Read NT LS 2005 – Инжил ЛС (2005 Başkaruuçular 13 Bible Online

Başkaruuçular 13 - NT LS 2005 – Инжил ЛС (2005 bible

Başkaruuçular 13

¹Israyıl uuldarı kayradan Teŋirdin aldında jaman işterdi kıla baştaştı. Teŋir alardı kırk jılga peliştilikterdin koluna salıp berdi.

²Oşol kezde soralık Manoyah degen adam bolgon, al Dan uruusunan ele. Ayalının boyuna bütpögöndüktön, balaluu bolgon emes.

³Teŋirdin periştesi anın ayalına kelip, mınday dedi: «Senin boyuŋa bütkön jok, bala törögön joksuŋ, emi boyuŋa bütüp, uul töröysüŋ.

⁴Oşonduktan sak bol, şarap da, küçtüü içimdik da içpe, taza emes nerse jebe.

⁵Antkeni senin boyuŋa bütüp, uul töröysüŋ. Anın başına ustara tiybesin, antkeni jatında jatkandan baştap ele nariste Kudaydın naziri bolot. Al Israyıldı peliştilikterdin kolunan kutkara baştayt».

⁶Ayal kelip, küyöösünö mınday dedi: «Maga körünüşü daŋktuu, Kudaydın periştesindey bolgon Kudaydın bir adamı keldi, al abdan korkunuçtuu eken. Anın kaydan kelgenin surabay kalıptırmın, al da maga atın aytkan jok.

⁷Al maga: “Senin boyuŋa bütüp, uul töröysüŋ. Oşonduktan şarap da, küçtüü içimdik da içpe, taza emes nerse jebe, antkeni nariste jatında jatkandan baştap ölgöngö çeyin Kudaydın naziri bolot”, – dedi».

⁸Manoyah Teŋirge: «Teŋir, Sen jönötkön Kudaydın adamı bizge dagı bir jolu kelip, törölö turgan balanı emne kılışıbız kerek ekenin üyrötüp ketsin», – dep sıyındı.

⁹Kuday Manoyahtın ünün uktu. Ayalı talaada jürgöndö, Teŋirdin periştesi dagı keldi, birok küyöösü Manoyah janında jok ele.

¹⁰Ayalı oşol zamat jügürüp barıp, küyöösünö kabarladı: «Bayagıda maga kelgen adam keldi».

¹¹Manoyah ordunan turup, ayalı menen al adamga keldi da, aga: «Bul ayal menen süylöşkön adam sensiŋbi?» – dedi. Perişte: «Menmin», – dedi.

¹²Manoyah: «Egerde senin aytkanıŋ atkarıla turgan bolso, al balanı kantebiz, emne kılabız?» – dedi.

¹³Teŋirdin periştesi Manoyahka mınday dedi: «Men senin ayalıŋa emneni aytsam, oşonun baarınan saktansın.

¹⁴Jüzümdön jasalgan eç nerseni jebesin, şarap da, küçtüü içimdik da içpesin, taza emes nerse jebesin. Men ayalga buyrugandın baarın saktasın».

¹⁵Manoyah Teŋirdin periştesine: «Bir ulak soyup, saga tamak dayardagıça, ketpey tur», – dedi.

¹⁶Teŋirdin periştesi Manoyahka: «Meni toktotkonuŋ menen, baarı bir tamagıŋdı jebeym. Egerde bütündöy örttölüüçü kurmandık çalgıŋ kelse, anda anı Teŋirge arnap çal», – dedi. Manoyah bolso anın Teŋirdin periştesi ekenin bilgen jok.

¹⁷Manoyah Teŋirdin periştesine: «Atıŋ kim? Aytkanıŋ atkarılganda, seni daŋktaylı», – dedi.

¹⁸Teŋirdin periştesi aga: «Menin atımdı surap emne kılasıŋ? Al keremet!» – dedi.

¹⁹Manoyah ulak menen nan kurmandıgın Teŋirge arnap, taştın üstündö kurmandıkka çaldı. Teŋirdin periştesi keremet körsöttü, anı Manoyah menen ayalı kördü.

²⁰Kurmandık çalıngan taştın üstündögü ottun jalını asmanga kötörülö baştaganda, Teŋirdin periştesi kurmandık çalınuuçu jaydın üstündögü jalın menen koşo asmanga kötörüldü. Munu körgöndö, Manoyah jana ayalı jerge jüztömöndöp jıgılıştı.

²¹Teŋirdin periştesi Manoyahka jana anın ayalına körünböy kaldı. Oşondo Manoyah anın Teŋirdin periştesi ekenin bildi.

²²Anan Manoyah ayalına: «Biz Kudaydı kördük, emi ölöbüz», – dedi.

²³Ayalı küyöösünö: «Egerde Teŋir bizdi öltürgüsü kelse, anda bizdin kolubuzdan bütündöy örttölüüçü kurmandık menen nan kurmandıgın kabıl almak emes, azır bizge munun baarın körsötüp, açıp bermek emes», – dedi.

²⁴Ayalı uul töröp, atın Şimşon koydu. Nariste çoŋoё berdi. Teŋir aga batasın berip jattı.

²⁵Sora menen Eştauldun ortosundagı Dandın stanında Teŋirdin Ruhu al arkıluu iştey baştadı.