Read NT LS 2005 – Инжил ЛС (2005 Jakıp 3 Bible Online

Jakıp 3 - NT LS 2005 – Инжил ЛС (2005 bible

Jakıp 3

¹Bir tuugandarım, bizge, okutuuçularga, surak katuuraak bolorun bilesiŋer, oşonduktan baarıŋar ele okutuuçu bolo berbegile.

²Antkeni baarıbız köp jaŋılabız. Oozunan jaŋılbagan adam – büt denesin oozduktay algan jetkileŋ adam.

³Baş iydiriş üçün, biz attı oozduktap, anın büt denesin başkarabız.

⁴Keme kançalık çoŋ bolso da, kançalık katuu şamaldar menen jürsö da, kemeçi anı kiçinekey ele burguç menen kaalagan jagına burat.

⁵Oşol sıyaktuu til da denenin kiçinekey ele müçösü, birok köp nerse kılat. Ottun kiçinekey ele uçkunu çoŋ tokoydu örttöp jok kılat.

⁶Til da – ot, adiletsiz düynö. Denebizdin kiçinekey ele jerinen orun alsa da, al büt denebizdi bulgayt. Ottuu köldün otu menen tutangandıktan, büt jaşoobuzdu örttöp jok kılat.

⁷Bardık jırtkıçtar, kanattuular, soylooçular, deŋiz janıbarları adam balası tarabınan bagındırılgan jana bagındırılıp jatat.

⁸Al emi tildi eç bir adam bagındıra albayt. Til – ee-jaa berbegen jamandık. Al öltürüüçü uuga tolgon.

⁹Tilibiz menen Kudaydı, Atanı, daŋktaybız, tilibiz menen Kudaydın beynesi boyunça jaratılgan adamdardı kargaybız.

¹⁰Bir ele oozdon daŋktoo da, kargoo da çıgat. Bir tuugandarım, mınday bolboşu kerek.

¹¹Bir ele bulaktan taza suu da, şor suu da çıgışı mümkünbü?

¹²Bir tuugandarım, anjır daragı zaytun, jüzüm bagı anjır bere albayt. Oşol sıyaktuu ele şor bulaktan taza suu çıkpayt!

¹³Araŋarda kim akılduu jana estüü? Al özünün oşondoy ekendigin jakşı jürüm-turumu menen, akılduu momundugu menen körsötsün.

¹⁴Egerde jürögüŋördö açuu içi tarlık jana özümçüldük bar bolso, anda maktanbagıla jana çındıktı burmalabagıla.

¹⁵Bul asmandan kelgen akılmandık emes, jerdegi, tabigıy, şaytandan kelgen akılmandık.

¹⁶Antkeni kaysı jerde içi tarlık jana menmensingen özümçüldük bar bolso, al jerde tartipsizdik jana ar kanday jaman nerseler bar.

¹⁷Al emi asmandan kelgen akılmandık baarınan murun taza, andan kiyin tınçtıktı süyüüçü, momun, til alçaak, booruker, jakşı jemiştüü, kalıs, eki jüzdüü emes.

¹⁸Al emi adilettiktin urugu tınçtıktı saktagandarga tınçtık menen sebilet.