan jakşı ümüt berilüüdö, al arkıluu biz Kudayga jakındaybız.

²⁰Al antsız Iyık kızmat kıluuçu bolgon emes. Tigiler antsız ıyık kızmat kıluuçular boluşkan.

²¹Al Teŋirdin «Teŋir ant bergen, anı özgörtpöyt: Sen Malki-Sedek darajasındagı tübölüktüü Iyık kızmat kıluuçusuŋ» degen antı boyunça Iyık kızmat kıluuçu bolgon.

²²Oşentip, Iysa murunkudan jakşı kelişimdin kepili bolup kaldı.

²³Iyık kızmat kıluuçunun kızmatın köptör alıp barışkan, antkeni bir gana adamdın ıyık kızmat kıluuçu boluşuna ölüm jol bergen emes.

²⁴Al emi Iysa tübölük jaşagandıktan, turuktuu Iyık kızmat kıluuçu.

²⁵Oşonduktan Al Özü arkıluu Kudayga kelgenderdin baarın toluk kutkara alat. Al tübölük tirüü bolgonduktan, alar üçün araçılık kılat.

²⁶Başkı ıyık kızmat kıluuçubuz ıyık, jamandıktan alıs, kemçiliksiz, künöökörlördön bölüngön, asmandan da jogoru kötörülgön Başkı ıyık kızmat kıluuçu boluşu kerek.

²⁷Al murunku başkı ıyık kızmat kıluuçularga okşop, adegende Özünün, andan kiyin eldin künöölörü üçün Kudayga kün sayın kurmandık alıp kelüügö muktaj emes. Antkeni Al munu Özün Özü kurmandıkka alıp kelüü menen bir jolu jana birotolo kıldı.

²⁸Mıyzam adamdık alsızdıgı bar adamdardı başkı ıyık kızmat kıluuçu kılıp dayındagan. Birok mıyzamdan kiyin kelgen, ant menen bekemdelgen söz tübölüktüü jetkileŋ Uuldu Başkı ıyık kızmat kıluuçu kılıp dayındadı.