Read NT LS 2005 – Инжил ЛС (2005 1 Jakan 2 Bible Online

1 Jakan 2 - NT LS 2005 – Инжил ЛС (2005 bible

1 Jakan 2

¹Baldarım, men munu silerge künöö kılbasın dep jazıp jatam. Egerde kim künöö kılsa, Atanın aldında adil Araçıbız Iysa Maşayak bar.

²Al – bizdin künöölörübüz üçün, bizdin gana emes, büt düynönün künöölörü üçün çalıngan ırayım kurmandıgı.

³Osuyattarın atkarganıbızdan ulam, Anı taanıp bilgenibizdi bilebiz.

⁴Kim: «Men Kudaydı taanıp bildim», – dese, birok Anın osuyattarın atkarbasa, al jalgançı, anın içinde çındık jok.

⁵Al emi kim Anın sözdörün atkarıp jatsa, al adamda Kudaydın jetkileŋ süyüüsü bar. Maşayaktın içinde ekenibizdi uşundan bilebiz.

⁶«Maşayaktın içindemin» degen adam Maşayak kanday jaşasa, oşondoy jaşaşı kerek.

⁷Süyüktüülörüm, men silerge jaŋı osuyat emes, bayırkı ele osuyattı jazıp jatam. Al osuyat silerde başınan ele bar bolçu. Bayırkı osuyat – bul siler başınan beri ugup kele jatkan söz.

⁸Oşondoy bolso da silerge jazıp jatkanım – jaŋı osuyat, al Anın jana silerdin içiŋerde. Antkeni karaŋgılık ötüp bara jatat, çınıgı jarık jarkıray baştadı.

⁹Kim: «Jarıkta jüröm», – dese, birok bir tuuganın jek körüp jatsa, al dagı dele karaŋgılıkta jüröt.

¹⁰Kim bir tuuganın süysö, al jarıkta jaşap jatat jana eç kimge azgırık bolgon jok.

¹¹Al emi kim bir tuuganın jek körsö, al karaŋgılıkta jüröt jana özünün kayda bara jatkanın bilbeyt. Antkeni karaŋgılık anın közün sokur kılıp koygon.

¹²Baldarım, silerge jazıp jatkanımdın sebebi: silerdin künöölörüŋör Maşayaktın ısımının urmatına keçirilgen.

¹³Atalar, silerge jazıp jatkanımdın sebebi: siler başınan beri bar bolgon Kudaydı taanıp bildiŋer. Jaştar, silerge jazıp jatkanımdın sebebi: siler amalköydü jeŋdiŋer. Baldar, silerge jazıp jatkanımdın sebebi: siler Atanı taanıp bildiŋer.

¹⁴Atalar, silerge jazganımdın sebebi: siler başınan beri bar bolgon Kudaydı taanıp bildiŋer. Jigitter, silerge jazganımdın sebebi: siler küçtüüsüŋör jana Teŋirdin sözü silerdin içiŋerde jaşap jatat. Siler amalköydü jeŋdiŋer.

¹⁵Bul düynönü jana bul düynödögünü süybögülö. Kim bul düynönü süysö, al adamda Ataga bolgon süyüü jok.

¹⁶Antkeni bul düynödö bolgon nersenin baarı: dene kumarı, köz kumarı jana turmuş-tiriçiliktegi tekeberdik. Bular Atadan emes, bul düynönükü.

¹⁷Bul düynö özünün kumarları menen koşo jok bolot. Al emi Kudaydın erkin atkargan adam tübölük jaşayt.

¹⁸Baldarım, zamandın akırı keldi. Maşayaktın karşılaşı kelerin siler ukkansıŋar. Azır Maşayaktın köp karşılaştarı payda boldu, zamandın akırı kelgenin uşundan bilsek bolot.

¹⁹Alar arabızdan çıgıp ketişti, birok alar bizdiki emes ele. Egerde alar bizdiki bolso, biz menen kalışmak. Birok alar çıgıp ketişti. Baarı ele bizdiki emes ekendigi oşondon ulam aykın boldu.

²⁰Deginkisi, siler Iyık tarabınan maylangansıŋar, oşonduktan baarın ele bilesiŋer.

²¹Çındıktı bilbegeniŋer üçün emes, çındıktı bilgeniŋer üçün, oşondoy ele ar bir jalgan nersenin çındıktan emes ekenin bilgeniŋer üçün jazdım.

²²Iysanın Maşayak ekendigin jokko çıgaruuçu jalgançı bolbogondo, kim jalgançı bolmok ele? Kim Atanı jana Uuldu çetke kaksa, al – Maşayaktın karşılaşı.

²³Uuldu çetke kakkan adamda Ata da jok, al emi Uuldu açık taanıgan adamda Ata da bar.

²⁴Başınan beri emneni uksaŋar, oşol içiŋerde jaşasın. Egerde başınan beri ukkanıŋar içiŋerde jaşasa, anda siler da Uuldun jana Atanın içinde jaşaysıŋar.

²⁵Al emi Anın bizge bergen ubadası – tübölük ömür.

²⁶Men silerge adaştıruuçular jönündö jazdım!

²⁷Deginkisi, Andan algan Ruh silerdin içiŋerde jaşap jatat, oşonduktan siler kimdir biröönün üyrötüüsünö muktaj emessiŋer. Silerge baarın üyrötüp jatkan al Ruh – jalgan emes, çındık. Al silerge emneni üyrötsö, oşonu saktap jaşagıla.

²⁸Oşentip, baldarım, Maşayaktın içinde bolgula. Al kelgende, kayrattuu bolguday, Anın aldında uyat bolboguday bololu.

²⁹Egerde Anın adil ekenin bilseŋer, anda munu bilip algıla: adil jaşagan adam Andan tuulgan.