Read NT LS 2005 – Инжил ЛС (2005 Başkaruuçular 10 Bible Online

Başkaruuçular 10 - NT LS 2005 – Инжил ЛС (2005 bible

Başkaruuçular 10

¹Abı-Melekten kiyin Israyıldı kutkarış üçün, İsahar uruusunan Dodonun uulu, Puyanın uulu Tola çıktı. Al Eprayım toosundagı Şamirde jaşaçu.

²Al Israyılga jıyırma üç jıl başkaruuçu boldu. Köz jumup, Şamirge koyuldu.

³Andan kiyin gilattık Jayır çıktı, al Israyılga jıyırma eki jıl başkaruuçu boldu.

⁴Anın otuz jaş eşekke minip jürgön otuz uulu bolgon, alardın otuz şaarı bar ele. Alardı uşul kezge çeyin Gilat jerindegi Jayırdın şaarları deşet.

⁵Jayır köz jumup, Kamongo koyuldu.

⁶Israyıl uuldarı kayradan Teŋirdin köz aldında jaman işterin kıla baştaştı. Alar Baaldar menen Aşeyralarga, arameylikterdin, sidonduktardın, maaptıktardın, amonduktardın, peliştilikterdin kudaylarına kızmat kılıp jatıştı. Teŋirdi taştap, Aga kızmat kılbay kalıştı.

⁷Teŋir Israyılga kaardanıp, alardı peliştilikter menen amonduktardın koluna salıp berdi.

⁸Alar oşol jıldan tartıp İordandın arkı öyüzündö, amorluktardın Gilattagı jerinde jaşagan ısrayıldıktardı on segiz jıl kısımga alıp ezişti.

⁹Amonduktar Jüyüt, Benjemin jana Eprayım uruuları menen soguşuu üçün, İordandan ötüp kelişti. Israyıl uuldarı abdan kıynalıştı.

¹⁰Oşondo Israyıl uuldarı Teŋirge bozdop kayrılıştı: «Biz Senin aldıŋda künöögö battık, sebebi Kudayıbızdı taştap, Baaldarga kızmat kıldık».

¹¹Teŋir Israyıl uuldarına mınday dedi: «Silerdi misirlikter, amorluktar, amonduktar, peliştilikter,

¹²sidonduktar, amalıktıktar, maaptıktar ezişkende, siler Maga kayrılganda, Men silerdi alardın kolunan kutkarıp turgan jok belem?

¹³Siler bolso Meni taştap, başka kudaylarga tabınıp kettiŋer. Oşon üçün Men silerdi emi kutkarbaym.

¹⁴Bargıla da, özüŋör tandap algan kudaylarıŋarga jalıngıla, başıŋarga tüşkön kıyınçılıktan silerdi oşolor kutkarsın».

¹⁵Oşondo Israyıl uuldarı Teŋirge: «Künöögö battık, bizdi emne kılsaŋ, Özüŋ bil, azır bizdi kutkarıp kal», – deşti.

¹⁶Oşentip, alar bötön kudaylardı taştap, Teŋirge kızmat kıla baştaştı. Israyıldın azap tartıp jatkanın körüp, Al çıdap tura algan jok.

¹⁷Amonduktar çogulup, standarı menen Gilatka jaylanışıştı. Israyıl uuldarı da çogulup, standarı menen Mispaga jaylanışıştı.

¹⁸Oşondo Gilattın eli menen törölörü biri-birine: «Amonduktarga karşı salgılaştı kim birinçi baştasa, oşol bardık Gilat turgundarının başçısı bolot», – deşti.