Read NT LS 2005 – Инжил ЛС (2005 1 Jakan 5 Bible Online

1 Jakan 5 - NT LS 2005 – Инжил ЛС (2005 bible

1 Jakan 5

¹Iysanın Maşayak ekendigine işengen adam Kudaydan tuulgan. Kim Kudaydı süysö, al Kudaydan tuulgandardı da süyöt.

²Egerde Kudaydı süyüp, Anın osuyattarın atkarıp jatsak, anda Kudaydın baldarın süyüp jatkanıbızdı bilebiz.

³Kudaydı süyüü degen – Anın osuyattarın atkaruu. Anın osuyattarın atkaruu kıyın emes.

⁴Antkeni Kudaydan tuulgan adam düynönü jeŋet. Düynönün üstünön jeŋişke jetkirgen nerse – bul bizdin işenimibiz.

⁵Düynönü Iysanın Kuday Uulu ekendigine işengen adamdan başka kim jeŋe alat?

⁶Al – suu jana kan menen kelgen Iysa Maşayak. Al suu menen gana emes, suu jana kan menen keldi. Al jönündö Ruh kübölöndüröt, antkeni Ruh – çındık.

⁷Oşentip, asmanda üçöö kübölöndüröt: Ata, Söz jana Iyık Ruh. Bul üçöö bir.

⁸Jerde üçöö kübölöndüröt: ruh, suu jana kan. Bul üçöönün kübölöndürüüsü bir.

⁹Adamdardın kübölöndürüüsün dele kabıl alıp jatpaybızbı, adamdardın kübölöndürüüsünön Kudaydın kübölöndürüüsü jogoru emespi. Antkeni bul – Öz Uulu jönündö kübölöndürgön Kudaydın kübölöndürüüsü.

¹⁰Kuday Uuluna işengen adamdın kübölöndürüüsü öz içinde. Al emi Kudayga işenbegen adam Kudaydı jalgançı kılgan bolot. Antkeni al Öz Uulu jönündö kübölöndürgön Kudaydın kübölöndürüüsünö işengen jok.

¹¹Kudaydın kübölöndürüüsü bolso bul: Kuday bizge tübölük ömür berdi. Al ömür Anın Uulunda.

¹²Kim Kudaydın Uuluna ee bolso, al ömürgö ee. Kim Kudaydın Uuluna ee emes bolso, al ömürgö ee emes.

¹³Kudaydın Uuluna işenüü arkıluu tübölük ömürgö ee bolgonuŋardı bilişiŋer üçün, men munu silerge – Kudaydın Uuluna işengenderge jazdım.

¹⁴Anın aldında kanday kayrattuulukka eebiz: Anın erki boyunça emneni surasak da, Al bizdi ugat.

¹⁵Emneni surasak da, Al bizdi ugarın bilsek, Andan suraganıbızdı alarıbızdı da bilebiz.

¹⁶Kim bir tuuganının ölümgö duuşar kılbay turgan künöö jasap jatkanın körsö, al üçün sıyınsın, Kuday aga ömür beret. Ölümgö duuşar kılbay turgan künöö ketirgender jönündö aytıp jatam. Ölümgö duuşar kıla turgan künöö bar, al jönündö sıyıngıla debeym.

¹⁷Jalgandıktın baarı – künöö, birok ölümgö duuşar kılbay turgan künöö bar.

¹⁸Kudaydan tuulgan adamdın künöö kılbastıgın bilebiz. Kudaydan tuulgan adam özün saktayt, oşonduktan aga amalköy joloboyt.

¹⁹Biz Kudaydan ekenibizdi, al emi büt düynö amalköydün biyligi astında ekenin bilebiz.

²⁰Kudaydın Uulu kelip, bizge çınıgı Kudaydı taanıp bilüügö akıl bergenin da bilebiz. Biz Anın çınıgı Uulu Iysa Maşayaktın içindebiz. Al – çınıgı Kuday jana tübölük ömür.

²¹Baldarım, özüŋördü burkandardan saktagıla. Oomiyin!