Read NT LS 2005 – Инжил ЛС (2005 2 Petir 2 Bible Online

2 Petir 2 - NT LS 2005 – Инжил ЛС (2005 bible

2 Petir 2

¹Eldin arasında jalgan paygambarlar bolgondoy ele, silerdin araŋarda da jalgan okutuuçular bolot. Alar özdörün kutkargan Egederden baş tartışıp, kıyratuuçu jalgan okutuulardı jayıltışıp, özdörünö erte ölüm tilep alışat.

²Köp adamdar alardın buzuktuk jolu menen ketişet, oşolordun ayınan çındık jolu jamanattı bolot.

³Alar özdörünün aç közdügünön ulam, koşomat sözdörü menen silerdi öz kızıkçılıktarı üçün paydalanışat. Alar üçün nebak ele sot çeçimi dayar, alardın ölümü keçikpeyt.

⁴Egerde Kuday künöö ketirgen periştelerdi ayabastan, alardı sot bolo turgan ubakka çeyin ölgöndör jatkan jaydın karaŋgı tuŋguyuguna tüşürüp, çınjırlap koyso,

⁵egerde Kuday bayırkı düynönü ayabasa, segiz adamdı – adildikti jar salgan Nuhtu üy-bülösü menen saktap, düynödögü kudaysızdardı topon suu menen jok kılsa,

⁶egerde Kuday keleçektegi kudaysızdarga sabak bolsun dep, Sodom jana Amor şaarların kıyratuuga öküm çıgarıp, külgö aylantıp salsa,

⁷al emi mıyzamsızdardın arasında jaşap, alardın buzulgan jaşoosun, mıyzamsız işterin ugup-körüp, kün sayın janı kıynalgan adil Lottu kutkarıp kalsa,

⁹anda Teŋir takıbaalardı azgırıktardan kantip kutkaruunu, al emi adiletsizderdi,

¹⁰ayrıkça ıpılas kumarlarına jetelengen, biyliktegilerdi tootpogon, kara özgöy, eenbaş, jogorkulardı jamandagandan korkpogon adamdardı, sot bolo turgan küngö çeyin saktap turuunu bilet.

¹¹Alardan küçü jana kubatı jagınan jogoru turgan perişteler da Teŋirdin aldında alardı jamandap, til tiygizişpeyt.

¹²Özdörü tüşünbögön nerseni jamandaşkan alar tuzakka tüşüp ölümgö duuşar boluşu üçün jaratılgan, tilsiz, aŋ-sezimsiz janıbarlar sıyaktuu jok boluşat.

¹³Alar özdörünün mıyzamsız işterine jaraşa jaza alışat, antkeni ırahattı künümdük jırgal turmuşta dep esepteşet. Uyatsız jana ıyık nerseni bulgooçu alar siler menen birge toylop, özdörünün kuuluktarı menen sayran kurup jatışat.

¹⁴Alardın ayal janduu ekeni, künöö kıluuga toybostugu közdörünön ele körünüp turat. Alar bekemdele elekterdi azgırışat. Aç közdük alardın jürögünön bekem orun algan. Alar – kargış uuldarı.

¹⁵Tüz joldon çıkkan alar aram akçanı jakşı körgön Bosordun uulu Bilamdın joluna tüşüp, adaşıp kalıştı.

¹⁶Birok anın mıyzamsızdıgı aşkerelengen. Tilsiz eşek adamça süylöp, akılsızdık kılıp jatkan paygambardı toktotkon.

¹⁷Bular – soolgon bulaktar, şamal aydagan buluttar. Alarga tübölük karaŋgılık dayardalgan.

¹⁸Sebebi alar ooz köptürüp süylöp, tuura emes joldon araŋ kaytkandardı dene kumarlarının jana buzuktuktun toruna tüşürüşöt.

¹⁹Özdörü jok boluunun kuldarı bolup turup, alarga erkindikti ubada kılışat. Antkeni kim emneden jeŋilse, al – oşonun kulu.

²⁰Sebebi alar Teŋir jana Kutkaruuçu Iysa Maşayaktı taanıp bilüü arkıluu bul düynönün ıpılastıktarınan kaçıp kutulgandan kiyin, kayradan alarga tutulup, jeŋilip kalışsa, anda alardın kiyinki abalı murunku abalınan da jaman bolot.

²¹Çındık jolun taanıp bilip turup, özdörünö berilgen ıyık osuyattan baş tartkandan körö, alar üçün bul çındık jolun taanıp bilbey ele koygon jakşı bolmok.

²²«İt özünün kusundusun kayra jey beret. Çoçkonu kança tazalaba, al kayra ele balçıkka oonayt» degen makal alarga tuura kelet.