Read NT LS 2005 – Инжил ЛС (2005 1 Petir 1 Bible Online

1 Petir 1 - NT LS 2005 – Инжил ЛС (2005 bible

1 Petir 1

¹Iysa Maşayaktın elçisi Petirden Pontko, Galatiyaga, Kapadokiyaga, Asiyaga jana Bitiniyaga taragan, oşol jerlerde kelgin bolup jaşap jatkan,

²Kuday Atanın aldın ala bilüüsü boyunça, Ruhtun ıyıktoosu menen, til aluu üçün jana Iysa Maşayaktın kanı arkıluu tazalanuu üçün tandalgandarga salam! Kuday silerge mından arı da ırayımın tögüp, tınçtıgın bere bersin!

³Teŋiribiz Iysa Maşayaktın Kudayı jana Atası daŋktalsın! Antkeni Al Iysa Maşayaktı ölgöndördün arasınan tiriltüü arkıluu bizge tirüü ümüt berüü üçün,

⁴asmanda saktalgan çiribes, taza, soolgus muraska ee kıluu üçün, bizdi Özünün uluu ırayımı menen kayradan törölttü.

⁵Akırkı ubakta aykın körünüügö dayar turgan kutkarıluuga ee boluuŋar üçün, siler işenimiŋer arkıluu Kudaydın küçü menen korgolup turasıŋar.

⁶Mına oşonduktan azır ar kanday sınoolordon bir az kıynalışıŋar kerek bolso da, oşol ümüt menen kubangıla.

⁷Antkeni sınalgan işenimiŋer ot menen tazalansa da, jok bolup ketçü altından baaluu. Iysa Maşayak kelgende, sınalgan oşol işenimiŋer silerdi maktoogo, urmat-sıyga, atak-daŋkka ee kılat.

⁸Siler Anı körbösöŋör da, süyösüŋör. Azır da Aga körböy turup işenip, söz menen jetkire algıs, uluu kubanıç menen kubanıp jatasıŋar.

⁹Antkeni işenimiŋerdin maksatına – janıŋardın kutkarılışına jetesiŋer.

¹⁰Silerge ırayım körsötülö turgandıgı jönündö paygambarçılık kılgan paygambarlar uşul kutkarıluunu ıntaluuluk menen izildeşken.

¹¹Maşayaktın tarta turgan azaptarın jana alardan kiyin daŋk koştooru jönündö özdöründögü Maşayaktın Ruhu aldın ala kübölöndürtköndö, kaysı jana kanday ubakıttı körsötköndügün alar izildeşken.

¹²Asmandan jiberilgen Iyık Ruhtun küçü menen Jakşı Kabar taratuuçular arkıluu azır silerge jar salınıp jatkan Jakşı Kabar alardın özdörünö emes, bizge tieşelüü ekendigi alarga belgilüü bolgon. Munu perişteler da öz közdörü menen körgülörü kelgen.

¹³Oşonduktan, bir tuugandar, akıl-oyuŋar iş-araketke dayar bolsun, sergek bolgula. Iysa Maşayak kelgende, silerge körsötülö turgan ırayımga toluk ümüttöngülö.

¹⁴Bilbestikten batkan murunku kumarlarıŋarga kayradan ık albagıla, teskerisinçe, til aluu üçün tandalgan baldar katarı

¹⁵bardık jürüş-turuşuŋar ıyık bolsun, antkeni silerdi çakırıp algan Kuday ıyık.

¹⁶Sebebi Iyık Jazuuda: «Iyık bolgula, antkeni Men ıyıkmın», – dep jazılgan.

¹⁷Ar bir adamdı işine jaraşa bet karamalık kılbastan sottooçu Kudaydı Ata dep jatsaŋar, anda kelgin katarı jaşap jatkan ubaktıŋardı korkunuç menen ötkörgülö.

¹⁸Antkeni muundan muunga ötüp kele jatkan tüyşüktüü jaşoodon siler jok bolup ketçü kümüş je altın menen emes,

¹⁹kemçiliksiz, taza Kozunun – Maşayaktın kımbat baaluu kanı arkıluu kutkarılgandıgıŋardı bilesiŋer.

²⁰Al düynö jaratıla elekten murun ele dayındalgan, birok siler üçün ubakıttın akırında keldi.

²¹Siler Al arkıluu Kudayga işenip jatasıŋar. Kudayga işenip, Andan ümüttönüşüŋör üçün, Kuday Anı ölgöndördün arasınan tiriltip daŋktadı.

²²Bir tuugandık taza süyüügö ee boluu üçün, ruh arkıluu çındıkka til aluu menen janıŋardı tazalap, biri-biriŋerdi dayıma çın jüröktön süygülö.

²³Sebebi siler çiriy turgan uruktan emes, çiribey turgan, Kudaydın tübölük kala turgan tirüü Sözü arkıluu kayradan töröldüŋör.

²⁴Antkeni ar bir adam çöp sıyaktuu, anın daŋkı da talaa gülündöy. Çöp kuurayt, gül sooluyt.

²⁵Al emi Teŋirdin sözü tübölük kalat. Bul söz bolso – silerge jarıyalangan söz.