Read NT LS 2005 – Инжил ЛС (2005 Ayan 19 Bible Online

Ayan 19 - NT LS 2005 – Инжил ЛС (2005 bible

Ayan 19

¹Oşondon kiyin men asmandan köp kişinin ünündöy bolgon katuu ün uktum, al ün mınday dedi: «Kudaydı daŋktagıla! Kutkaruu işi, daŋk, urmat-sıy jana küç bizdin Kuday-Teŋiribizge taandık.

²Antkeni Anın ökümdörü adilet jana akıykat! Antkeni Al buzuktugu aşıngan ayaldı sottodu. Al ayal jer jüzün özünün buzuktugu menen buzgan. Kuday Özünün kuldarının kanı üçün andan öç aldı».

³Ekinçi jolu: «Kudaydı daŋktagıla! Al şaardın tütünü tübölük kötörülüp turat», – dep aytıştı.

⁴Oşondo jıyırma tört aksakal jana tört tirüü jandık jıgılıp, taktıda oturgan Kudayga taazim kılıp: «Oomiyin! Kudaydı daŋktagıla!» – deşti.

⁵Anan taktıdan mınday ün çıktı: «Kudaydın bardık kuldarı, Andan korkkondor, çoŋdor da, kiçineler da, bizdin Kudaydı maktagıla!»

⁶Anan men top eldikindey, suulardın şarkıraganınday jana kündün katuu kürkürögönündöy bolgon ündü uktum. Al ün mınday dep jattı: «Kudaydı daŋktagıla! Antkeni bardıgın karmap turuuçu Kuday-Teŋir padışaçılık biylikti koluna aldı.

⁷Süyünölü, kubanalı jana Anı daŋktaylı, antkeni Kozunun nikeleşüü ubagı keldi, Anın koluktusu özün dayardadı».

⁸Aga taza jana jarkıragan zıgır bulasınan kiyim kiyüügö ukuk berildi. Antkeni zıgır kiyim – ıyıktardın adildigi.

⁹Anan perişte maga: «Jaz: Kozunun nike toyuna çakırılgandar baktıluu», – dedi. Anan al maga dagı mınday dedi: «Bul sözdör – Kudaydın çındık sözdörü».

¹⁰Oşondo men aga taazim kıluu üçün, butuna jıgıldım. Birok al maga: «Mınday kılba. Men Iysa Maşayaktın kübölöndürüüsünö ee bolgon senin jana senin bir tuugandarıŋdın kızmattaşımın. Kudayga taazim kıl. Antkeni Iysa Maşayaktın kübölöndürüüsü – paygambarçılıktın ruhu», – dedi.

¹¹Anan men açılgan asmandı jana ak attın üstündö Oturgandı kördüm. Anın ısımı – İşenimdüü jana Çındık. Al adilettüülük menen sot jürgüzöt jana adilettüülük menen soguşat.

¹²Anın közdörü ottun jalınınday, Anın başında bolso köp taajı bar. Anın Özünön başka eç kim bilbegen, jazılgan ısımı bar.

¹³Anın kiygen kiyimi kanga boёlgon. Anın ısımı – Kudaydın Sözü.

¹⁴Anın arkasınan ak at mingen, ak jana taza zıgır bulasınan kiyim kiygen asman koşuundarı eerçidi.

¹⁵Anın oozunan elderdi kıra turgan kurç kılıç çıgıp turuptur. Al elderdi temir tayak menen kaytarat. Al bardıgın karmap turuuçu Kudaydın kaarının jana açuusunun şarabı tolturulgan jüzüm sıgıluuçu jaydı tebelep jatat.

¹⁶Anın kiyiminde jana sanında Özünün ısımı jazılgan: «Padışalardın Padışası jana teŋirlerdin Teŋiri».

¹⁷Anan men kündün üstündö turgan bir perişteni kördüm. Al biyik asmanda uçup jürgön bardık kanattuularga mınday dep kıykırdı: «Kudaydın uluu Keçki Tamagına çogulup kelgile.

¹⁸Padışalardın, miŋ başılardın jana küçtüülördün etin, attardın jana alardı mingenderdin etin, erkin adamdardın jana kuldardın, çoŋdordun jana kiçinelerdin etin jeş üçün çogulgula».

¹⁹Anan men jırtkıçtı, jer üstündögü padışalardı jana alardın çogulgan askerlerin kördüm. Alar at üstündö Oturgan menen, Anın askerleri menen soguşuuga çoguluşkan ele.

²⁰Oşondo jırtkıç jana anı menen birge jalgan paygambar kolgo tüşürüldü. Al jalgan paygambar jırtkıçtın aldında körsötkön keremetteri menen jırtkıçtın belgisin kabıl algandardı jana anın beynesine tabıngandardı azgırçu. Al eköö teŋ küyüp jatkan kükürttüü kölgö tirüülöy ırgıtıldı.

²¹Al emi kalgandarı at üstündö Oturgandın oozunan çıkkan kılıç menen öltürülüştü. Bardık kanattuular alardın ölügün jep toyuştu.