Read NT LS 2005 – Инжил ЛС (2005 Ebereylerge 8 Bible Online

Ebereylerge 8 - NT LS 2005 – Инжил ЛС (2005 bible

Ebereylerge 8

¹Biz aytıp jatkandardın eŋ başkısı bul: Uluuluktun taktısının oŋ jagında oturgan Başkı ıyık kızmat kıluuçubuz bar.

²Al – çınıgı jıyın çatırının jana adam emes, Teŋir turguzgan ıyık jaydın Iyık kızmat kıluuçusu.

³Ar bir başkı ıyık kızmat kıluuçu tartuulardı jana kurmandıktardı Kudayga alıp kelüü üçün dayındalat. Oşol sebeptüü bizdin Başkı ıyık kızmat kıluuçubuzdun da Kudayga alıp kelgenge bir nersesi boluşu kerek.

⁴Egerde Al jerde kalsa, anda Iyık kızmat kıluuçu bolmok emes. Antkeni mıyzam boyunça Kudayga kurmandık alıp kele turgan ıyık kızmat kıluuçular bar.

⁵Alar asmandagının beynesi menen kölökösünö kızmat kılışat. Musa jıyın çatırın kuruuga kirişkende, aga Kuday tarabınan mınday dep aytılgan: «Baykagın, alardı Men saga toodo körsötkön ülgü boyunça jasa».

⁶Bul Başkı ıyık kızmat kıluuçu murunkudan jogoru kızmattı aldı, Al – murunkudan jakşı kelişimdin araçısı, al kelişim murunkudan jakşı ubadalarga negizdelgen.

⁷Egerde birinçi kelişim kıntıksız bolso, ekinçisinin keregi jok bolmok.

⁸Al alardı mınday dep jemeleyt: «Israyıl jana Jüyüt menen Men jaŋı kelişim tüzö turgan kündör kele jatat.

⁹Birok bul kelişim Menin alardın ata-babaları menen tüzgön kelişimimdey emes. Men al kelişimdi alardın ata-babaların Misir jerinen alıp çıgış üçün, alardı kolunan algan künü tüzgöm. Birok alar kelişimdi saktaşkan jok, oşonduktan Men alardan jüzümdü burdum, – deyt Teŋir.

¹⁰Birok oşol kündördön kiyin Men Israyıl menen mınday kelişim tüzöm, – deyt Teŋir, – Men Özümdün mıyzamdarımdı alardın akılına salam, alardın jüröktörünö jazam, alardın Kudayı bolom, alar bolso Menin elim boluşat.

¹¹Oşondon kiyin eç kim öz jakının, eç kim öz bir tuuganın: “Teŋirdi taanıp bilgile”, – dep üyrötpöy kalat, antkeni alardın bardıgı, kiçinesinen çoŋuna çeyin, Meni taanıp bilişet.

¹²Antkeni Men alarga ırayım kılıp, adiletsizdikterin keçirem, mından arı alardın künöölörü menen mıyzamsızdıktarın estebeym».

¹³«Jaŋı» dep aytuu menen murunkunun eskirgendigin körsöttü. Al emi köönörgön, eskirip bara jatkan nerse jok boluunun aldında turat.