Read NT LS 2005 – Инжил ЛС (2005 Jakıp 4 Bible Online

Jakıp 4 - NT LS 2005 – Инжил ЛС (2005 bible

Jakıp 4

¹Ortoŋordogu çır-çatak, talaş-tartış kaydan çıgat? Dene müçölörüŋördö soguşup jatkan kumarlarıŋardan emespi?

²Kaalap jatasıŋar, birok ala albay jatasıŋar; kişi öltürüp, körö albastık kılıp jatasıŋar, birok eç nersege jete albay jatasıŋar; talaşıp-tartışıp, çataktaşıp jatasıŋar, birok ala albay jatasıŋar, antkeni suragan joksuŋar.

³Surasaŋar da, ala albay jatasıŋar, antkeni jakşı nerse üçün emes, özüŋördün kumarlarıŋardı kanaattandıruu üçün surap jatasıŋar.

⁴Buzuktuk kıluuçular, bul düynö menen bolgon dostuk Kudayga karşı kastık ekenin bilbeysiŋerbi? Bul düynö menen dos boluunu kaalagan adam Kudaydın duşmanı bolup kalat.

⁵Je siler Iyık Jazuudagı «Kuday içibizge salgan Ruh kızgançaaktık menen süyöt» degen söz jön ele aytılgan dep oyloysuŋarbı?

⁶Birok Al köp ırayım kılat, Iyık Jazuuda: «Kuday tekeberlerge karşı turat, al emi momundarga ırayım kılat», – dep aytılgan.

⁷Oşonduktan Kudayga moyun sungula. Şaytanga karşı turgula, oşondo al silerden kaçat.

⁸Kudayga jakındagıla, oşondo Al silerge jakındayt. Künöökörlör, koluŋardı tazalagıla. Eki oyluular, jürögüŋördü tazalagıla!

⁹Kaygırgıla, ıylagıla, bozdogula. Külgöndün orduna ıylagıla, kubangandın orduna kaygırgıla.

¹⁰Teŋirdin aldında moyun sungula, oşondo Al silerdi kötöröt.

¹¹Bir tuugandarım, biri-biriŋerdi jamandabagıla. Kim bir tuuganın jamandasa je sottoso, al mıyzamdı jamandap, mıyzamdı sottogon bolot. Egerde sen mıyzamdı sottop jatsaŋ, anda mıyzamdı atkaruuçu emes ele, sottooçusuŋ.

¹²Mıyzam çıgaruuçu da, Sottooçu da biröö. Al kutkara da, jok kıla da alat. Jakınıŋdı sottoguday sen kimsiŋ?

¹³«Bügün je erteŋ balança şaarga barıp, al jerde bir jıl jaşap, sooda kılıp payda tababız», – degender, kulak salgıla,

¹⁴siler, erteŋ emne bolorun bilbegender, silerdin ömürüŋör emne? Payda bolup, kayra tez ele jok bolup ketken buu.

¹⁵Anın orduna «Kuday buyursa, aman bolsok, tigini je munu kılabız» deşiŋer kerek ele.

¹⁶Birok siler tekeber bolgonduktan, kurulay maktanıp jatasıŋar. Mınday kurulay maktançaaktıktın baarı – jaman nerse.

¹⁷Demek, kim jakşılık kıluu kerek ekendigin bilip turup, jakşılık kılbasa, al künöö kılgan bolot.