Read NT LS 2005 – Инжил ЛС (2005 Jakıp 1 Bible Online

Jakıp 1 - NT LS 2005 – Инжил ЛС (2005 bible

Jakıp 1

¹Kudaydın jana Teŋir Iysa Maşayaktın kulu Jakıptan Israyıl elinin tarap ketken on eki uruusuna salam!

²Bir tuugandarım, başıŋarga kelgen ar kanday sınoolordu zor kubanıç menen kabıl algıla.

³Antkeni sınalgan işenimiŋer çıdamkaylıktı jaratarın bilesiŋer.

⁴Bardık jagınan jetkileŋ, eç kemçiliksiz boluşuŋar üçün, çıdamkaylık jetkileŋ araketke ee boluşu kerek.

⁵Kimiŋerge akılmandık jetişpey jatsa, baarına bereşendik menen, jemelebesten bergen Kudaydan surasın, aga berilet.

⁶Birok eç şektenbesten, işenim menen surasın. Antkeni şektengen adam şamal aydagan deŋiz tolkununa okşoş.

⁷Mınday adam Teŋirden bir nerse alam dep oyloboy ele koysun.

⁸Eki oyluu adam özünün bardık joldorunda turuksuz.

⁹Basıntılgan bir tuugan özünün biyiktigi menen sıymıktansın.

¹⁰Al emi bay bir tuugan özünün basıntılgandıgı menen sıymıktansın, antkeni al çöptün gülünö okşop tez ele soolup kalat.

¹¹Kün çıgıp, aptap bolup turganda, çöp kuurap, gülü kübülüp tüşüp, koozdugu ketet. Oşol sıyaktuu ele bay adam da özünün joldorunda kuurayt.

¹²Sınoolordu başınan ötkörüp jatkan adam baktıluu. Antkeni sınoodon ötköndön kiyin, al adam Teŋir Özün süygöndörgö ubada kılgan ömür taajısın alat.

¹³Azgırılıp jatkanda, eç kim: «Kuday meni azgırıp jatat», – dep aytpasın. Antkeni Kuday jamandıkka azgırılbayt jana eç kimdi azgırbayt.

¹⁴Teskerisinçe, ar kim özünün kumarına berilip, aldanıp azgırılat.

¹⁵Kumar tüyülüp, künöö tuulat. Al emi kılıngan künöö ölümgö duuşar kılat.

¹⁶Süyüktüü bir tuugandarım, aldanbagıla!

¹⁷Ar kanday jakşı nerse, ar kanday jetkileŋ belek jogorudan, jarıktın Atasınan kelet. Anda eç kanday özgörülüü jok, özgörülüünün kölökösü da jok.

¹⁸Jaratkandarının içinen birinçileri boluubuz üçün, Al bizdi Öz kaaloosu boyunça çındık sözü arkıluu jarattı.

¹⁹Süyüktüü bir tuugandarım, ar bir adam ukkanga dayar bolsun, oylonup süylösün, açuuga aldırbasın.

²⁰Antkeni açuulangan adam Kudayga jakkan işti jasabayt.

²¹Oşonduktan ar kanday ıpılastıktı jana kalgan jaman adattarıŋardı taştap, jürögüŋörgö sebilip jatkan, janıŋardı kutkara ala turgan sözdü momunduk menen kabıl algıla.

²²Sözdü uguuçular gana bolup, özüŋördü aldabastan, sözdü atkaruuçular bolgula.

²³Sözdü ugup, birok atkarbagan adamdı küzgügö karanıp, arı basarı menen özünün kanday ekenin unutup koygon adamga okşoştursa bolot.

²⁵Jetkileŋ mıyzamga, erkindiktin mıyzamına, ditin koyup, oşol mıyzam boyunça jaşagan adam unutçaak uguuçu emes, atkaruuçu bolup, öz iş-araketinen bakıt tabat.

²⁶Kim özün takıbaa eseptese, birok tilin tartpasa, anda al özün özü aldap jatat, anın takıbaalıgı – kurulay takıbaalık.

²⁷Kuday Atanın aldındagı taza jana kemçiliksiz takıbaalık – bul jetim-jesirlerge kam körüü jana özün bul düynödö taza saktoo.