Read NT LS 2005 – Инжил ЛС (2005 1 Jakan 4 Bible Online

1 Jakan 4 - NT LS 2005 – Инжил ЛС (2005 bible

1 Jakan 4

¹Süyüktüülörüm, ruhtun baarına ele işene berbegile. Ruhtardı: «Kudaydanbı je Kudaydan emespi?» – dep sınap körgülö. Antkeni düynödö köptögön jalgan paygambarlar payda boldu.

²Kudaydın Ruhun mından bilip alasıŋar: adam bolup kelgen Iysa Maşayaktı açık taanıgan ruh Kudaydan.

³Al emi adam bolup kelgen Iysa Maşayaktı açık taanıbagan ruh Kudaydan emes. Al – Maşayaktın karşılaşının ruhu. Anın kelerin ukkansıŋar, deginkisi, al azır ele düynödö.

⁴Baldarım, siler Kudaydansıŋar, oşonduktan alardı jeŋdiŋer. Antkeni silerdin içiŋerdegi Ruh bul düynödögü ruhtan çoŋ.

⁵Alar bul düynödön, oşonduktan bul düynönükündöy süylöşöt, düynö bolso alardı ugat.

⁶Biz Kudaydanbız. Kim Kudaydı taanısa, al bizdi ugat. Kim Kudaydan bolboso, al bizdi ukpayt. Çındık Ruhun jana jalgan ruhtu uşundan bilip alabız.

⁷Süyüktüülörüm, biri-biribizdi süyölü, antkeni süyüü Kudaydan. Kim süysö, al Kudaydan tuulgan jana Kudaydı bilet.

⁸Kim süybösö, al Kudaydı bilbeyt, antkeni Kuday – süyüü.

⁹Kudaydın süyüüsü bizge bul arkıluu aykın boldu: Uulu arkıluu ömürgö ee boluşubuz üçün, Kuday bul düynögö Özünün jalgız Uulun jiberdi.

¹⁰Süyüü degen mınday: biz Kudaydı süygön jokpuz, birok Al bizdi süygöndüktön, bizdin künöölörübüz üçün Öz Uulun ırayım kurmandıgı katarı berdi.

¹¹Süyüktüülörüm, egerde Kuday bizdi uşunday süysö, anda biz da biri-biribizdi süyüşübüz kerek.

¹²Kudaydı eç kim eç kaçan körgön emes. Egerde biz biri-biribizdi süysök, anda Kuday bizdin içibizde jaşayt jana bizdin içibizde Anın jetkileŋ süyüüsü bar.

¹³Kudaydın içinde jaşap jatkanıbızdı jana Anın bizdin içibizde jaşap jatkanın bizge bergen Ruhu arkıluu bilebiz.

¹⁴Atanın Öz Uulun düynögö Kutkaruuçu kılıp jibergenin biz öz közübüz menen körüp, kübölöndürüp jatabız.

¹⁵Iysanın Kuday Uulu ekendigin açık taanıgan adamdın içinde Kuday jaşayt, al adam da Kudaydın içinde jaşayt.

¹⁶Kudaydın bizge bolgon süyüüsün bilip, oşogo işendik. Kuday – süyüü. Süyüp jaşagan adam Kudaydın içinde jaşayt, Kuday da anın içinde jaşayt.

¹⁷Bizdin içibizdegi süyüü jetkileŋdikke jetkendikten, sot bolo turgan künü biz kayrattuulukka eebiz. Antkeni Al kanday bolso, biz da bul düynödö oşondoybuz.

¹⁸Süyüüdö korkunuç jok. Teskerisinçe, jetkileŋ süyüü korkunuçtu jok kılat, korkkon adam kıynalat. Korkkon adamdın içindegi süyüü jetkileŋ emes.

¹⁹Al bizdi birinçi süygöndüktön, biz da Anı süyölü.

²⁰Kim: «Men Kudaydı süyöm», – dese, birok bir tuuganın jek körsö, al – jalgançı. Antkeni özü körüp turgan bir tuuganın süybösö, körünbögön Kudaydı kantip süymök ele?

²¹Biz Andan «Kim Kudaydı süysö, al bir tuuganın da süysün» degen osuyattı alganbız.