Read NT LS 2005 – Инжил ЛС (2005 2 Petir 3 Bible Online

2 Petir 3 - NT LS 2005 – Инжил ЛС (2005 bible

2 Petir 3

¹Süyüktüü bir tuugandar, silerge men ekinçi katımdı jazıp jatamın. Eki katımdagı eskertüülörüm menen silerdi tuura oy jügürtüügö çakıruuga araket kıldım.

²Iyık paygambarlar arkıluu buga çeyin aytılıp kelgen sözdördü, Teŋirdin jana Kutkaruuçunun elçiler arkıluu bergen osuyattarın unutpooŋordu kaalaym.

³Baarınan murda akırkı kündörü özdörünün dene kumarları boyunça iş kılgan şıldıŋçıldar kelerin bilip koygula.

⁴Alar: «Anın kelem degen ubadası kana? Ata-babalarıbızdın dele közü ötüp ketti, başında kanday bolso, azır dele baarı oşol boydon», – dep aytışat.

⁵Antkeni oşondoy oylogondor asman menen jerdin başında ele Kuday sözü arkıluu suudan jana suu arkıluu jaratılganın bilgileri kelişpeyt.

⁶Birok bayırkı düynö topon suu arkıluu jok bolgon.

⁷Al emi oşol ele Kuday Sözü arkıluu saktalıp turgan azırkı asman menen jer ot üçün saktalıp turat. Sot bolo turgan küngö, kudaysızdar jok bolo turgan küngö çeyin saktalat.

⁸Birok, süyüktüü bir tuugandar, Teŋir aldında bir kün miŋ jılday, miŋ jıl bir kündöy ekeni silerge belgilüü bolsun.

⁹«Keçigip jatat», – dep, kee biröölör oyloşso da, Teŋir Özünün ubadasın keçiktirbey atkarat. Birok Al eç kimdin ölüşün kaalabagandıktan, bardıgı tobo kılışı üçün, bizge köpkö çıdayt.

¹⁰Teŋirdin künü bolso uuru sıyaktuu kelet. Oşol künü asman çart-çurt etip jok bolot, tabiyat elementterinin baarı kıyrap jok bolot, jer jana jer üstündögülördün baarı örttönüp ketet.

¹¹Egerde baarı uşintip jok bolo turgan bolso, anda Kudaydın kününün kelişin kaalap jana kütüp jatkan silerdin jaşooŋor kançalık ıyık, kançalık takıbaa boluşu kerek.

¹²Oşol künü asman örttönüp jok bolot, tabiyat elementterinin baarı jalındagan otto eriyt.

¹³Birok biz Anın ubadası boyunça adilettik gana öküm sürgön jaŋı asman menen jaŋı jerdi kütüp jatabız.

¹⁴Süyüktüü bir tuugandar, oşonu kütüp jatkandıktan, Anın aldına taza jana kemçiliksiz bolup, tınçtık menen kelüügö arakettengile.

¹⁵Bizdin süyüktüü bir tuuganıbız Pabıl da özünö berilgen akılmanduuluk menen silerge jazıp jibergendey, bizdin Teŋiribizdin çıdamduulugun kutkarıluuŋar katarı eseptegile.

¹⁶Pabıl bul jönündö bardık kattarında aytat. Oşol kattarındagı kee bir nerselerdi tüşünüü kıyın, alardı türköy, bekemdele elek adamdar başka jazuulardı burmalaganday ele, özdörün özdörü jok kıluu üçün burmalaşat.

¹⁷Demek, süyüktüü bir tuugandar, uşunu aldın ala bilgendikten, mıyzamsızdardın azgırıgına jetelenüüdön, özüŋör bekemdelgen negizden çettep ketüüdön sak bolgula.

¹⁸Kudaydın ırayımı astında öskülö, bizdin Teŋiribiz jana Kutkaruuçubuz Iysa Maşayaktı taanıp bilüüŋör ösö bersin. Daŋk azır jana tübölüktön tübölükkö Anıkı! Oomiyin.