Read NT LS 2005 – Инжил ЛС (2005 Jakıp 2 Bible Online

Jakıp 2 - NT LS 2005 – Инжил ЛС (2005 bible

Jakıp 2

¹Bir tuugandarım, daŋktuu Teŋiribiz Iysa Maşayakka işengender katarı bet karamalık kıluudan sak bolgula.

²Çoguluşuŋarga altın şakek tagıngan, kımbat baaluu kiyim kiygen adam jana jupunu kiyingen jardı adam kelse,

³siler kımbat baaluu kiyim kiygen adamdı karap: «Sen bul jerge otursaŋ bolot», – dep, al emi jardı adamga: «Sen tigil jerge tur je menin ıldıy jagıma otur», – deseŋer,

⁴anda adamdardı alakçılagan adiletsiz sot bolup jatkan joksuŋarbı?

⁵Kulak salgılaçı, süyüktüü bir tuugandarım! İşenimge bay boluşsun, Özün süygöndörgö ubada kılgan Padışaçılıktın murasçıları boluşsun dep, Kuday bul düynönün jardıların tandap algan jok bele?

⁶Siler bolso jardını kemsintip jatasıŋar. Silerdi kısımga alıp, sottorgo süyröp barıp jatkandar baylar emespi?!

⁷Siler alıp jürgön jakşı attı jamanattı kılıp jatkandar oşolor emespi?!

⁸Egerde siler Padışanın Iyık Jazuudagı «Özüŋdü kanday süysöŋ, jakınıŋdı da oşondoy süy» degen mıyzamın atkarıp jatsaŋar, anda jakşı kılıp jatasıŋar.

⁹Egerde bet karamalık kılıp jatsaŋar, anda künöö kılıp jatasıŋar jana mıyzam aldında kılmışkersiŋer.

¹⁰Kim mıyzamdın baarın atkarıp jürüp, alardın birin ele buzsa, büt mıyzamdı buzgan bolot.

¹¹Antkeni «Oynoştuk kılba» degen Kuday «Kişi öltürbö» dep da aytkan. Egerde sen oynoştuk kılbasaŋ, birok kişi öltürsöŋ, baarı bir mıyzamdı buzuuçu bolosuŋ.

¹²Siler erkindik mıyzamı boyunça sottoluuçularsıŋar, oşonduktan süylögön sözüŋör menen kılgan işiŋer oşogo ılayık bolsun.

¹³Antkeni ırayım kılbagan adam ırayımsızdık menen sottolot. Irayım sotton jogoru.

¹⁴Bir tuugandarım, kim işenem dese, birok işenimine ılayık işterdi kılbasa, andan emne payda? Oşondoy işenim anı kutkara alabı?

¹⁵Egerde bir tuugandarıŋardın kier kiyimi, içer tamagı jok bolso,

¹⁶araŋardan biröö alarga: «Tınçtık menen bargıla. Jıluu kiyingile, kursagıŋardı toyguzgula», – dese, birok alardın denesine kerektüünü berbese, andan emne payda?

¹⁷Oşol sıyaktuu ele işsiz işenim – ölük işenim.

¹⁸Birok kimdir biröö mintip aytışı mümkün: «Senin işenimiŋ bar, al emi menin işterim bar. Maga işsiz işenimiŋdi körsöt, men bolso saga işterim arkıluu işenimimdi körsötöyün».

¹⁹Sen Kudaydın biröö ekendigine işenesiŋ, munuŋ jakşı. Birok jinder da işenip, titirep turuşat.

²⁰Akılsız adam, işsiz işenim ölük ekenin bilgiŋ kelebi?

²¹Öz uulu Iskaktı kurmandıkka çalmakçı bolgon atabız Ibrayım işi menen aktalgan jok bele?

²²Kördüŋbü, anın işenimi işteri menen koştolgon. İşenim işter arkıluu jetkileŋdikke jetti.

²³Oşentip, Iyık Jazuudagı «Ibrayım Teŋirge işendi. İşenimi aga adildik katarı esepteldi» degen söz atkarılıp, Ibrayım Kudaydın dosu ataldı.

²⁴Kördüŋörbü, adam işenimi menen gana emes, işteri menen da aktalat.

²⁵Çalgınçılardı üyünö kabıl alıp, andan kiyin başka jol menen uzatıp jibergen buzulgan ayal Rahap da işi menen aktalgan jok bele?

²⁶Demek, ruhsuz dene ölük bolgon sıyaktuu ele, işsiz işenim da ölük.