Read NT LS 2005 – Инжил ЛС (2005 Başkaruuçular 5 Bible Online

Başkaruuçular 5 - NT LS 2005 – Инжил ЛС (2005 bible

Başkaruuçular 5

¹Oşol künü Debora menen Abınaam uulu Barak tömönküdöy ır ırdaştı:

²«Israyıl kegin aldı, kalayık ıntaluuluk körsöttü. Teŋirdi daŋktagıla!

³Padışalar, kulak salgıla! Törölör, köŋül burgula! Men Teŋirge ırdaym! Israyıldın Kuday-Teŋirine aspap çertip ırdaym!

⁴Sen, Teŋir, Seirden çıkkanıŋda, Edom talaasınan saltanat menen çıkkanıŋda, jer solkuldap, asmandan suu tamçılap, buluttar jamgır tökkön.

⁵Teŋirdin aldında toolor, Israyıldın Kuday-Teŋirinin aldında Sinay toosu solkuldagan.

⁶Anattın uulu Şamgardın ubagında, Jaeldin ubagında joldor een jatkan, murda tüz joldor menen jürgöndör oşol ubakta aylanma joldor menen jürüp kalışkan.

⁷Men, Debora – Israyıldagı ene, orduman turganga çeyin, Israyıldın kıştaktarında eç kim jaşabay kalgan.

⁸Alar jaŋı kudaylardı tandap alışkanda, darbaza aldında soguş boldu. Kırk miŋ ısrayıldıktın kalkanı menen nayzasın kördüŋör bele?

⁹Jürögüm siler menen, Israyıl başçıları, öz ıktıyarı menen elin korgogondor! Teŋirdi daŋktagıla!

¹⁰Ak urgaaçı eşekke minip jürgöndör, kilemde oturgandar, joldo ketip baratkandar, ırdagıla!

¹¹Kuduktardın janına malın çogultkandar Teŋirdi daŋktap, Israyıl jol başçıların maktap ırdaşsın! Oşondo Kudaydın eli darbazalardı karay jönödü.

¹²Şattan, Debora! Şattan, Debora! Ir ırdap, daŋkta! Tur, Barak, Abınaam uulu, tutkundarıŋdı alıp bas!

¹³Oşondo Teŋir küçtüülördü az sandagı adamdarga bagıntıp bergen. Teŋir maga er jüröktördü bagıntıp bergen.

¹⁴Amalıktın jerine oturuktaşıp kalgan eprayımdıktar kelişken. Anın artınan Benjemin öz eli menen kelgen. El başçılar Mahirden, kalem karmagandı bilgen katçılar Zabulundan kelişken.

¹⁵İsahardın törölörü Debora menen kelişti, İsahar da Baraktay bolup örööngö jöö tüştü. Rubeyin uuldarının arasında çoŋ kelişpestik bar.

¹⁶Maldın maaraganın ugup, mal koroolordo emne oturasıŋ? Rubeyin uuldarının arasında çoŋ kelişpestik bar.

¹⁷İordandın arkı öyüzündö Gilat tınç jaşap jatat, kemeleri bar Dan emneden korksun? Aşır deŋiz jeeginde oturat, kemeler toktooçu jaydın janında tınç jaşap jatat.

¹⁸Zabulun – öz janın tobokelge salgan el, Naptalı da – döŋsöölördö öz janın tobokelge salgan el.

¹⁹Padışalar kelişti, salgılaşıştı. Oşondo Kanaan padışaları Megido suularının janındagı Tanahta salgılaşıştı, birok kümüş oljolop alışkan jok.

²⁰Asmanda jıldızdar salgılaşıştı, öz joldorunda Sisra menen salgılaşıştı.

²¹Alardı Kişon darıyası, bayırkı darıya, Kişon darıyası agızıp ketti. Janım, duşmandarımdın küçün tebele!

²²Anın küçtüülörü kaçkanda, attarının tuyaktarı maytarılıp sındı.

²³Meyroz şaarın kargagıla, – deyt Teŋirdin periştesi, – anda jaşagandardı kargagıla, antkeni alar Teŋirge jardamga kelişken jok, Teŋirge jana kayrattuularga kömök berişken jok!

²⁴Keyni Heberdin zayıbı Jael, çatırlarda jaşagan ayaldardın arasındagı al, bataluu bolsun!

²⁵Sisra suu suraganda, al süt berdi, törölör içken çöyçökkö eŋ jakşı süt kuyup keldi.

²⁶Sol koluna kazık, oŋ koluna temir ustanın balkasın alıp, Sisranı çıkıyga sayıp, başın jardı.

²⁷Al ayaldın butuna jıgılıp jatıp kaldı, anın butuna kuladı, kulagan jerinde öldü.

²⁸Sisranın enesi tor terezeden karap: “Anın maydan arabası emnege mınça keçiget, anın maydan arabasının döŋgölöktörünün dabışı emnege ugulbayt?” – dep bozdoyt.

²⁹Anın kızmatçı ayaldarının akılduuları aga joop beret, al özünö özü joop beret:

³⁰“Alar oljo taap alıp, bölüşüp jatışsa kerek, ar bir jookerge birden je ekiden kız tiyse kerek. Oljodon Sisraga ar kıl tüstüü, içi-tışı saymalangan, tutkundun jonunan sıyrılıp alıngan kiyim tiyse kerek”.

³¹Teŋir, Senin kas duşmandarıŋ mına uşintip jok bolsun! Teŋirdi süygöndör bolso bardık küç-kubatı menen jarkırap çıkkan kündöy bolsun!» Oşentip, jer üstündö kırk jıl tınçtık boldu.