Read NT LS 2005 – Инжил ЛС (2005 Başkaruuçular 9 Bible Online

Başkaruuçular 9 - NT LS 2005 – Инжил ЛС (2005 bible

Başkaruuçular 9

¹Jerup-Baaldın uulu Abı-Melek Şekemge barıp, enesinin bir tuugandarına jana bardık uruk-tuuganına mınday dedi:

²«Şekemdin bardık turgundarına aytkıla: “Siler üçün kaysınısı jakşı: Jerup-Baaldın jetimiş uulu başkarganı jakşıbı je bir ele adam başkarganı jakşıbı? Men silerdin öz söögüŋör, öz deneŋer ekenimdi estegile”».

³Anın bul sözdörün enesinin bir tuugandarı Şekemdin turgundarına aytıştı. «Al bizdin bir tuuganıbız emespi», – dep, alardın jürögü Abı-Melekke buruldu.

⁴Alar Baal-Berit degen jasalma kudaydın üyünön aga jetimiş şekel kümüş alıp berişti. Al kümüştörgö Abı-Melek bekerpoz, jeŋil oyluu adamdardı jaldap aldı. Alar anın artınan eerçişti.

⁵Anan al Opraga, atasının üyünö kelip, bir tuugandarın, Jerup-Baaldın jetimiş uulun bir taştın üstündö öltürdü. Jerup-Baaldın kenje uulu Jotam gana tirüü kaldı, antkeni al jaşınıp kalgan ele.

⁶Şekemdin bardık turgundarı jana Milo üyündögülör çogulup, Şekemge jakın emen daragının tübündö Abı-Melekti padışa kötörüp alıştı.

⁷Munu Jotamga aytışkanda, al barıp, Garizim toosunun çokusuna çıgıp, alarga mınday dep katuu kıykırdı: «Şekemdin turgundarı, meni uksaŋar, Kuday da silerdi ugat!

⁸Özdörünö padışa kılıp maylaş üçün, daraktar zaytun daragına barıp: “Bizge padışa bol”, – deşti.

⁹Zaytun daragı alarga: “Adamdar menen kudaylardı urmattoodo koldonulgan mayımdı taştap, daraktardın arasında sandalıp jürmök belem?” – dedi.

¹⁰Oşondo daraktar anjırga: “Sen kelip, bizge padışa bol”, – deşti.

¹¹Anjır alarga: “Tattuu, jakşı mömömdü taştap, daraktardın arasında sandalıp jürmök belem?” – dedi.

¹²Oşondo daraktar jüzüm sabagına: “Sen kelip, bizge padışa bol”, – deşti.

¹³Jüzüm sabagı alarga: “Adamdar menen kudaylardı kubandırgan şiremdi taştap, daraktardın arasında sandalıp jürmök belem?” – dedi.

¹⁴Akırında bardık daraktar tikendüü badalga: “Sen kelip, bizge padışa bol”, – deşti.

¹⁵Tikendüü badal daraktarga: “Egerde siler, çındıgında ele, meni özüŋörgö padışa koyup jatsaŋar, anda menin tübümö kölökölögülö. Egerde anday kılbasaŋar, anda tikendüü badaldan ot çıgıp, Lebanon kedrlerin örttöp salat”, – dedi.

¹⁶Kana aytkılaçı, Abı-Melekti padışa koyup, siler adilettik, akıykattık kıldıŋarbı? Jerup-Baalga jana anın üy-bülösünö adilettik kıldıŋarbı? Anın kılgan jakşılıgına jaraşa joop berdiŋerbi?

¹⁷Menin atam siler üçün salgılaşkan, öz ömürün ayagan emes, silerdi midiandıktardın kolunan kutkargan.

¹⁸Siler bolso menin atamdın üy-bülösünö karşı kötörülüp, atamdın jetimiş uulun bir taştın üstündö öltürdüŋör. Bir tuuganıŋar bolgonu üçün Şekemdin turgundarına atamdın küŋ ayalının uulu Abı-Melekti padışa koyduŋar.

¹⁹Egerde siler Jerup-Baalga jana anın üy-bülösünö adilettik, akıykattık kılgan bolsoŋor, anda Abı-Melektin padışa bolgonuna süyüngülö, al da siler üçün süyünsün.

²⁰Egerde anday kılgan emes bolsoŋor, anda Abı-Melekten ot çıgıp, Şekemdin turgundarı menen Milo üyündögülördü örttöp ketsin je Şekemdin turgundarı menen Milo üyündögülördön ot çıgıp, Abı-Melekti örttöp ketsin».

²¹Jotam bir tuuganı Abı-Melekten kaçıp, Beyirge keldi da, oşol jerde jaşap kaldı.

²²Abı-Melek Israyılga üç jıl padışaçılık kıldı.

²³Kuday Abı-Melek menen Şekem turgundarının ortosuna jaman ruh jiberdi. Oşondo Şekemdin turgundarı Abı-Melekke baş iybey kalıştı.

²⁴Jerup-Baaldın jetimiş uulunun öçü uşintip alındı. Alardın kanı alardı öltürgön bir tuuganı Abı-Melektin jana bir tuugandarın öltürüügö jardam berip koldop turgan Şekem turgundarının moynuna jüktöldü.

²⁵Şekemdin turgundarı toolordun baştarına aga karşı bukturma koyuştu, bukturmadagılar joldon ötkön ar kimdi talap-tonoştu. Oşondo bul tuuraluu Abı-Melekke bildirişti.

²⁶Şekemge bir tuugandarı menen Ebedanın uulu Gaal keldi, alar Şekemdi aralap jürüştü. Şekemdin turgundarı alarga tayanıştı.

²⁷Alar talaaga çıgıp, jüzüm jıynap, şiresin sıgıştı da, mayram ötkörüp, özdörünün kudayının üyünö barıp, içip-jep, Abı-Melekti kargaştı.

²⁸Ebedanın uulu Gaal mınday dedi: «Biz aga kızmat kılgıday, Abı-Melek kim ele, Şekem emne ele? Al Jerup-Baaldın uulu emespi, anın başçısı Zebul emespi? Aga emnege kızmat kılmak elek? Andan körö Şekemdin atası Hamordun tukumuna kızmat kılgıla.

²⁹Bul eldi koluma berse, men Abı-Melekti padışaçılıktan tüşürüp salmakmın». Anan al Abı-Melekke: «Askeriŋdi köböyt da, betteşüügö çık», – dedi.

³⁰Ebedanın uulu Gaaldın bul sözün ugup, şaar başçısı Zebuldun kaarı kaynadı.

³¹Al Abı-Melekke jaşıruun türdö elçilerin jiberip: «Ebedanın uulu Gaal bir tuugandarı menen Şekemge kelip, şaardı saga karşı tukurup jatat,

³²oşonduktan janıŋdagı askerler menen tün içinde turup, talaaga bukturma koy.

³³Erteŋ menen erte turup, kün çıgar aldında şaarga kol sal. Al özünün askerleri menen seni bettep çıkkanda, koluŋdan kelgenin kıl, alardı ayaba», – dep ayttırdı.

³⁴Abı-Melek özünün askerleri menen tün içinde turup, tört tobun Şekemdin janına bukturmaga koydu.

³⁵Ebedanın uulu Gaal şaardan çıgıp, darbazanın aldında turdu. Abı-Melek öz askerleri menen bukturmadan çıktı.

³⁶Gaal eldi körüp, Zebulga: «El toolordun baştarınan tüşüp kele jatat», – dedi. Zebul bolso aga: «Toolordun kölökösü saga el körünüp jatsa kerek», – dedi.

³⁷Gaal dagı mınday dedi: «El toodon tömön tüşüp kele jatat. Bir asker tobu Meyonenim emen daragına ketçü joldon çıktı», – dedi.

³⁸Zebul aga: «“Abı-Melekke kızmat kılgıday, al kim ele?” – debediŋ bele? Sen tootpogon el uşul. Kana emi bular menen salgılaşıp kör», – dedi.

³⁹Oşondo Gaal Şekem turgundarın baştap çıgıp, Abı-Melek menen salgılaştı.

⁴⁰Gaal kaçıp jönödü, Abı-Melek anın artınan tüştü. Ölgöndör ötö köp bolup, şaar darbazasının aldında ölüktör jattı.

⁴¹Abı-Melek Arumda kaldı. Zebul Gaaldı jana anın bir tuugandarın Şekemde jaşatpay kuup çıktı.

⁴²Ertesi el talaaga çıktı. Bul tuuraluu Abı-Melekke bildirişti.

⁴³Oşondo al öz elin üç topko bölüp, talaaga bukturmaga koydu. Al şaardan çıgıp kele jatkan elge kol salıp, alardı kırıp saldı.

⁴⁴Abı-Melek öz toptoru menen şaardın darbazasının janına kelip turgan kezde başka eki top talaada turgan elge kol salıp, alardı kırıp jattı.

⁴⁵Abı-Melek şaardın eli menen oşol künü keçke salgılaşıp, şaardı basıp aldı da, andagı eldi kırıp, şaardı talkalap, aga tuz seep saldı.

⁴⁶Munu ugup, Şekem munarasındagılardın baarı Baal-Berit butkanasının munarasına kirip ketişti.

⁴⁷Şekem munarasındagılardın baarı çogulganın Abı-Melekke bildirişti.

⁴⁸Abı-Melek özünün büt eli menen Salmon toosuna çıgıp, baltaların alıp, daraktardın butaktarın kıyıp, iynine koydu da, özü menen kelgen elge mınday dedi: «Menin emne kılganımdı kördüŋörbü? Siler da tezinen men kılgandı kılgıla».

⁴⁹Oşondo kelgen eldin baarı butaktardı kıyıp, Abı-Melektin artınan kötörüp kelişti da, alardı munaranın tegeregine taştaştı. Anan butaktarga ot koyup, munaranı örttöştü. Şekem munarasındagılardın baarı öldü, anda miŋge jakın erkek jana ayal bar ele.

⁵⁰Anan Abı-Melek Teybeske barıp, anı kurçoogo alıp, basıp aldı.

⁵¹Şaardın ortosunda bekem munara bar bolçu. Erkekter menen ayaldar, şaardın bardık eli oşol munaraga kaçıp kirip, eşigin bekitip, üstünö çıgıp ketişti.

⁵²Abı-Melek munaraga kelip, anı kurçadı. Ot koyup örttöş üçün, munaranın eşigine keldi.

⁵³Oşol uçurda bir ayal Abı-Melektin başına tegirmen taşının sınıgın taştap jiberdi, al anın baş söögün talkalap ketti.

⁵⁴Abı-Melek oşol zamat kural kötörgön jigitin çakırıp: «Kılıçıŋdı kınınan suurup, meni öltürüp sal, “Anı ayal öltürdü” dep aytışpasın», – dedi. Jaş jigit anı sayıp saldı, al öldü.

⁵⁵Abı-Melektin ölgönün körgön ısrayıldıktar öz jaylarına tarap ketişti.

⁵⁶Jetimiş bir tuuganın öltürüp, atasına kılgan kıyanattıgı üçün, Teŋir Abı-Melekti uşunday jazaladı.

⁵⁷Şekemdin turgundarının kılgan bardık jamandıgın Kuday alardın öz başına saldı. Jerup-Baaldın uulu Jotamdın kargışı alarga tiydi.