Read NT LS 2005 – Инжил ЛС (2005 2 Petir 1 Bible Online

2 Petir 1 - NT LS 2005 – Инжил ЛС (2005 bible

2 Petir 1

¹Kudayıbız jana Kutkaruuçubuz Iysa Maşayaktın adilettigi arkıluu baaluu işenimdi biz sıyaktuu ele kabıl algandarga Iysa Maşayaktın kulu jana elçisi Şımon Petirden salam!

²Kudaydı jana Teŋiribiz Iysanı taanıp bilüü arkıluu Kuday silerge ırayımın tögüp, tınçtıgın bere bersin!

³Bizdi çakırıp algan daŋktuu, jetkileŋ Kudaydın kudaylık küçü bizge jaşoo, takıbaa jaşoo üçün zarıl bolgon nerselerdin baarın bergen. Buga biz Anı taanıp bilüü arkıluu ee bolduk.

⁴Siler bul düynödö üstömdük kılgan jaman kumarlardan alıstap, Kudaydıkınday tabiyatka ee boluşuŋar üçün, Anın daŋkı jana jetkileŋdigi arkıluu bizge kımbat baaluu jana uluu ubadalar berilgen.

⁵Oşonduktan siler da büt araketiŋerdi jumşap, işenimiŋerde jakşılık kıluuçuluktu, jakşılık kıluuda estüülüktü,

⁶estüülüktö özün özü toktoto bilüünü, özün özü toktoto bilüüdö çıdamkaylıktı, çıdamkaylıkta takıbaalıktı,

⁷takıbaalıkta bir tuugandık süyüünü, bir tuugandık süyüüdö (bardık adamdarga bolgon) süyüünü körsötkülö.

⁸Egerde bul sapattar silerde bar bolso jana ösüp jatsa, anda siler bizdin Teŋiribiz Iysa Maşayaktı taanıp bilüü jolunda iygiliksiz jana jemişsiz kalbaysıŋar.

⁹Al emi bul sapattar kimde jok bolso, al sokur, közün juump algan, özünün murunku künöölörünön tazalanganın unutup koygon.

¹⁰Mına oşonduktan, bir tuugandar, çakırılganıŋardı jana tandalgandıgıŋardı ulamdan-ulam bekemdöögö arakettengile. Antkeni uşunday kılsaŋar, eç kaçan müdürülböysüŋör.

¹¹Oşentip, silerge bizdin Teŋiribiz jana Kutkaruuçubuz Iysa Maşayaktın tübölük padışaçılıgının eşigi kenen açılat.

¹²Siler munu bilseŋer da, çınıgı çındık menen bekemdelseŋer da, bul jönündö silerdin esiŋerge salıp turuunu eç kaçan toktotpoym.

¹³Közüm tirüü turganda, esiŋerge saluu menen silerdi oygotup turuunu tuura taptım.

¹⁴Antkeni jakında köz jumarımdı bilem, Teŋiribiz Iysa Maşayak munu maga Özü bildirgen.

¹⁵Siler munu menin közüm ötüp ketkenden kiyin da, esiŋerden çıgarbaşıŋar üçün araket kılamın.

¹⁶Antkeni Teŋiribiz Iysa Maşayaktın küçü jana Anın kelişi jönündö silerge kuuluk menen oydon çıgarılgan tamsilderge negizdenip aytkan emespiz, biz Anın uluulugun öz közübüz menen körgönbüz.

¹⁷Sebebi Maşayak daŋktuu uluu Kudaydın «Bul Menin süyüktüü Uulum, Men Aga ıraazımın» degen ünün ukkanda, Kuday Ata Anı urmat-sıyga jana daŋkka bölögön.

¹⁸Asmandan kelgen oşol ündü biz da ukkanbız, antkeni ıyık toodo Anı menen birge bolgonbuz.

¹⁹Andan sırtkarı, bizde eŋ tuura aytılgan paygambarçılık bar. Taŋ agarıp, taŋkı jıldız jürögüŋördö çıkkanga çeyin, karaŋgıda jarık çaçkan çıraktay bolgon uşul paygambarçılıktarga kayrılıp, tuura kılıp jatasıŋar.

²⁰Baarınan murda Iyık Jazuudagı bir da paygambarçılıktı eç kim özünön özü aytpagandıgın bilişiŋer kerek.

²¹Sebebi paygambarçılık eç kaçan adamdın kaaloosu menen aytılgan emes. Anı Kudaydın ıyık adamdarı Iyık Ruhtun jetegi menen aytışkan.