Read NT LS 2005 – Инжил ЛС (2005 Ayan 18 Bible Online

Ayan 18 - NT LS 2005 – Инжил ЛС (2005 bible

Ayan 18

¹Oşondon kiyin men asmandan tüşüp kele jatkan, uluu biyligi bar perişteni kördüm. Jer anın daŋkı menen jarık bolup turdu.

²Al katuu ün menen mınday dedi: «Kuladı! Uluu şaar, buzuktuk kıluuçu Babıl kuladı, al jinderdin turak jayı, taza emes ruhtardın baş kalkalar jayı, bardık aram jana jiyirkeniçtüü kanattuulardın jaşay turgan jayı boldu. Antkeni anın buzuktuk kumarının şarabınan bardık elder içip mas boluşkan.

³Jer üstündögü padışalar anı menen buzuktuk kılışkan, anın baylıgı menen büt jer jüzündögü köpöstör bayışkan».

⁴Anan men asmandan mınday dep süylögön başka ündü uktum: «Menin elim, anın künöölörünö ortoktoşup, anın başına tüşö turgan alaamattarga kabılıp kalbaşıŋ üçün, andan çık!

⁵Antkeni anın künöölörü asmanga çeyin jetti, Kuday anın adiletsizdikterin esine aldı.

⁶Aga silerge kılgan işterine jaraşa tieşesin bergile, anın kılgan işterine jaraşa eki ese tieşesin bergile. Anın şarap dayardagan çöyçögünö anıkınan eki ese köp şarap dayardap bergile.

⁷Al özün kançalık daŋktasa, kançalık sayran kursa, aga oşonçoluk azap, oşonçoluk kaygı tarttırgıla. Antkeni al öz içinen: “Men taktıda oturgan hanışamın, men jesir emesmin. Men kaygı tartpaym!” – dep aytıp jatat.

⁸Oşon üçün aga bir kündün içinde alaamattar – ölüm, kaygı jana açarçılık kelet. Al örttölöt, antkeni anı sottogon Kuday-Teŋir küçtüü.

⁹Anı menen birge buzuktuk kılıp jırgalçılık körgön jer üstündögü padışalar anın örtünön çıkkan tütündü körüşköndö, anı joktop, bozdop ıylaşat.

¹⁰Anın kıynalganın körüp üröylörü uçkan alar alısta turup alıp mınday deşet: “Başıŋa karan tün tüştü, uluu şaar, bekem şaar Babıl! Antkeni senin üstüŋön bir saattın içinde öküm çıgarıldı”.

¹¹Büt jer jüzündögü köpöstör anı joktop ıylaşat, antkeni alardın dünüyö-mülktörün:

¹²altın menen kümüştön jasalgan buyumdarın, asıl taştarın, bermetin, zıgır bulasın, koçkul kızıl jana açık kızıl kezdemelerin, jibekterin, ar kanday jıpar jıttuu jıgaçtarın, pildin söögünön, eŋ kımbat jıgaçtan, jezden, temirden jana marmardan jasalgan ar kanday buyumdarın,

¹³darçinderin, jıpar jıttuu zattarın, mirosun, ladanın, şarabın, zaytun mayın, ak unun, buudayın, malın, koylorun, attarın jana arabaların, kuldarın, adamdardın jandarın emi eç kim satıp albayt.

¹⁴“Özüŋ jaktırgan jemişteriŋ kalbay kaldı, baaluu jana jarkıragan nerseleriŋdin baarınan ajıradıŋ, emi sen alardı taba albaysıŋ”.

¹⁵Uşulardın baarı menen sooda kılgandar, uşul şaardın arkası menen bayıgandar anın kıynalganın körüp, korkkondorunan jakın bara albay, joktop ıylap, mınday deşet:

¹⁶“Başıŋa karan tün tüştü, zıgır bulasınan, koçkul kızıl jana açık kızıl kezdemeden kiyim kiyip, altın menen, asıl taştar jana bermet menen jasalgalangan uluu şaar, başıŋa karan tün tüştü!

¹⁷Antkeni uşunday baylık bir saattın içinde jok boldu”. Keme başkaruuçular menen keme jürgünçülörünün bardıgı, kemeçiler jana deŋiz arkıluu sooda kılgan soodagerler alısta turup alıp,

¹⁸anın örtünön çıkkan tütündü karap: “Uşul uluu şaarga teŋ kelgen şaar bar bele!” – dep bozdoşot.

¹⁹Alar baştarına kül çaçıp, bozdop ıylap: “Başıŋa karan tün tüştü, uluu şaar! Deŋizde kemesi barlardın bardıgı senin baylıktarıŋ menen bayışçu ele! Bir saattın içinde kıyradıŋ”, – deşet.

²⁰Asman, ıyıktar, elçiler jana paygambarlar, buga kubangıla, antkeni Kuday alardın üstünön sot jürgüzüp, siler üçün öç aldı».

²¹Anan bir küçtüü perişte tegirmendin taşınday bolgon çoŋ taştı alıp, deŋizge ırgıttı da: «Uluu şaar Babıl da uşunday küç menen kulatılat, al taptakır jok bolot.

²²Sende mından arı gusli çertkenderdin, ırçılardın, çoorçulardın jana surnayçılardın ünü ugulbayt. Mından arı sende eç kanday usta, eç kanday ustaçılık bolboyt, mından arı jargılçaktın ünü ugulbayt.

²³Mından arı sende şam çıraktın jarıgı jarkırabayt, küyöö menen koluktunun ünü ugulbayt, antkeni senin köpöstörüŋ bul düynönün törölörü ele, senin sıykırçılıgıŋ menen bardık elder adaşkan.

²⁴Bul şaardan paygambarlardın, ıyıktardın jana jer üstündögü bardık öltürülgön adamdardın kanı tabılgan», – dedi.