Read NT LS 2005 – Инжил ЛС (2005 1 Jakan 3 Bible Online

1 Jakan 3 - NT LS 2005 – Инжил ЛС (2005 bible

1 Jakan 3

¹Karagılaçı, Kudaydın baldarı dep atalışıbız üçün, Kudaydın baldarı boluşubuz üçün, Ata bizge kanday süyüü körsöttü. Bul düynö Atanı taanıp bilbegendikten, bizdi da taanıbayt.

²Süyüktüülörüm, biz emi Kudaydın baldarıbız. Birok emne bolorubuz bizge aykın bolo elek. Maşayak kelgende, Aga okşoş bolorubuzdu gana bilebiz. Antkeni Anın kanday ekenin köröbüz.

³Maşayaktan uşunday ümüt kılgan adam Maşayaktay taza boluu üçün, özün tazalayt.

⁴Kim künöö kılsa, al mıyzamsızdık kılgan bolot. Künöö – bul mıyzamsızdık.

⁵Maşayak bizdi künöölördön arıltış üçün kelgenin jana Anda eç kanday künöö bolbogondugun bilesiŋer.

⁶Maşayaktın içinde jaşap jatkan adam künöö kılbayt. Al emi künöö kılgan adam Anı körö elek, Anı taanıp bile da elek.

⁷Baldarım, silerdi eç kim aldabasın: adil iş kılgan adam Maşayak sıyaktuu adil.

⁸Künöö kılıp jatkan adam şaytandan, antkeni şaytan başınan beri künöö kılıp kele jatat. Kudaydın Uulu şaytandın işterin talkalaş üçün kelgen.

⁹Kudaydan tuulgan adam künöö kılbayt, antkeni anın içinde Kudaydın urugu jaşayt. Al künöö kıla albayt, antkeni Kudaydan tuulgan.

¹⁰Adil iş kılbagan jana bir tuuganın süybögön adam Kudaydan emes. Kudaydın baldarı menen şaytandın baldarı uşundan ayırmalanat.

¹¹Antkeni siler başınan beri ugup kele jatkan kabar bul: biri-biribizdi süyölü.

¹²Amalköydön bolgon, öz bir tuuganın öltürgön Kabılday bolbogula. Kabıl öz bir tuuganın emne üçün öltürdü ele? Anın işteri jaman, al emi bir tuuganının işteri tuura bolçu.

¹³Bir tuugandarım, egerde bul düynö silerdi jek körüp jatsa, taŋ kalbagıla.

¹⁴Ölümdön ömürgö ötkönübüzdü biz bilebiz, antkeni bir tuugandarıbızdı süyöbüz. Bir tuuganın süybögön adam ölümdün biyligi astında.

¹⁵Bir tuuganın jek körgön adam – kişi öltürüüçü. Kişi öltürüüçü adam özündö bar bolup turgan tübölük ömürgö ee emes ekendigin siler bilesiŋer.

¹⁶Al biz üçün Öz janın bergendikten, süyüünün kanday bolorun bildik. Oşonduktan biz da bir tuugandarıbız üçün öz janıbızdı berişibiz kerek.

¹⁷Kolunda bar bolgonuna karabastan, bir tuuganının muktajdıgın körüp turup jardam berbegen adamda kantip Kudaydın süyüüsü bolsun?

¹⁸Baldarım, sözübüz je tilibiz menen emes, işibiz menen, çın jürögübüz menen süyölü.

¹⁹Çındıktan ekenibizdi uşundan bilip alabız, bizdi jürögübüz ayıptasa da, jürögübüzdü Kuday aldında tınçtandırabız. Antkeni Kuday jürögübüzdön çoŋ, Al baarın bilet.

²¹Süyüktüülörüm, egerde jürögübüz ayıptabasa, anda Kuday aldında kayrattuu-lukka eebiz.

²²Emne surasak da, Andan alabız, antkeni Anın osuyattarın atkarıp jatabız jana Aga jakkandı kılıp jatabız.

²³Al emi Anın osuyatı bolso bul: Uulu Iysa Maşayakka işenüü jana biri-biribizdi Iysa osuyattaganday süyüü.

²⁴Kim Kudaydın osuyattarın atkarsa, al Kudaydın içinde bolot jana Kuday al adamdın içinde bolot. Anın bizdin içibizde ekenin bizge bergen Ruhu boyunça bilebiz.