Read NT LS 2005 – Инжил ЛС (2005 Başkaruuçular 15 Bible Online

Başkaruuçular 15 - NT LS 2005 – Инжил ЛС (2005 bible

Başkaruuçular 15

¹Bir neçe kündön kiyin, oruu-jıyuu ubagında, Şimşon bir ulak alıp, ayalın körgönü keldi. «Ayalım jatkan bölmögö kireyin», – degende, ayaldın atası kirgizbey koydu.

²Ayalının atası: «Seni ayalıŋdı jek körüp kaldı dep oylop, men anı küyöö joldoşuŋa alıp berip koydum. Mına, siŋdisi andan suluu, anın orduna siŋdisin al», – dedi.

³Birok Şimşon alarga: «Emi peliştilikterge jamandık kılsam, künöölüü bolboym», – dedi.

⁴Şimşon ketti da, üç jüz tülkü karmap alıp, şamanalardı alıp, kuyrukka kuyruktu baylap, ar bir eki kuyruktun ortosuna birden şamana baylap koydu.

⁵Anan şamanalardı küygüzüp, tülkülördü peliştilikterdin eginine koё berdi. Boolongon çömölölör da, orula elek eginder da, jüzümzarlar da, zaytun baktar da örttönüp ketti.

⁶Peliştilikter: «Munu kim kıldı?» – deşti. «Timnatanın küyöö balası Şimşon kıldı, antkeni anın ayalın atası anın küyöö joldoşuna alıp berip koygon», – deşti. Oşondo peliştilikter jabıla kelip, atasın da, kızın da örttöp jiberişti.

⁷Şimşon alarga: «Uşunday kılganıŋarga karabastan, men silerden öç alam, oşondo gana janım jay alat», – dedi da,

⁸alardın tizeleri menen jambaştarın talkalap, jönöp ketti. Al Eytam askasının kapçıgayına barıp jatıp aldı.

⁹Peliştilikter kelip, standarı menen Jüyüt jerine, Lehinin janına jaylanışıştı.

¹⁰Jüyüt jerinin turgundarı: «Emne üçün bizge keldiŋer?» – deşti. Alar: «Biz Şimşondu baylap keteli dep keldik, al bizge kanday kılsa, biz da aga oşondoy kılabız», – deşti.

¹¹Oşondo jüyüttördön üç miŋ adam çıgıp, Eytam askasının kapçıgayına barıp, Şimşongo: «Bizge peliştilikter üstömdük kılıp jatışkanın sen bilbeysiŋbi? Emne üçün mınday kıldıŋ?» – deşti. Şimşon alarga: «Alar maga kanday kılsa, men da alarga oşondoy kıldım», – dedi.

¹²Alar aga: «Biz seni baylap, peliştilikterdin koluna salıp bereli dep keldik», – deşti. Şimşon alarga: «Öltürböybüz dep ant bergile», – dedi.

¹³Alar aga: «Jok, öltürböybüz, biz seni baylap, alardın koluna salıp berebiz», – deşti. Anı eki jaŋı jip menen baylaştı da, kapçıgaydan alıp çıgıştı.

¹⁴Al Lehige jakındaganda, peliştilikter kıykırık menen tosup alıştı. Anın üstünö Teŋirdin Ruhu tüştü. Oşondo anın kolu baylangan jipter küygön zıgırday bolup, üzülüp tüşüp kaldı.

¹⁵Al eşektin astınkı jaak söögün taap aldı. Anı menen miŋ kişini urup öltürdü.

¹⁶«Kalıŋ toptu, eki toptu eşektin jaak söögü menen öltürdüm, eşektin jaak söögü menen miŋ adamdı öltürdüm», – dedi Şimşon.

¹⁷Uşunu aytıp, jaak sööktü ırgıttı da, al jerdi Ramat-Lehi dep atadı.

¹⁸Al ayabay suusap, Teŋirge jalınıp: «Sen kuluŋa uşul uluu jeŋişti berdiŋ. Emi kanım katıp, sünnötkö oturguzulbagandardın koluna tüşüp ölömbü?» – dedi.

¹⁹Oşondo Teŋir Lehiden bulak çıgardı. Al suusunun kandırganda, küç-kubat alıp, jandanıp kaldı. Oşondon ulam bul jer «Çakırgandın bulagı» dep atalıp kaldı, al Lehide uşul küngö çeyin bar.

²⁰Al peliştilikterdin ubagında Israyılga jıyırma jıl başkaruuçu boldu.