Read NT LS 2005 – Инжил ЛС (2005 Ayan 13 Bible Online

Ayan 13 - NT LS 2005 – Инжил ЛС (2005 bible

Ayan 13

¹Men deŋizdin jeegindegi kum üstündö turup, deŋizden çıgıp kele jatkan jırtkıçtı kördüm. Anın jeti başı, on müyüzü, müyüzdöründö bolso on taajı, al emi baştarında Kudaydı jamandagan ısımdar bar ele.

²Men körgön al jırtkıç ilbirske okşoş eken. Anın buttarı ayuunukunday, oozu arstandıkınday eken. Ajıdaar aga özünün küçün, taktısın jana uluu biylik berdi.

³Men al jırtkıçtın bir başının oor jaradar ekenin kördüm, birok al oor jarakat ayıgıp kaldı. Büt jer jüzü taŋ kalıp, jırtkıçtın artınan eerçidi. Alar jırtkıçka biylik bergen ajıdaarga taazim kılıp jatıştı.

⁴«Bul jırtkıçka kim teŋ kele alat? Anı menen kim salgılaşa alat?» – dep, alar jırtkıçka tabınıp jatıştı.

⁵Aga tekeberdenip süylögön jana Kudaydı jamandagan ooz berildi, oşondoy ele aga öz biyligin koldonuuga kırk eki ay berildi.

⁶Oşondo al Kudaydı, Anın ısımın, Anın jaşagan jayın jana asmanda jaşagandardı jamandoo üçün oozun açtı.

⁷Aga ıyıktar menen soguşup, alardı jeŋüügö jol berildi. Aga bardık uruulardın, elderdin, tilderdin, uluttardın üstünön biylik berildi.

⁸Jer üstündö jaşagandardın bardıgı, ısımdarı düynö jaralganda ele soyulgan Kozunun ömür kitebine jazılbagan adamdar aga taazim kılışat.

⁹Kimdin kulagı bar bolso, al uksun.

¹⁰Kim biröönü tutkundasa, al özü tutkundalat. Kim kılıç menen biröönü öltürsö, al özü da kılıçtan ölöt. Bul jerde ıyıktardın çıdamkaylıgı jana işenimi kerek.

¹¹Anan men jerden çıgıp kele jatkan başka jırtkıçtı kördüm. Anın kozunukunday eki müyüzü bar eken, birok al ajıdaarday süylöyt eken.

¹²Al birinçi jırtkıçtın aldında anın büt biyligi menen iş jürgüzüp, büt jer jüzün jana anda jaşagandardın baarın oor jarakatı ayıkkan birinçi jırtkıçka taazim kıluuga majburlayt.

¹³Al uluu keremetterdi körsötöt. Atügül, adamdardın köz aldında asmandan jer üstünö ot da tüşüröt.

¹⁴Aga jırtkıçtın aldında keremetterdi jasoogo biylik berilgen. Al oşol keremetteri menen jer üstündö jaşagandardı azgırıp, alarga: «Kılıçtan jarakat alıp, birok tirüü kalgan jırtkıçtın aykelin jasagıla», – dep aytat.

¹⁵Jırtkıçtın aykeli süylöşü üçün, öz işin jürgüzüp, özünün aykeline tabınbagan ar bir adamdı öltürüşü üçün, aga anın aykeline ruh kirgizüügö biylik berildi.

¹⁶Al çoŋgo da, kiçinege da, bayga da, jakırga da, erkin adamga da, kulga da – bardıgının oŋ koluna je çekesine belgi saldırat.

¹⁷Oşondo uşul belgi: je jırtkıçtın ısımı, je anın ısımın bildirgen san koyulbagan adamga satuuga je satıp aluuga bolboyt.

¹⁸Bul jerde akılmandık kerek. Kimdin akılı bar bolso, al jırtkıçtın sanın eseptep alsın, antkeni bul – adamdın sanı. Bul san – altı jüz altımış altı.