Read NT LS 2005 – Инжил ЛС (2005 Başkaruuçular 7 Bible Online

Başkaruuçular 7 - NT LS 2005 – Инжил ЛС (2005 bible

Başkaruuçular 7

¹Jerup-Baal (Gidon) erteŋ menen erte turdu. Anı menen kelgen büt el standarı menen Eyin-Harot bulagının janına jaylanıştı. Midian stanı bolso tündüktü karay ketken örööndögü Amore adırında ele.

²Teŋir Gidongo mınday dedi: «Seni menen kelgen el ötö köp. Israyıldıktar Menin aldımda: “Özümdü özüm kutkardım”, – dep tekeberdenip ketpeşi üçün, midiandıktardı Men alardın koluna salıp berbeym.

³Oşonduktan elge uguza ayt: “Kim jüünü boş, korkok bolso, Gilat toosunan tüşüp, kelgen jagına ketsin”». Oşondo jıyırma eki miŋ kişi artka kayttı, on miŋ kişi kaldı.

⁴Anan Teŋir Gidongo mınday dedi: «Dagı ele el köp. Bulardı suuga alıp bar, oşol jerden men saga tandap berem. Men kimdi: “Seni menen barsın”, – desem, oşol seni menen barsın, Men kimdi: “Seni menen barbaşı kerek”, – desem, al barbasın».

⁵Al eldi suuga alıp keldi. Teŋir Gidongo: «Suunu itke okşop tili menen şalpıp içkenderdi özünçö böl, tize bügüp, eŋkeyip içkenderdi özünçö böl», – dedi.

⁶Üç jüz kişi suunu koçuştap suzup, oozu menen şalpıp içti. Kalgandarı suunu tize bügüp, eŋkeyip içişti.

⁷Oşondo Teŋir Gidongo: «Suunu şalpıp içken üç jüz kişi arkıluu Men silerdi midiandıktardan kutkaram, alardı koluŋarga salıp berem. Al emi kalgandarı öz-öz çatırlarına kaytışsın», – dedi.

⁸Alar ketkenderdin azıktarı menen müyüzdörün alıp kalıştı. Gidon üç jüz kişini alıp kalıp, kalgan ısrayıldıktardı öz-öz çatırlarına tarattı. Midiandıktardın stanı tömön jaktagı örööndö ele.

⁹Oşol tünü Teŋir aga mınday dedi: «Tur, stanga kir, Men anı senin koluŋa salıp berem.

¹⁰Egerde jalgız bargandan korkup jatsaŋ, stanga öz kızmatçıŋ Pura menen bar.

¹¹Oşondo alardın emne dep jatkanın ugasıŋ da, karuuŋa küç kirip, stanga kiresiŋ». Anan al kızmatçısı Pura menen standagı küzöttö turgan askerlerge tüşüp bardı.

¹²Midiandıktar menen amalıktıktar jana bardık çıgış elderi örööndü çegirtkedey kaptap kalışkan ele. Töölörü esepsiz, özdörü deŋiz jeegindegi kumday sansız ele.

¹³Gidon keldi. Oşondo biröö bir kişige körgön tüşün aytıp jattı: «Tüşümdö bir togolok arpa nan Midian stanın aralap, togolongon boydon çatırga kelip bir tiydi, çatır kulap kaldı; anı alasalttı, çatır jıgılıp kaldı».

¹⁴Ekinçisi aga mınday dep joop berdi: «Bul – ısrayıldık Jaaştın uulu Gidondun kılıçı, andan bölök nerse emes. Kuday midiandıktardı jana büt standı anın koluna salıp berdi».

¹⁵Gidon tüştü jana anın çeçmelenişin ugup, Kuday-Teŋirge taazim etip, stanına kaytıp keldi da, mınday dedi: «Turgula! Kuday Midian stanın koluŋarga salıp berdi!»

¹⁶Anan al üç jüz kişini üç topko bölüp, bardıgının koldoruna müyüzdördü jana boş kumuralardı berdi, oşondoy ele kumuralardın içine salganga şam berdi.

¹⁷Anan alarga mınday dedi: «Meni karap, men kılgandı kılgıla. Men alardın stanına jakındaganda, emne kılsam, siler da oşonu kılgıla.

¹⁸Men jana meni menen baratkandar müyüzdördü tartkanda, siler da müyüzdördü büt standı aylanta tartıp: “Teŋir üçün, Gidon üçün!” – dep kıykırgıla».

¹⁹Anan Gidon ortoŋku küzöt ubagında jüz kişi menen stanga kelip, sakçılardı oygotup, müyüzdördü tartıp, koldorundagı kumuralardı talkalaştı.

²⁰Oşondo üç top müyüzdördü tartıp, kumuraların talkaladı. Alar sol koldoruna şamdarın karmap, oŋ koldorundagı müyüzdördü tartıp, jer jaŋırta: «Teŋir üçün, Gidon üçün!» – dep kıykırıştı.

²¹Standı tegerektegen alardın ar biri öz ordunda turdu. Büt stan dürbölöŋgö tüşüp, kıykırıp, tuş-tuşka kaçıp jönödü.

²²Üç jüz kişi müyüzdördü tartkanda, Teŋir midiandıktardın büt stanın biri-birine karşı kılıç kötörttü. Koşuun Sereyraga karay Beyt-Aşitke çeyin, Tabatanın janındagı Abel-Mekelanın çek arasına çeyin kaçtı.

²³Naptalı, Aşır uruularınan jana Menaşenin büt uruusunan ısrayıldıktar çakırtıldı. Anan alar midiandıktardın artınan kuup jönöştü.

²⁴Gidon bolso Eprayım toosundagılardın baarına mınday dep ayttırış üçün, elçilerin jönöttü: «Midiandıktardı uturlap çıkkıla da, Beyt-Bara menen İordan darıyasının ötkööldörün bögöp turgula». Oşondo bütkül eprayımdıktar çakırtılıp, Beyt-Bara menen İordanga çeyinki ötkööldördü bögöp turuştu.

²⁵Alar midiandıktardın Oreyip menen Zeyep degen eki törösün kolgo tüşürüp, Oreyipti Sur-Oreyipte, Zeyepti Jekep-Zeyepte öltürüştü da, midiandıktardı andan arı kuup jönöştü. Oreyip menen Zeyeptin baştarın İordandın berki öyüzünö, Gidongo alıp kelişti.