Read NT LS 2005 – Инжил ЛС (2005 Ayan 20 Bible Online

Ayan 20 - NT LS 2005 – Инжил ЛС (2005 bible

Ayan 20

¹Anan men asmandan tüşüp kele jatkan perişteni kördüm. Anın kolunda tüpsüz tuŋguyuktun açkıçı jana çoŋ çınjır bar ele.

²Al şaytan jana ibilis bolup eseptelgen bayırkı jılandı – ajıdaardı karmap alıp, miŋ jılga çınjırlap koydu.

³Miŋ jıl ötköngö çeyin elderdi azgırbasın dep, al anı tüpsüz tuŋguyukka kulatıp tüşürüp, kamap saldı, anan üstünön möör basıp koydu. Al oşondon kiyin gana bir az ubakıtka boşotuluuga tiyiş ele.

⁴Anan men taktılardı jana alarda oturgandardı kördüm. Alarga sot jürgüzüügö ukuk berildi. Oşondoy ele men Iysanı kübölöndürüşkönü üçün jana Kudaydın sözü üçün başı alıngandardın jandarın – jırtkıçka jana anın beynesine tabınbagan, özdörünün çekesine da, koluna da belgi koydurbagandardı kördüm. Alar tirilip, Maşayak menen birge miŋ jıl padışaçılık kılıştı.

⁵Kalgan ölgöndör miŋ jıl ötköngö çeyin tirilişken jok. Bul – birinçi tirilüü.

⁶Birinçi tirilüügö katışkan adamdar – baktıluu jana ıyık adamdar: ekinçi ölüm alardın üstünön biylik kıla albayt, alar Kudaydın jana Maşayaktın ıyık kızmat kıluuçuları boluşat jana Anı menen birge miŋ jıl padışaçılık kılışat.

⁷Miŋ jıl ötköndön kiyin şaytan kamalgan jerinen boşotulup, jerdin tört tarabında jaşagan elderdi, Gok menen Magoktu azgıruu üçün çıgat, alardı soguşka çogultat. Alardın sanı deŋiz kumunday köp.

⁸Alar düynönün tört tarabına çıgıp, ıyıktardın koşuunun jana Kudaydın süyüktüü şaarın kurçap alıştı.

⁹Oşondo asmandan, Kudaydan ot tüşüp, alardı örttöp jiberdi.

¹⁰Al emi alardı azgırgan şaytan küyüp jatkan kükürttüü kölgö ırgıtıldı. Al jerde jırtkıç jana jalgan paygambar bar. Alar künü-tünü, tübölük kıynalışat.

¹¹Anan men çoŋ ak taktını jana anda Oturgandı kördüm. Anın jüzünön asman menen jer kaçtı: alarga orun tabılbay kaldı.

¹²Oşondo men taktının aldında turgan ölgöndördü – çoŋdordu da, kiçinelerdi da kördüm. Kitepter açıldı. Dagı bir kitep açıldı, al ömür kitebi ele. Ölgön adamdar kitepterde jazılgan özdörünün işterine jaraşa sottoluştu.

¹³Oşondo deŋiz özündögü ölgön adamdardı kayrıp berdi, ölüm jana ölgöndör jatkan jay da özdöründögü ölgön adamdardı kayrıp berişti. Ar bir adam öz işterine jaraşa sottoldu.

¹⁴Anan ölüm jana ölgöndör jatkan jay küyüp turgan kölgö ırgıtıldı. Küyüp turgan köl – ekinçi ölüm.

¹⁵Al emi kim ömür kitebine jazılbagan bolso, al küyüp turgan kölgö ırgıtıldı.