Read NT LS 2005 – Инжил ЛС (2005 Ebereylerge 9 Bible Online

Ebereylerge 9 - NT LS 2005 – Инжил ЛС (2005 bible

Ebereylerge 9

¹Oşentip, birinçi kelişimdin Kudayga kızmat kıluu boyunça körsötmölörü, jerdegi ıyık jayı bar ele.

²Birinçi jıyın çatırı tigilgen. Anın «ıyık» dep atalgan birinçi bölmösündö çıraktan, dastorkon, nan kurmandıktarı bar.

³Ekinçi köşögönün artında «ıyıktın ıyıgı» dep atalgan içki bölmö bar.

⁴Anda jıpar jıttuu zattar tütötülüüçü altın idiş jana içi-tışı altın menen jalatılgan kelişim sandıgı, sandıkta manna salıngan altın idiş, Arundun bürdögön asa tayagı jana kelişim jazılgan taş looktor bar.

⁵Sandıktın üstündö kanattarın jayıp, sandıktın kapkagın jaap turgan daŋktın keruptarı turat. Azır buga toktolup oturuunun zarılçılıgı jok.

⁶Uşunday jabdılgan çatırdın birinçi bölmösünö ıyık kızmat kıluuçular Kudayga kızmat kıluu üçün dayıma kirişet.

⁷Al emi ekinçi bölmögö başkı ıyık kızmat kıluuçu gana jılına bir jolu kire alat. Al bölmögö al özü üçün jana eldin bilbey jasagan künöölörü üçün çalıngan kurmandıktın kanı menen kiret.

⁸Bul arkıluu Iyık Ruh munu bildiret: birinçi bölmö turganda ekinçisine, ıyık jayga kirüügö jol ali açıla elek.

⁹Bul azırkı uçur üçün ülgü: Kudayga alıp kelingen tartuular menen kurmandıktar alardı alıp kelgen adamdın abiyirin jetkileŋ kıla albayt.

¹⁰Denege tieşelüü bolgon jep-içüü, ar kanday juunuu rasmileri jana salttar jönündögü körsötmölör jaŋı tartip kelgen ubakka çeyin gana küçündö bolgon.

¹¹Birok Maşayak keleçektegi jakşılıktardın Başkı ıyık kızmat kıluuçusu katarı kol menen jasalbagan, başkaça aytkanda, bul düynögö taandık bolbogon, murunkudan çoŋ jana jakşı çatır menen keldi.

¹²Tekelerdin, torpoktordun kanı menen emes, Öz kanı menen bir iret ıyık jayga kirip, bizge tübölük kutkarıluu alıp berdi.

¹³Egerde deneleri tazalanış üçün, üstülörünö çaçılgan tekelerdin, torpoktordun kanı jana kunajındın külü bulgangandardı ıyıktagan bolso,

¹⁴anda tübölüktüü Ruh arkıluu kemçiliksiz Özün Kudayga kurmandıkka alıp kelgen Maşayaktın kanı tirüü Kudayga kızmat kılışıbız üçün, abiyiribizdi ölük işterden tazaları anık.

¹⁵Oşonduktan Maşayak – jaŋı kelişimdin Araçısı. Al adamdardı bayırkı kelişimdin ubagında jasagan künöölörünön arıltuu üçün, Öz janın ölümgö kıydı. Oşentip, Kuday tarabınan çakırılıp alıngandar Anın ubada kılgan tübölük murasına ee bolot.

¹⁶Antkeni muras kagazı bar jerde muras kaltırgan adamdın ölgöndügü anıktalışı kerek.

¹⁷Antkeni muras kagazı muras kaltırgan adamdın közü ötköndön kiyin gana küçünö kiret, anın közü tirüü turganda, muras kagazının küçü jok.

¹⁸Oşonduktan birinçi kelişim da kansız bekitilgen emes.

¹⁹Musa büt Israyıl eline mıyzam kitebindegi bardık osuyattardı jarıyaladı. Andan kiyin kurmandıkka çalıngan koçkorlor menen torpoktordun kanına suudan koşup, aga kızıl jündü jana issoptu malıp, kitepke jana büt elge çaçıp:

²⁰«Bul kan – Teŋirdin siler menen tüzgön kelişimin bekite turgan kan», – dedi.

²¹Oşondoy ele jıyın çatırına, Kudayga kızmat kıluuda koldonuluuçu bardık buyumdarga çaçtı.

²²Mıyzam boyunça deerlik bardıgı kan menen tazartılat. Kan tögülmöyünçö, künöö keçirilbeyt.

²³Oşentip, asmandagının ülgüsü uşul kurmandıktar menen, asmandagının özü bolso bulardan jakşı kurmandıktar menen tazalanışı kerek bolgon.

²⁴Antkeni Maşayak çınıgı ıyık jaydın ülgüsü boyunça kolgo jasalgan ıyık jayga emes, azır biz üçün Kuday aldında turuu üçün asmandın özünö kirdi.

²⁵Iyık jayga jıl sayın özünün emes, kurmandıktın kanı menen kirgen başkı ıyık kızmat kıluuçuga okşop, Iysa Özün kayra-kayra kurmandıkka alıp keliş üçün kirgen emes.

²⁶Bolboso Al düynö jaratılgandan beri bir neçe iret azap çegişi kerek bolor ele. Birok Al Özün kurmandıkka berüü menen, künöönü jok kıluu üçün, kılımdın akırında bir iret keldi.

²⁷Adam balası bir iret ölüp, andan kiyin sotko kelişi kerek.

²⁸Oşol sıyaktuu ele köptördün künöölörün Öz moynuna alış üçün, Maşayak Özün bir iret kurmandıkka berdi. Al emi ekinçi iret künöödön tazaloo üçün emes, Özün kütüp jatkandardı kutkaruu üçün kelet.